په دې ځای کې لیدل کیږي چې د کرونا ویروس د هند میلیونو ښار شینیا کې څنګه ځان خپروي. که څوک دقیق متوجه شي دا واقعي کرونا ویروس نه، بلکه یو پولیس د کرونا ماسک یا کوسټيوم اغوستی دی. د کرونا ویروس دا کسټيوم په کارنیوال کې په ندرت سره د کاریدونکي یونیفورم په توګه نه دی کارول شوی. که څه هم دا خنداور مضحک ښکاري، هدف یې د کرونا ویروس د خپریدو جدیت ته د خلکو متوجه کول دي.

د دې غیر عادي لباس یا کوسټيوم اغوستلو هدف د خلکو پام را جلبول دي. دا پولیس د خپل یو شمیر نورو همکارانو په څیر د دې له پاره په سړک ګرځي چې په ځانګړي توګه د شینیا په څیر ۷ میلیونه نفوس لرونکي ښار کې خلک د فاصلې مراعاتولو ته متوجه کړي.

ریښتیا هم د خولې ماسک د فیل پر تنې مطابقت نه کوي. په انځور کې لیدل کیږي چې د یوه فیل مجسمې ته ماسک ور اغوستل شوی او د شینا ښار په سړکونو کې یې ګرځوي، څو خلک ګرځبندیز ته متوجه کړي.

دې سړي، د هندوانو په مذهب کې د مرګ رب النوع «Yama» په شکل ځان ملبس کړی دی چې د کرونا ویروس د سمبول په شکل پوقانې یې پر بدن زړول شوي دي. ده ته د پولیسو له خوا دنده ورکړل شوې ده چې د پلازمېنې ډهلي خلک د ټولینز واټن ساتلو او ګرځبندیز ته متوجه کړي.

په دې کسټيوم کې داسې یو څوک نه دی چې د خلکو د خندولو له پاره یې دا کار کړی وي، بلکې دا د پولیسو یو مامور دی چې د کرونا ویروس له امله رامنځته کیدونکو خطرونو ته د خلکو د پام را اړونې هڅه کوي.

د بولیویا په پلازمېنه لاپاڅ کې دوه تنو پولیسو د خپل ماموریت پر مهال د کرونا ویرس کوسټيوم اغوستی دی او په دې توګه هڅه کوي خلک د ټولنیز فاصلې مراعتولو ته متوجه کړي. بولیویا په مارچ میاشت کې روغتیایي بیړنی حالت اعلان او د می په دریمه نیټه په پام کې نیول شوي ټاکنې یې تر یوې نامعلومې نیټې ځنډولي. د یوې کورنۍ یوازې یو تن اجازه لري چې د ۷ او ۱۲ بجو ترمنځ له کوره د خوراکي توکو د خریدارۍ له پاره را ووځي.

واه، بی خونده یا «اوه» ډیر په زړه پورې. دلته خبره د حکومتي کمپاین نه ده، بلکې دا ابتکار د غزې په تړانګه کې یو کلچه بز کړی دی، خو دا لا معلومه نه ده چې آیا دا کار یې یوازې د پيسو د ترلاسه کولو په هدف کړی او یا یې غوښتل چې خلکو ته خبرداری ورکړي.

دغه کلچې کولی شي یوازې هغه کسان وخوري چې د خولې پټولو ماسک ولري. دا کلچې د آلمان د زاکسن ایالت په دریسدن ښار کې د یوې کلچه پزۍ له خوا وړاندې کیږي. دا چې آیا دوی تاسې د ماسک پر مخ کولو ته هڅوي یا برعکس، خو لږ تر لږه خلک روان وضعیت ته متوجه کوي.

د کرونا ویروس پر ضد د انساني زنځیر جوړولو نیت شاید ښه وي، خو کیدای شي برعکس پر کرونا ویروس د اخته کیدو چانس لوړ کړي. خو د یوه هنري اثر په توګه کومه خبره نه ده.

د دغه ۳۰۰۰ متره مربع هنري اثر ټول ابعاد سړی کولی شي له ډیر لیري ځای څخه وګوري. دې هنري اثر ته د «له کړکیچ وروسته وخت» عنوان ورکړل شوی دی چې د سویس په یوه زرغونه سیمه کې د سایپ هنرمند له خوا جوړ شوی دی. د دغه هنرمند په خبره د دې اصلي پيغام دا دی چې «مونږ ټول به تر بحران وروسته په یوه لور حرکت کوو». دا اثر له بیولوژيکې موادو څخه جوړ شوی، نو ځکه کیدای شي څو اونۍ وروسته لمنځه لاړه شي.