کرونا بحران د هندوستان اقتصاد ته سخته ضربه ورکړې ده. بیکاري خپل اوج ته رسیدلې او ډیر کسان نه پوهیږي چي څه وکړي. ځکه نو په مخ پر ډیریدونکي ډول سره اکثره په جنايي اعمالو لاس پوري کوي.
جاناکي دیوي، د نوي ډیلي د جنوب په یوه پارک کي قدم واهه، چي پر موټرسیکل سپرو دوو نارینه وو حمله پر وکړه او د سرو زرو امیل یې ورڅخه یووړ. دغي ۵۰ کلني ښځي دویچه ویلي ته وویل، چي «هرڅه دومره ژر تر سره سوه، چي کله چي زه متوجه کیدمه، هغوی بیا تللي وه.»
خو دې طالع درلوده، چي د یوې ویدیويي فلم له لاري پولیسو غله وپيژندل. هغوی دوه محصلین وه، چي پخوا يې هیڅ کوم جرمي عمل نه درلود.
په هندوستان کي جنايي اعمال تر هغه وروسته لا ډیر سول، چي د کرونا ویروس تر شیوع وروسته چارواکو تیره میاشت د کرونا قیودات نرم کړل. د هندوستان د خارجه وزارت د یوه متقاعد مامور یوه ښځه بیا تیره میاشت د غلا پر مهال په چاړه ووهل سوه. د پولیسو په حواله دغه جرم هم د یوه امنیتي ارګان یوه کارکونکي او ملګري یې سرته رسولی دی.
ډیریدونکې بې کاري خلګ غلاوو ته مجبوره کوي
کارپوهان وايي، چي د کرونا بحران په نتیجه کي د بیکاری ډیریدل ډیر انسانان جنايي اعمالو ته مجبوره کړي دي، خصوصأ ځوانان. د مثال په ډول د نوي ډیلي د یوه رستورانت دوه پخواني منیجران او د ساختماني سامان آلاتو یو دوکاندار د موبایل تلیفونو او زیوراتو په یوه غلا کي مجرم وپيژندل سوه.
د نوي ډیلي د پولیسو قومندان دویچه ویلي ته وویل، چي«په ډیرو حالاتو کي تحصیل یافته کسان مجرم پیژندل سوي دي، چي پخوا یې هیڅ جرم نه درلودی. هغوی د تحقیقاتو پر وخت ویلي دي چي هیڅ کار نه لري او ژوند کول ورته اسانه نه دي.»
هندوستان تقریباً یو ميلیون د کرونا ثبت سوي پيښي لري، چي د هغوی له جملې څخه یې تقریبأ ۲۵۰۰۰ انسانان مړه سوي دي. تر امریکا متحده ایالاتو او برازیل وروسته هندوستان په دې منځ کي د کرونا تر ټولو ډيري پيښي لري.
سایبري حملې ډیري سوي
چارواکو رپوټ ورکړی دی چي د کرونا بحران له پيل راهیسي سایبري حملې هم ډیري سوي دي. یوازي په مهاراشترا ایالت کي پولیسو دغه ډول ۴۰۰ حملې ثبت کړي دي، چي په انترنیت کي نفرت او تفرقه اچونکي شعارونه او مضامین یې یو مثال دی. د مهاراشترا د پولیسو یو مامور، بالسینګ راجپوت، چي د پولیسو د سایبري حملو مسؤل دی، وايي، چي «موږ نظارتي ارګانو ته وظیفه ورکړې ده چي دغه ډول مضامین د انټرنیت څخه وباسي.»
دا پيښي هم په هندوستان کي مخ پر ډیریدو دي چي خلک د انلایني اکونت له لاري جعل کارۍ کوي. د پولیسو یو مامور دغه جنجالي موضوع داسي تشریح کوي:«موږ تشخیص کړې ده، چي سایبري جعلکارانو غلط انلایني سایټونه جوړ کړي دي چي د پیسو تحویلولو له خدماتو سره مشابه دي، تر څو بانکي مشتریان د پیسو لیږلو ته رهنمايی کړي.»
زموږ له آرشیف څخه:
کرونا ـ ګوردوارې په هند کي ميليونونه انسانان له لوږي ژغوري
په داسي حال کي چي هندي چارواکي د کويد ۱۹ سره په مبارزه بوخت دي، د ډهلي سيکهان د خپلو عبادتځايونو له لاري د زيات شمېر انسانانو سره غذايي مرستي کوي. په هکله يې انځوريز راپور:
انځور: DW/S. Chabbaپه هند کي د ۲۱ مليونو په شاوخوا کي سيکهان ژوند کوي او په دې توګه دغه دين د هند څلورم لوی دين دی. په دغه دين کي د «سيوا» يا خدمت عنصر مهمه ديني وظيفه ده. له همدې کبله د سيکهانو په ديني عبادتځايونو «ګوردوارو» کي په نړيواله توګه مليونونو انسانانو ته مفته غذا ورکول کيږي.
انځور: DW/S. Chabbaکله چي د کرونا د مخنيوي په مقصد د مارچ په پای کي په هند کي لاک ډاون ولګول سو نو ګوردوارې هم وتړل سوې. خو د عامو عبادت کوونکو د مرستي بغير هم د گوردوارې عملې خپلو عبادتونو او د ډهلي اړمنو ته د خدماتو رسولو لړۍ جاري وساتله. تېره مياشت د محدوديتونو د کمېدلو سره سم عبادت کوونکو عبادتځايونو ته مخه وکړه او د ماسکونو فاصلې احتياطي تدابير عملي سول.
انځور: DW/S. Chabbaد سيکهانو د فلسفې له مخي پر دغه دين معتقد کسان بايد خالي لاس کور ته ستانه نه سي. ګوردوارې ته په ورتګ سره درې کارونه کيږي: يو خو د سيکهانو له ګورو څخه درس اخيستل کيږي، بل د «پرساد» په نوم د غنمو له اوړو څخه جوړ سوي خواږه ترلاسه کيږي او دريم د عبادتځي له پخلنځي څخه ډوډۍ هم ترلاسه کيږي.
انځور: DW/S. Chabbaهره ورځ په زرهاؤ کسانو ته غذا پخيږي
پخلنځي هر سهار وختي په درو بجو خپل کار پېلوي او د نژدې ۱۰۰ زرو کسانو له پاره خواړه پخوي. په دې ترڅ کي ښځي او نارينه سره يوځای کيږي او دال، ډوډۍ او وريجي پخوي. د دغې غذا له پاره اړيني اقتصادي مرستي د ډهلي د ګوردوارو د ټولنې له کمېټې او د عقيدت لرونکو له بسپنو څخه په لاس راځي.
انځور: DW/S. Chabbaتر ۲۰ څخه زياتو سيمو کي د غذا وېش
په ګوردوارو کي د غذا د چمتو کولو وروسته دغه غذا د لارۍ موټرو په مرسته د ډهلي شاوخوا سيمو لکه نويدا او غازي آباد ته وړل کيږي. د غذا د وېش سيمي پکښي د اړمنو کسانو د شمېر او اړمنتيا د درجې او د ورته مرستو د نه رسېدلو پر اساس انتخاب کيږي. حکومتي چارواکي او ځايي غيردولتي سازمانونه هم د زرهاؤ غذايي بستو هيله کوي.
انځور: DW/S. Chabbaد سيکهانو د دين له مخي د اړمنو کسانو سره مرسته لوی عبادت دی. له دې مخکي چي د مرستو لارۍ موټر سيمي ته ورسيږي، اړمنو کسانو لوی لوی قطارونه ورته جوړ کړي وي چي خپله ورځنۍ غذا ترلاسه کړي. په دغو کي غريب ښځي نارينه، ځوان او سپينږري، معذورين او په همدې شان په کوڅو کي ژوند کوونکي ماشومان هم شامل وي. د کرونا له کبله له معاش او روزګار څخه بې برخي سوو کسانو سره هم غذايي مرستي کيږي.
انځور: DW/S. Chabbaد غذا ترلاسه کولو په ترڅ کي د اړمنو کسانو دوه بېل قطارونه جوړيږي. په يو قطار کي نارينه او په بل قطار کي مېرمنې، معذور کسان، ناروغان او سپينږري د غذا ترلاسه کولو له پاره انتظار باسي. که څه چي د غذا د وېش دغه پروسه ډېره ښه سازماندهي سوې وي خو بيا هم په د ۱،۳ ميليارده نفوس لرونکي هيواد کي اړينه ټولنيزه فاصله نيول يوه ننګونه ده.
انځور: DW/S. Chabbaد اکثرو هغو کسانو له پاره چي په دغو اوږدو قطارونو کي ولاړ وي، دلته په لاس ورتلونکې غذا به د دغې ورځي له پاره د دوی يوازنی خوراک وي. بعضي حتی د ځان سره خلطې يا لوښي راوړي چي د کورنۍ د غړو له پاره هم غذا ترلاسه کړي. دا هغه کسان دي چي ورته په داسي سيمو کي ورته «لنګر» يا غذايي مرسته رسيږي چيري چي حکومتي يا د سازمانونو مرستي نه وي رسېدلي.
انځور: DW/S. Chabba