سپورت
کريکټ: افغانستان خپله دوهمه لوبه هم له ايرلنده وګټله
۱۳۹۸ اسفند ۱۸, یکشنبه
اعلان
له ايرلند څخه د افغانستان د اسلامي بانک جام سياليو په لړ کې خپله دوهمه لوبه نن يکشنبه (د ۲۰۲۰م کال د مارچ ۸مه) له ايرلند څخه د ۲۱ منډو په توپير وګټله.
افغانستان چې په ننۍ لوبه کې يې لومړی توپوهنه وکړه، په شلو اورونو کې يې د ۴ لوبغاړو په سوځيدو ۱۸۵ منډې جوړې او ايرلند ته د ۱۸۵ منډو هدف وټاکه.
په مقابل کې ايرلند د ۶ لوبغاړو په سوځيدو، په ټاکلو شلو اورونو کې ۱۶۳ منډې جوړې کړې.
افغانستان تر دې وړاندې د جمعې په ورځ د دغه جام لومړنۍ لومړنۍ لوبه هم له ايرلند څخه ګټلې وه.
د دغه جام دريمه او وروستۍ لوبه به د راتلونکې سه شنبې په ورځ د مارچ په لسمه ترسره کيږي.
د افغانستان د اسلامي بانک جام، روانې سيالۍ، د هندوستان په ګريتر نويدا لوبغالي کې ترسره کيږي.