د سیمي یوتن اوسیدونکی عبدالباري تور لګوي چي د ځايي امنيتي پوستې قومندان وژل سوی هلک څو واري مخکي هم مجبور کړی ؤ، چي «له دوی سره په پوسته کي پولیس سي، خو هغه دغه خبره نه وه منلې.»
عبدالباري تور لګوي چي پوليسو دوې ورځي ترمخه دغه هلک په یوه پلمه امنیتي پوستې ته بیولی او هلته يې په زور ډله ییز جنسي تیری پر کړی دی. هغه زياتوي: « داخبره موږ ډېر زهیروي، چي دومره لویه ناروا په امنیتي پوسته کي دننه د امنیتي کسانو له خوا کيږي، نو له نورو خلکو به څه ګیله وکړو؟»
د کلي نور اوسېدونکي هم ادعا کوي چي پر هلک د ډله ییز جنسي تېري کولو وروسته «هغه په وهلو ټکولو وژل سوی چي بیا حال ونه وايي».
تر اوسه یاد قومندان، د ده ملګرو او په همدې شان د ادعا سوي قرباني کورنۍ په دې اړه رسنیو ته هیڅ نه دي ویلي.
د کندهار د امنیه قومندانۍ مطبوعاتي مسؤل جمال ناصر بارکزي له المان ږغ دویچه سره په خبرو کي پر یاد هلک د جنسي تیري دعوه رده کړه. هغه ومنل چي «دغه هلک دوې ورځي ترمخه په یاده سیمه کي نامعلومو کسانو په وهلو ډبولو کي وژلی دی.»
بارکزي زیاته کړه: « دا د جنسي تیري خبره نه ده، موږ یوازي د خلکو د غوښتني پر اساس یاد قومندان او ورسره څلور تنه نور د کندهار امنیه قومندانۍ ته د پوښتنو او ګروېږنو لپاره راوستلي دي، که چیري په دې اړه نور جزییات په لاس راغلل، نو سمدستي به یې له رسنیو سره شریک کړو.»
د کندهار د بشري حقونو د خپلواک کمیسون د سیمه ییز دفتر مسؤل سلطان محمد عایل د دغې پيښي په هکله وایي:« هره پېښه، چي بشري حقونه پکښي تر پښو لاندي سوي وي، زموږ د اندېښنې وړ ده او په کلکه يې غندنه کوو.»
دا په داسي حال کي ده، چي تیره اوونۍ د کندهار ښار په عینو مېنه کي دیوې داسي میرمني جسد وموندل سو، چي د سر او مخ پوست يې اړول سوی ؤ. امنیتي مسؤلینو ویلي ول، چي دوی په دې اړه پلټني کوي.
س./ا.ا.
پر ورته موضوع زموږ له آرشيف څخه يو انځوريز راپور (18.05.2020):
کرونا ویروس؛ په کندهار ښار کې ورځنی ژوند
په داسې حال کې چې په افغانستان کې د تیرو اوونیو په پرتله په کرونا ویروس د اخته کسانو شمیر ورځ تر بلې مخ پر ډیریدو دی، په ځینې ښارونو لکه کندهار کې لګیدلي محدودیتونه پر کمیدو دي او خلک هم دغې ناروغۍ ته جدي پاملرنه نه کوي.
انځور: DW/M. Ibrahimکه څه هم د کندهارښار پر اکثرو دېوالونو د کرونا ناروغۍ د مخنیوي لاري چاري شعاري انځور سوي دي، مګر بیاهم خلک کرونا ناروغۍ ته هغسي پام نه کوي لکه څنګه، چي ورته په کار دی.
کندهار ښار د کرونا ناروغۍ د مخنیوي په موخه د مازیګر له ۴ بجو څخه بیا د سهار تر پنځو بجو پوري تړل کیږي، خو دوکانداران وايي، دغه وخت يې د سودا پلورولو دی.
یو موچي، صدیق الله وایی چې په تیرو کلنو کي به دامهال کارونه پر ډېر وه، خو اوس يې په ټوله ورځ دوې جوړې څپلۍ ګنډلي دي.
مازیګر د قرنطین پرمهال له ارغنداب او پنجوايي ولسوالیو څخه تنکي ځوانان د ښار په بیلا بیلو برخو کي تازه توت یوه پياله په ۵۰ افغانۍ خرڅوي، چي په وینا يې کار يې پر جوړ دی.
پولیس وايي چې په سره ګرمۍ او فرضه روژه کي د خلکو خدمت کوي، خو خلک بیا وايي چې په روژه کي امنیتي پيښي زیاتي سوي دي.
د کندهار ښار په زړه کي شهیدانو چوک ته نژدې رکشا او ټیکسي چلوونکي وايي، قرنطین يې خوارۍ درولي دي.
کندهارۍ خولۍ (رخچیني)، کندهارۍ صدرۍ اوخ امکي غاړي په افغانستان او ځينو گاونډيو هيوادونو کې شهرت لري، خو هغه میرمني، چي دغه لاسي کارونه کوي، د مناسب بازار نستوالی لویه ستونزی ګڼي.
د څپلیو پلورونکي دوکان مخې ته هم مشتریان لیدل کیږي. د ښار په مختلفو برخو کي د کرونا ویروس د خپریدو د مخنیوي له پاره په پام کې نیول شوې سپارښتنې نه مراعاتيږي.
د روژې، کرونا او قرنطین له امله په کندهار کي د خوراکي او غیري خوراکي توکو بیې اسمان ته ختلي دي. د مثال په ډول د غوړو یوه ۱۰ کیلويي ډبه ترمخه په ۷۰۰ افغانۍ وه، خو اوس يې بيه ۱۱ سوو افغانیو ته لوړه سوې ده.
هره ورځ په کندهار کي نژدې ۴۶ زره ډوډۍ د ښار په بیلا بیلو ناحیو کي وېشل کیږي، خو اکثره غریبان وایی، دغه ډوډۍ دوی ته نه رسیږي. دوی د ډوډۍ د کیفیت څخه هم ناخوښه دي، خو ښاروالۍ ریاست وايي، هره ورځ يې د څارني ډله نظارت کوي.
هر وخت، په روژه کي بیا په خاص ډول د کندهاریانو دسترخوان په وطني شنو سبزیجاتو ښایسته وي.
کندهارۍ الوچه ډیر شهرت لري او ډاکټران وايي چي د بدن د دفاعي سيستم له پاره ويټامين سي ډيره اړينه ده.
کندهاریان د روژه مات پرمهال جلبۍ او نوري خوږې میوې له چایو سره په خوند خوري.
کندهارۍ کلچې هم لکه کندهارۍ جلبۍ د روژه مات ترڅنګ د اختر په ورځو کي ډیري خوړل کیږي.
که څه هم کوچني اختر ته لا یوڅو ورځي پاته دي، خو د کندهار ښار د اکثرو دوکانونو مخ ته د اختر رنګا رنګ میوې خرڅیږي. ترمخه دغه اختریزي میوې له پاکستان څخه راوړل کیدلې، خو اوس دغه میوې په کندهارکي چمتو کیږي، چي له دې ځایه پر زابل، هلمند، روزګان او هلمند ولایتونو سربیره فراه او نیمروز ولایتونو ته صادریږي.
