د هغې په خبره په دغو زده کړو کي چي انلاین فریلانسنګ، د انلاین بازار ډولونه، د فریلانسنګ ګټي، اغیزمنیتا، مهارت، یوټیوب او په یوټیوب کي د چینل جوړولو لاري چاري او ځیني نوري موضوعګاني پکښي وې «زموږ له پاره دومره مهم وو لکه ډوډۍ، ځکه اوس ډیري تعلیم لرونکي میرمني او نجوني وزګاري په کورونو کي ناستي دي. دغه ډول زده کړي موږ نجونو ته ډېري مهمي دي.»
په کندهارکي مدني فعاله صالحه ارین هم وايي چې دا وخت، چي له شپږم ټولګي څخه پورته نجوني له زده کړو محرومي او په اکثرو دولتي ادارو کي ښځي کار نه سي کولای، نو دغسي زده کړي دوامداره په کار دي، څو زیاتي تعلیم لرونکي نجوني او میرمني ورڅخه ګټه واخلي.
د هغې په خبره دغه شان زده کړي چي ښځي وکولای سي له کور څخه د انلاين له لاري کار وکړي ډېري مهمي دي، ځکه چي اوسنی سیاسي او اقتصادي وضعیت ترهرچا پر ښځو ډېر اغېز کړی دی.
د امین الله په نامه یو زده کوونکی وايي، دلته يې له خپلو ښوونکو څخه ډېر شیان زده کړي او کولای سي تر « ۱۰۰» پوري حساب ولیکلای او ولوستلای سي.
انځور: Naqibullah Eshaq
تلوکان» د کندهار ښار په څلوېښت کیلو مترۍ کي پرته سیمه ده چي دغه ښوونیز مرکز يې د سیمي د زده کوونکو له پاره یو طلايي چانس ګڼل کیږي. په دغه مرکز کي دوه تنه ښوونکي چي له دولسم ټولګي څخه فارغ دي په تدریس ګومارل سوي دي.
انځور: Naqibullah Eshaq
«تلوکان» سیمي خلک وايي، دولت او نړيوالو مؤسسو ته په کار ده چي دغه مرکز تقویه او نور ښوونیز مرکزونه هم ورته جوړ کړي چي په «یو وخت کي زیاتو زده کوونکو ته د زده کړو زمینه چمتو سي.»
انځور: Naqibullah Eshaq
د کندهار په دغه ليري پرته ولسوالي کي چي جګړو سخته ځپلې ده، د دغه شان يو ښوونيز مرکز جوړيدل يې اوسېدونکو ته د خوښۍ زيری دی. زده کوونکي هر سهار پر ټاکلي وخت هلته ځي، په یوه کرښه کي منظم دریږي، تر قرائت او ترانو ویلو وروسته خپلو ټولګیو ته ځي او د ښوونکو درس ته په ډېره مینه غوږ نيسي.
