دا سړی هم یو مراکشی وو. دقیق د هغه بریدګر په څیر چې د هسپانیې په بارسلونا ښار کې یې ۱۴ انسانان ووژل او تر سلو ډیر یې ټپیان کړل. نوموړۍ ورځپاڼې لیکلي دي چې دغه بی رحمانه پیښې د دې سبب شوي دي چې په اروپا کې د خلکو عامه افکار د مهاجرو پر ضد کړي.
همدارنګه ګارډین په خپل دغه رپوټ کې لیکلي دي چې په داسې حال کې چې د آلمان صدراعظمه انګلا میرکل د مهاجرو اړوند پر خپلو ژمنو ولاړه ده، خو اروپایې اتحادیې ښودلې چې ماته یې خوړلې او حتی ثابته کړې یې ده چې په ایټالیا او یونان کې (د مهاجرو د کړکیچ په برخه کې) د خپلو بهرنیو سرحدونو په کنترول کې پاتې راغلې.
ورځپاڼه زیاتوي چې روانه وضعه د هغو میلیونونو انسانانو له پاره چې له زور زیاتي او نا امنیو له امله اروپا ته راغلي دي، دردونکې ده. ګارډین په پای کې لیکلي دي چې «دا د تروریستانو له پاره یو ډول بریالیتوب دی چې غواړي د اروپا نړیوال ارزښتونه له منځه یوسي».
پر ورته موضوع زموږ له آرشیف څخه انځوریز رپوټ:
بارسلونا کې ترهګریز یرغلونه ـ تر اوسه کوم معلومات شته
د پنجشنبې په ورځ د هسپانیې په یوه مشهور ځای لاس رمبلاس کې یو لارۍ موټر پر خلکو وروخیژول شو. په پيښه کې ۱۳ تنه ووژل شول او نور ګڼ شمیر ټپیان شول. تندلارې ډلې «اسلامي دولت» د برید مسوولت پر غاړه اخیستی
