ګروسي په کیف کي د اوکراین د دغي اټومي دستګاه د امنیت او محافظت د خپلو پلانونو په اړه وویل چي کار روان دی او فکر کوي چي ښه پرمختګونه رامنځته سوي دي. خو د دغه پرمختګ په باب یې مشخص څه ونه ویل. 

په عین حال کي بیا د اوکراین خارجه وزیر، دیمترو کولیبا ټینګار وکړ چي کیف د بین المللي اټومي انرژۍ د آژانس له خوا تر پیشنهاد سوي اوربند نورهم ډیر څه غواړي. هغه ويلي چي روسیه باید دغه دستګاه بیرته اوکراین ته وسپاري.