د نړۍ دغه مشهور کتابتون نژدې ۲۰۰۰ کاله مخکي وسوځېد. تر سوځېدو مخکي په «سنکدريه کتابتون» کي د نړۍ ۴۹۰۰۰۰ پوهي په پاپيروس-رولونو کي راټولي سوي وې. د سنکدريه نوی کتابتون له ۲۰۰۲م کال راهيسي خپل ځان د نړۍ له زاړه زمان سره ځان تړي. د دغه کتابتون پر جوړېدو ۲۲۰ ميليونه ډالره مصرف سوي دي.
انځور: picture-alliance/Arco Images GmbH
موميايي سوي خزانې
په سويس کي د صومعه سنت گالن کتابتون يوه برخه له ۱۳۰۰ کاله راهيسي زېرمه سوې ده. يو مصری موميايي هم په دغه کتابتون کي دئ. د کتابون دغه سالون (په انځور کي) په نړۍ کي د کتابتونونو يو له ډېرو ښکلو سالونونو څخه دئ. دغه سالون په ۱۹۸۳م کال کي يونيسکو د نړۍ په فرهنگي ميراثونو کي ثبت کړ.
انځور: picture-alliance/Stuart Dee/robertharding
مغز
په برلين کي دغه کتابون په دې سبب چي د جوړښت شکل ئې سر ته پاته کيږي نو د «مغز» په نوم ياديږي. په دغه کتابتون کي ډېر آثار د برلين د آزاد پوهنتون د فلسفې پوهنځی دي. دغه ودانۍ د مشهور انجينر فورمن فرستر له خوا په ۲۰۰۵م کال کي پرانيستل سوه.
انځور: picture-alliance/dpa/D. Andree/Helga Lade
جذاب نظر
په بدلين کي «لانگ روم» دوه پوړيزه کتابخانه ۶۴متره لوړوالی او ۱۲ متره بر لري. دغه کتابتون د تاريخي پوهنتون «ترينيتي کالج» يوه برخه ده.
دا يو کتابتون نه دئ، بلکي په بوينس آيرس کي د «آتينيو» په نوم يو کتاب پلورنځی دئ. دغه ودانۍ په ۱۹۱۹م کال کي د تياتر له پاره پرانيستله سوه او د ۱۹۲۰په وروستۍ لسيزه کي سينما سوه او بالاخره په ۲۰۰۰م کال کي په کتاب پلورنځی واوښت.
