رودس د یونان له تفریحي جزیرو ده، چې د دوبي په موسم کې ورته له بېلابېلو هېوادونو زرګونه کسان د رخصتیو تېرولو په موخه سفر کوي. د روان کال د سختې ګرمۍ له امله له تېرو څو ورځو راهیسې په دغې جزیره کې اورلګېدنه پیل شوې ده.
د یونان ساحلي ګارد ویلي، چې شاوخوا ۳۰ زره کسان یې د ممکنه اورلګېدنې د خطر له سیمو، امن ځایونو ته لېږدولي دي. یوازې د شنبې پر ورځ له ۲۰زرو ډېر کسان د کښتیو په وسیله د دغې جزیرې له سواحلو انتقال شوي دي.
یونان له ترکیې سره پر پوله د ۱۴۵ کډوالو د ژغورنې خبر ورکړی
«د لارو بندښت ژغورنه ستونزمنه کړې.»
د دغې سیمې یوه مشر جورج هادیمارکوس »سکای« ټلوېزیون ته ویلي دي، چې د اورلګېدنې له امله د لارو بندښت د خلکو د ژغورنې پروسه ستونزمنه کړې ده. هادیمارکوس وویل:«موخه داده، چې انسانان وژغورل شي.»
د یونان ځنګلونو کې اورلګېدنه، د خلکو د ژغورنې عملیاتانځور: Lefteris Diamandis/REUTERS ویل کېږي، ځینو مواردو کې ډېری هغه خلک چې د رخصتیو تېرولو په موخه دغې جزیرې کې اوسي، اوږدې لارې په پلي ډول وهي.
د سیلانیانو او د سیمې ځینو خلکو له پاره په سپورټي سالونونو، د ښوونځیو په ودانیو، د هوټلونو د کنفرانس په خونو کې د اوسېدو بندوبست شوی دی. ویل کېږي، تر دې دمه د کیوتاري په ساحل کې د اورلګېدنې له امله درېو هوټلونو ته زیانونه اوښتي دي.
دولتي او ناودلتي مرستندويان
د یونان د ساحلي ګارد د وینا له مخې، له ۲۰ زرو ډېر کسان یې د کښتیو په وسیله د کیوتاري او لاردوس له سواحلو د دغې جزیرې امن سواحلو ته ولېږدول شول.
د ژغورنې په دې پروسه کې له ۳۰ ډېرو نادولتي کښتیو ګډون کړی، چې د ساحلي ګارد درېو کښتیو ورته لارښوونه کوله. د یونان د ساحلي ګارد د سرتېرو په وینا، د دغې هېواد د سمندري پوځ یوه کښتۍ زیانمنې سیمې ته روانه شوې ده.
د يونان ساحلي پوليسو د ژغورنې پراخ عمليات پيل کړي
د یونان ځنګلونو کې اورلګېدنهانځور: Argiris Mantikos/Eurokinissi/REUTERS
د رسنیو د رپوټونو تر مخه، ځینې هغه مسافر چې ژغورل شوي، له الوتنو پاتې شوي، ځکه د اور لمبو د لېږد رالېږد عادي اړیکې پرې کړي دي.
په رودس جزیره کې پراخه اورلګېدنه له تېرو پنځو ورځو روانه ده. لومړنۍ اورلګېدنه د دغې جزیرې د مرکز په یوې غرنۍ سیمه کې رامنځته شوې وه. شاوخوا ۲۰۰ اور وژونکي او پنځه هیلکوپټرې د اور د کابو کولو له پاره ګومارل شوې وې.
یونان د ګرمۍ له سختو څپو زورېږي. د اونۍ پای کې د تودوخې درجه ۴۴ سانټي ګراډ اټکل شوې وه. اوس مهال د دغې هېواد بېلابېل ځنګلونه د اور تر لمبو لاندې دي. د اور وژنې ادارې د خبرتیا پر اساس، تېرو ۲۴ ساعتونو کې ۴۶ نوې اورلګېدنې رامنځته شوي دي.
انځورونه: د اروپا په ځنگلونو کي اور لگيدني
له څو مياشتو وچکالۍ او سختي تودې هوا له کبله چې د حرارت درجه ۴۵ ته رسېدلې، د اسپانيا، پرتگال او فرانسي په ځنگلونو کي سخت اورونه لگيدلي دي. په ټوله اروپا کي کابو ۹۰۰ زره هکټاره ځمکه سوځېدلي. انځورونه يې دلته کتلی شئ.
انځور: Patricia De Melo Moreira/AFP/Getty Imagesد پرتګال په مرکزي سیمو کې په دې وروستیو اونیو کې څو ځايه اور اخيستی. د اور مړ کولو له پاره تر ۳۰۰ زره زیات اور وژونکي او په زرونه سیمه ایزو خلک لاس په کار شوي دي.
انځور: Patricia De Melo Moreira/AFP/Getty Imagesيوازې په یوه اونۍ کې په پرتګال کې لس زره هکټاره ځنګل وسوځل شو. تر اوسه پورې ۱۶۰ کسان ژوبل شوي دي چې ۷۰ یې د اور وژني يا اطفايي کارکونکي دي.
انځور: PATRICIA DE MELO MOREIRA/AFPپه پرتگال کې تر اوسه نژدې ۲۰۰ کوچنۍ او ستري اورلګيدني شوي دي.
انځور: Joao Henriques/AP Photo/picture alliance/dpaپه دې اونۍ کې د پرتګال په تاریخ کې د لومړی ځل له پاره د ۴۷ درجو تودښت ثبت شو. تر اوسه د پرتګال ۳۸۵۰۰ هکټاره ځنګلونه د اور لگيدنې له امله له منځه تللي، چې د تیر کال په پرتله ۳۵ په سلو کې زیاتوالی ښيي.
انځور: Ricardo Rubio/EUROPA PRESS/dpa/picture allianceپه فرانسه کې د تالندې او بريښنا له کبله د سیمې په ځنګلونو کې اورونه لگيدلي چې درې زره او پنځه سوه هکټاره ځنګل له منځه تللی دی.
انځور: /Service Communication-Protocole SDIS 33/AP/dpa/picture allianceد «بوردیو» په سیمه کې د ځنګلونو دوه نوري اور لگيدني له کنټروله وتلي وې او تر زرو زیاتو اور وژونکو هڅه وکړه چې په دریو ورځو کې اور کنترول کړي.
انځور: Service Communication-Protocole SDIS 33/AP/dpa/picture alliance۴۰ درجې تودښت او باد د فرانسې په ځنګلونو کې د اور وژنې عملیات ستونزمن کړل. په روان کال کې په فرانسه کې څه د پاسه درې زره اته سوه هکټاره ځنګل سوځول شوی دی.
انځور: Laurent Theillet/SUD OUEST/PHOTOPQR/MAXPPP/dpa/picture allianceپه فرانسه کې د کلیو نږدې لس زره اوسېدونکي اړشول چې خپل استوګنځایونه پریږدي او خوندي سیمو ته ولاړ شي.
انځور: Gaizka Iroz/AFP/Getty Imagesد اسپانيا په ځنګلونو کې ۱۸ لوی اورونه لگیدلي ول. د مالاګا په کوستا دل سل سیمه کې تقریباً ۲۳۰۰ کسان له خپلو کورونو خوندي ځایونو ته و ليږدول شول.
انځور: Eduardo Sanz/Europa Press/abaca/picture allianceد کوستا دل سل په سیمه کې اور یوازې په څو ساعتونو کې زر هکتاره ځنګل وسوځاوه.
انځور: Alex Zea/Europa Press/abaca/picture allianceد اور وژنې په عملیاتو کې ۲۰۰ اور وژونکي، ۱۵ څرخي الوتکي او د اوبه شیندلو چورلکي فعاليت کوي.
انځور: Lorenzo Carnero/ZUMA/picture allianceد ترکيې (په انځور کي) یونان، ایټالیا او کروشیا په ځنگلونه کې هم اورونه لګېدلي دي. د ځنګله يو هکټار تقريباً ۲۰ کاله وخت نیسي چي بيرته خپل پخواني حالت ته راځي.
انځور: DHA ا.دیدار، ا.جواد، AFPD / 0996/ AFPD / DRINGEN