دغه ۱۹ کلن سوریایي مهاجر د برلین په یانه آدمز، ښوونځي کې د نوو راغلو کډوالو له پاره په «ښه راغلاست» ټولګي کې آلماني ژبه زده کوي. هغه د یوه ګردي میز په بحث کې وویل: «زه له سوریې څخه راغلی یم او له جګړې څخه راتښیتدلی یم.» هغه پوښتنه وکړه چې د هغه یو دوست چې له افغانستان څخه راغلی دی ولې تر اوسه په دې نه پوهیږي چې په آلمان کې به پاته شي که نه؟
مېرکل د هغه په ځواب کې وویل، اوس چې څوک آلمان ته راځي په اوسط ډول د درو میاشتو په موده کې یو ځواب تر لاسه کوي. هغې زیاته کړه که چیري دا زیات دوام وکړي نو په دې پوري اړه لري چې دغه کس بې سرپرسته کم سنه مهاجر زیاتره مهال د پناه غوښتني عریضه نه وړاندې کوي، بلکي هغه وخت دا کار کوي چې قانوني سن (۱۸کلنۍ) ته ورسيږي. ميرکل وویل: «طبیعي ده چې تر ۱۸ کلنۍ پورې کوم څرګندوالی نه وي.»
اوس هم هره ورځ په سونو افغانان آلمان ته راځي. د هغوی کابو نیمایي یي یو ډول پناه تر لاسه کوي او کولای شي یو مسلک زده کړي او نور نیمایي یي بیا دا کار نه شي کولای. مېرکل وویل چې دغه ټول انسانان په سملاسی توګه نه شي لیږل کیدای: «اوسمهال موږ یوازي مجرمین بیرته افغانستان ته استوو، ځکه موږ اوس امنیتي وضعیت له سره ارزوو.»
د آلمان خبري آژانس په خپل رپوټ کې لیکلي دي چې افغانستان ته اخراج یوه شخړه ایزه موضوع ده، ځکه چې په دغه هیواد کې له سخت دریځه طالبانو او له ترهګرې ډلې داعش سره کړکیچ لا زور اخیستی دی. همدا د یکشنبې په ورځ په خوست ولایت کې په یوه مسجد کې چاودنې ډیر انسانان ووژل.
مېرکل دا هم وویل چې د آلمان حکومت د یوه نوي امنیتي پلان پر چمتو کولو کار کوي. خو هغې دا هم وویل چې هغه نه شي کولای داسې یو تصور وړاندې کړي چې هر افغان آلمان ته راتللی شي. هغې یادونه وکړه چې «دا به هم یوه غلطه ژمنه وي.» اسماعیل بیا وروسته له میرکل څخه د ځواب تر لاسه کولو په اړه مننه وکړه. مېرکل هغه ته د ښې زده کړې هیله څرګنده کړه.
زموږ له ارشيف څخه:
په جرمني کي د افغان مهاجرو برياوي
ځينو افغان مهاجرو د یوي سپورټي ډلي په جوړولو سره د جرمني په ټولنه کې د ادغام په تړاو ډیر بریالیتوبونه لرلي. هغوی وايي چې په ټولنه کې د ادغام له پاره، ورزش تر ټولو لنډه لار ده.
انځور: Ajmal Wahabد «سپورټ له لاري د ادغام» په نوم دغي پروژې اصلي موخه د مختلفو هیوادونو د مهاجرو نږدیوالی او د جرمني په ټولنه کې د دوی ادغام دی. دغه پروژه د جرمني په تورینګن ایالت کې پيل شوې چې مهاجرو ته یې ښه فرصت هم برابر کړی دی. مهاجر او آلمانان توانیدلي دي چې یو د بل د ښه پیژندلو له پاره ګډ پروګرامونه ولري.
ډیر مهاجر په جرمني کې د مهاجرت لومړی شپې او ورځې ډیري ستړي ګڼي. خو په ورزشي پروګرامونو کې د دوی حضور، د هغوی زړه تنګي لیري کوي.
په جرمني کي افغان مهاجر غواړي چې د سختو زیارونو په ګاللو سره په سترو لوبډلو کې ځانونو ته ځای پيدا کړي.
په افغانستان کې هم کیک بوکس ډیر مینه وال لري. اجمل وهاب د خپلو تیرو تجربو پر اساس د مختلفو هیوادونو مهاجرو ته په دې برخه کې روزنه ورکوي. وهاب غواړي چې له دې لاري ځینو سترو لوبو ته غښتلې څیرې ور معرفي کړي.
په جرمني کې تر لږ وخت تیرولو وروسته، هغه مهاجر چې په خپلو هیوادونو کې یې په یوه سپورتي برخه کې فعالیت درلود، د خپلو وړتیاوو په ښکارولو سره په دې توانیدلي دي چې په ټولنه کې ځانګړی ځای خپل کړي.
د مهاجرو له خوا د ځینو سیالیو پيل ول سترې بریاوې هم درلودې. په دې راز سیالیو کې نه یوازي مهاجر په خپلو کې سیالي کوي، بلکې په ځینو مواردو کې له آلمانانو سره هم د لوبې ډګر ته راوځي.
اجمل وهاب یو شمیر نورو افغانانو سره په دې توانیدلی دی چې د جرمني په تورینګن ایالت کې له ځايي هنرمندانو سره په ګډه د موسیقۍ یو کنسرت هم جوړ کړي. په دې پروګرام کې پر افغان مهاجرو سربیره د نورو هیوادونو مهاجرو او جرمنيانو هم ګډون درلود. افغان مهاجر په پام کې لري چې په راتلونکې کې دغه راز پروګرامونو ته پراختیا ورکړي.
د مهاجرو د والیبال لوبډله چې زیاتره لوبغاړي يې افغانان دي د جرمني په ارنشتاد ښار کې یې د والیبال ډيري سیالۍ کړي دي. دوی تر ډیر زیار وروسته په دې توانیدلي دي چې په ښې لوبې سرې لومړی مقام وگټي.
