لکه څنګه چي د آلمان پولیسو د جمعې په ورځ خبر ورکړی، دغو افغانانو دوې ورځي په دغه لارۍ کې چی د ونو له تنې څخه ډکه وه، په سخت خطرناک حالت کې تیرې کړي دي.
داسي ښکاري چې د پنجشنبې په ورځ د لارۍ یوه چلوونکي په ناڅاپي ډول د افغانانو دغه ډله د بایرن ایالت ته نژدې د روزن هایم په ښار کي د خپلي لارۍ شاته د بارولو په ځای کي لیدلي وي.
لارۍ چلوونکی په یوه تم ځای کي متوجه سو چي د لارۍ د بار برخه یې په غیر معمولي ډول ډیره خوځیږي.
هغه لومړی بیره درلوده چي ښایي په لارۍ کی بارسوی ۲۴ ټُنه وزن بې ځایه سوی وي. کله چی یې غوښتل هر څه کنترول کړي، پنځه تنه نارینه چی یو یې ۱۶ کلن وو، ورڅخه راووتل. پولیسو څو شیبې وروسته هغوی ونیول.
انځور: Bundespolizei دغه نارینه افغانان له رومانیې څخه آلمان ته را انتقال سوي دي. نوموړې لارۍ د دوشنبې په ورځ په رومانیا کي په ونو بار سوې وه. د لارۍ چلوونکي د سه شنبه په ورځ د آلمان په لور څه د پاسه ۱۰۰۰ کیلومتره لار ووهله او غوښتل یې د آلمان پر دغه لویه لار یوه دمه وکړي. د پولیسو په حواله د لارۍ چلوونکی د سفر پر وخت هیڅ متوجه نه سو چی نوموړي نارینه یې په لارۍ کي پټ دي.
زموږ له آرشیف څخه:
کوم هیوادونه په خپله خاوره کې زیږیدونکو ماشومانو ته تابعیت ورکوي؟
ولسمشر ترمپ ویلي وو چې غواړي په امریکا کې زیږیدونکو ماشومانو ته د تابعیت د ورکړې په قانون کې تغیيرات راولي. له امریکا پرته په ټوله نړۍ کې ۲۹ داسې هیوادونه موجود دي چې په خپله خاوره کې زیږیدونکو ماشومانو ته تابعیت ورکوي.
انځور: picture-alliance/NurPhoto/A. Widakپه دې وروستیو کې ولسمشر ترمپ ویلي وو چې غواړي د امریکا په هغه قانون کې تغیيرات راولي چې له مخې یې په امریکا کې زیږیدلو ماشومانو ته تابعیت ورکول کیږي.
کاناډا هم یو له هغو هیوادونو څخه دی چې په خپله خاوره کې زیږیدونکو ماشومانو ته تابعیت ورکوي.
د افغانستان په ګاونډ کې پروت د پاکستان د هېواد لومړي وزیر په دې وروستیو کې ویلي وو چې غواړي هغو شمیر مهاجرینو ته چې په پاکستان کې زیږیدلي وي، د دې هیواد تابعیت ورکړي.
مکسیکو هم په خپله خاروه کې زیږیدونکو ماشومانو ته تابعیت ورکوي.
برازیل هم په خپله خاروه کې زیږیدونکو ماشومانو ته تابعیت ورکوي.
ارجنتاین هم هغو ماشومانو ته اتومات تابعیت ورکوي چې د د دې هیواد په ځمکه کې نړۍ ته راغلي وي.
د کیوبا د تابعیت د قانون له مخې په دې هیواد کې ټول زیږیدلي ماشومان د کیوبا د تابعیت د ترلاسه کولو حق لري.
ونزویلا هم د هغو هیوادونو په ډله کې راځي چې په خپله خاوره کې زیږیدونکو ماشومانو ته تابعیت ورکوي.
چیلي هم په خپله خاوره کې نویو زیږیدونکو ماشومانو ته تابعیت ورکوي.
د اتلانتیک او کربین سمندرونو په منځ کې پروت انتیګوا او باربودا هم په خپله خاوره کې زیږیدونکو ماشومانو ته تابعیت ورکوي.
باربادوس هیواد چې ښکلي ساحلونه لري، په خپله خاوره کې زیږیدونکو د بهرنیو اتباعو ماشومانو ته په اتومات ډول تابعیت ورکوي.
د مرکزي امریکا په شرقي څنډه کې پروت بلیز هیواد هم په خپله خاوره کې زیږیدونکو ماشومانو ته تابعیت ورکوي.
چاد افریقايي هیواد هم هغو ماشومانو ته تابعیت ورکوي چې د دې هیواد په ځمکه کې زیږیدلي وي.
په لاتینه امریکا کې پروت اکوادور هم هغو ماشومانو ته تابعیت ورکوي چې د دې هیواد په ځمکه کې زیږیدلي وي.
د دومینکا په نامه د سمندر په منځ کې پروت دغه هیواد هم په خپله خاوره کې زیږیدونکو ماشومانو ته تابعیت ورکوي.
د فیجي په نامه دغه کوچنی هیواد هم په خپله خاوره کې زیږیدونکو ماشومانو ته تابعیت ورکوي.
د مکسیکو په جنوب کې او په مرکزي امریکا کې پروت ګواتیمالا هم په خپله خاوره کې زیږیدونکو ماشومانو ته تابعیت ورکوي.
د مرکزي امریکا بل هیواد هندوراس هم په خپله خاوره کې زیږیدونکو ماشومانو ته تابعیت ورکوي.
پیرو هم په خپله خاوره کې زیږیدونکو ماشومانو ته تابعیت ورکوي.
جمایکا هم په خپله خاوره کې زیږیدونکو ماشومانو ته تابعیت ورکوي.
په کربین سمندر کې موقعیت لرونکي ګرینادا هیواد هم په خپله خاوره کې زیږیدونکو ماشومانو ته تابعیت ورکوي.
پاناما چې جنوبي او مرکزي امریکا سره وصل کوي، په خپله خاوره کې زیږیدونکو ماشومانو ته تابعیت ورکوي.
په جنوبي امریکا کې پروت یوروګوای هیواد هم په خپله خاوره کې زیږیدونکو ماشومانو ته تابعیت ورکوي.
د برازیل، بولیویا او ارجنتیانا په منځ کې پروت پاراګوای هیواد هم په خپله خاوره کې زیږیدونکو ماشومانو ته تابعیت ورکوي.
په جنوبي افریقا کې په وچه کې راګیر د لیسوتو په نامه کوچنی هیواد هم په خپله خاوره کې زیږیدونکو ماشومانو ته تابعیت ورکوي.
په مرکزي امریکا کې پروت السلوادر هم په خپله خاوره کې زیږیدونکو ماشومانو ته د قانون له مخې تابعیت ورکوي.
د سانت لوشیا په نامه په سمندر کې موقعیت لرونکی دغه هیواد هم د قانون له مخې په خپله خاوره کې زیږیدونکو ماشومانو ته تابعیت ورکوي.
د کربین سمندر او انتلانتیک سمندر په منځ کې پراته دغه دواړه هیوادونه هم هغو ماشومانو ته چې په دې هیوادونو کې زیږیدلي وي، تابعیت ورکوي.
په کربین سمندر کې پروت د اور شیندونکو غرونو لرونکی سانت وینسینت هم په خپله خاوره کې زیږیدونکو ماشومانو ته تابعیت ورکوي.
