۳ اروپايي هيوادونو کې انتخابات او د مهاجرو راتلونکی
۱۳۹۵ اسفند ۲۲, یکشنبه
هالند کې د مارچ په ۱۵مه نېټه عمومي انتخابات ترسره کيدونکي دي. دغه انتخابات د اروپايي سياست له پاره ډیر اړين دي ځکه په روان کال کې د فرانسې او آلمان پر ټاکنو هم خپل اغيز لرلی شي.
انځور: Getty Images/AFP/E. Dunand
اعلان
د بريګزت له امله په لويديځې اروپا کې رامنځ ته شوې د مهاجرت او اروپايي ضد ميلان مفکوره، کيدای شي د هالند په انتخاباتو کې اغيز ولري. د فرانس پرس خبري آژانس په حواله، که چيرې دغه انتخابات د مسلمانانو او د مهاجرو ضد ګوندونو د ملاتړ په ترلاسه کولو کې بريالی شي، روښانه اثر به ېې په روان کال کې د فرانسې او آلمان پر ټاکنو هم پرې وځي.
د ترسره شويو ټولپوښتنو له مخې، « آزادۍ ګوند» چې په ۲۰۰۶ کال کې تاسيس شوی دی، غواړي په هالنديانو کې د مسلمانانو او مهاجرت ضد شته انګيزې له شتون څخه په پشپړه توګه ګټې پورته او په انتخاباتو کې خپله له توقع لرې کارکردګې ښکاره کړي.
د فرانس پرس خبرې آژانس پر حواله په دغو انتخاباتو کې هيڅ ګوند د کوم روښانه اکثريت ملاتړ ندی ترلاسه کړی او راتلونکی حکومت به ښايي مخلوط وي. دا په داسې حال کې ده چې د مسلمانانو او مهاجرو ضد «آزادۍ ګوند» سره هيڅ ګوند اتحاد کولو ته تيار ندی او دا په دې مانا چې دغه ګوند نشي کولای د حکومت جوړولو ته بريالی شي.
ولډرز د خپلو انتخاباتي کمپاينونو پر مهال ويلي وو چې د بریالي کيدو په صورت کې به په هيواد کې ټول جوماتونه بندوی، په قرانکريم به بنديز لګوي او دغه راز به هڅې وکړي چې د هالند پولې وتړي او له اروپايي اتحاديې څخه يې وباسې.
د لايډن پوهنتون د سياسي څانګې کارپوه ګيرټن ولينګ وايي چې د دغو انتخاباتو وروسته راتلونکی پارلمان جوړيږي. دی وايي چې راتلونکې کې د مخلوط حکومت د جوړيدلو امکانات هم ډیر زيات ستونزمن بريښي.
بل لور په فرانسه کې هم د مهاجرت او اورپا سره مخالف مفکوره لرونکی انتخابات راروان دي. نومانده لي پین به د اپريل په ۲۳ مه په لمړي ځل د فرانسې په انتخاباتو کې د صدارت څوکې لپاره دريږي. په هغه صورت کې چې د فرانسې هيڅ نوماند ۵۰ سلنه رايې ونګټي انتخابات به دويم پړاو ته ځي چې د می مياشتې په اوومه به ترسره کيږي.
د آلمان په انتخاباتو کې هم د مسلمانانو او مهاجرو ضد ګوند «آلمان لپاره بديل» د تيرو انتخاباتو په پرتله دا ځل يو څه په ښه موقف کې قرار لري. دغه ګوند هيله من دی چې د سپټامبر په عمومي انتخاباتو کې به له ځانه ښه کارکردګۍ ښکاره کړي.
بطي اقتصادي وده، د اروپایې اتحادیې پر پالیسیو بې باوري او د مهاجرت بحران هغه عوامل دي چې د یو شمیر اروپایې هیوادونو په ټاکنو کې د ښې اړخو د بریاليتوب سبب ګرځیدلی. انځویز رپوټ: یو شمیر مهم ښې اړخي اروپایې سیاستوال.
انځور: picture-alliance/dpa
هالند: ګیئرت ویلدرز
ګیئرت ویلدرز د (Partij voor de Vrijheid) یا د آزادۍ له پاره ګوند، مشر دی. ویلدرز ته په اروپایې کچه د تر ټولو ښې اړخې سیاستوال په سترګه کتل کیږي. په ۲۰۱۴ کال کې د مراکشې اتباعو پر ضد د یوه کرکې پارونکي وینا له امله پر ده باندې اقامای دعوی هم شوی وه. د ده ګوند د اروپایې اتحادیې او اسلام مخالفت کوي. کیدای شي ویلدرز د دغه هیواد په راتلونکو پارلماني ټاکنو کې بریالیتوب ترلاسه کړي.
انځور: picture-alliance/dpa/S. Koning
آلمان: د آلمان له بديل ګوند څخه فراوکه پتري،
د «الټرنټیف فور دویچلند» یا د آلمان له پاره بدیل ګوند مشرۍ فراوکه پټري ویلي وو چې د آلمان له سرحد څخه په غیر قانوني توګه د تیریدونکو (مهاجرو) پر خلاف دې له وسلې کار واخیستل شي. دغه ګوند د آلمان د ایالتي ټاکنو پر مهال وتوانید چې په یو شمیر ایالتونو کې تر ۲۵ سلنه ډيرې رایې ترلاسه کړي.
انځور: Reuters/W. Rattay
فرانسه: مارينه لیپن
ډیر شمیر حلقو اندیښنه ښودلې وه چې له اروپایې اتحادیې څخه د بریتانیې له وتلو او په امریکا کې د دونالد ترامپ له بریالیتوب سره به د فرانسې ښې اړخی ګوند له پیاوړی شي. د نشنل فرنټ ګوند په ۱۹۷۲ کال کې د ژان ماري لیپن په مشرۍ جوړ شوی وو چې اوس یې لور مارينه لیپن د دغه ګوند مشري په غاړه لري. دغه ګوند د اروپایې اتحادیې او مهاجرو مخالف دی.
انځور: Reuters
یونان: نیکوس میشالاولیاکوس
نیکوس میشالاولیاکوس، په یونان کې د ګولدن دان فاشست ګوند مشر دی. په ۲۰۱۳ کال کې پر ده او د ده د ګوند په لسګونو غړو د داسې یوه داسې ګوند د جوړولو له امله دعوی شوي وه چې جرمونه ترسره کوي. میشالاولیاکوس، په ۲۰۱۵ کال کې نیول شوی هم وو. د ګولدن دان ګوند د مهاجرو مخالف او له روسیې سره د دفاعې تړون پلوی دی.