د فرانسې خبري آژانس (AFP) د رپوټ پر اساس، د انساني قاچاق په تور د دغو نهو افغانانو محکمه چې د اپرېل میاشتې په ۱۱مه پېل شوې وه، پای ته ورسېده چې په نتیجه کې ېې دغه افراد له ۱۸ میاشتو نېولې تر ۶ کاله بند سزا باندې محکوم شول. د محکمې په وینا، تورن کسان چې له ۲۱ تر ۳۹ کلونو پورې عمرونه لري، د ۲۰۲۱م کال په لومړيو درو میاشتو کې ېې ۵۳ افغان او ويتنامي مهاجر د مانش کانال له لارې بریتانیا ته انتقال کړي ول.
د محکمې د حکم له مخې، یو ۳۰ کلن افغان چې ويل کیږي په شبکه کې ېې له نورو غټ رول درلود، په ۶ کاله حبس او د ۳۰ زره یورو تحويلولو پر نغدي جریمه محکوم شوی دی. درې نور تورن کسان هر یو په پنځه کاله بند او د ۳۵ زره یورو نغدي جریمې پر ورکړې، محکوم شوي دي.
ورته لا ډير ولولئ: فرانسه او بریتانیا د مهاجرت په برخه کې کومې موافقې ته رسیدلي؟
دغه افراد به د بند مودو په تېرولو له فرانسې څخه اخراج او بیا به د دغه هیواد خاورې ته د داخلیدو له حق څخه بې برخې شي.
محکمې، نور تورن کسان چې په محکمه کې ېې حضور نه درلود، د دوهم درجه رول په درلودلو ېې د لنډو مودو پر زندان محکوم کړل.
دغو تورنو کسانو پسې څېړنې وروسته له هغې پیل شوې چې د ۲۰۲۰م کال په پيل کې د فرانسې-بریتانیا ګډې عملياتي ادارې د فرانسې په شمالي سواحلو کې په کراتو د قاچاقبرانو شبکې د یوه غړي تګ راتګ لیدلی وو. تر هغه وروسته د غیرقانوني مهاجرتونو او د بې اسناده مهاجرو د استخدام پر وړاندې د مبارزې ادارې، د دغې شبکې ټيلفوني مکالمې او بانکي راکړې ورکړې تر کنټرول لاندې راوستلې.
ورته لا ډير ولولئ: بریتانیا: په مانش کانال کې مړه شوو مهاجرو کې ښايي افغانان وي
د یوه تورن کس په خبره، تورنو کسانو به په کښتۍ کې د مهاجرو د انتقال پر وخت، یو مهاجر د کښتۍ د کپټان په توګه ټاکه او هغه کس به د پیسو له ورکړې پرته د مانش له کاناله هاخوا تېريده. یو بل مهاجر به بیا له کاناله د اوښتو پر مهال، د یو سمندري جي پي اس په ذریعه شبکې ته معلومات ورکول.
د محکمې په خبره، هر مهاجر به په کښتۍ کې د سپرېدو په بدل کې ۱۵۰۰ تر ۴۰۰۰ پورې ېورو ورکولې او تورنو قاچاقبرانو به له دې لارې د ۶۸ زرو تر ۱۸۰ زره يورو پورې په لاس راوړلې.
پر ورته موضوع زموږ له آرشیف څخه دغه انځوريز البوم هم کتلئ شئ:
له ځنګل کمپ څخه پاريس ته او بيا ...
د فرانسې په کاله کې پولیسو لخوا د «ځنګل» موقت کمپ له ورانيدو وروسته، په زرونو مهاجر پلازمينه پاریس راوړل شول. خو لا هم زیات شمير مهاجر غواړي بيرته کاله ته ولاړ شي تر څو له هغه ځایه بريتانيا ته تللي وي. انځور: Reuters/C. Platiau پاریس کې د مهاجرو د خيمو غورځول د فرانسې پولیسو د پاریس ښار د ستالينګراد ميترو ستيشن ته نژدې د پياده روونو پر سر د مهاجرو درول شوې خيمې او د خوب لپاره هوارې کړل شوې دوشکې او بیسترې ټولې کړې. د کالې کمپ له ورانيډو وروسته پاريس کې د مهاجرو شمير تر ۳۰۰۰ پورې لوړ شو.
انځور: Reuters/C. Platiau دا به د کمپ د پاک کارۍ وروستی ځل وي؟ مهاجرې ښځې په سړه هوا کې بسونو ته ولاړې دي تر څو یې د فرانسې ښار بلې سيمې ته د مهاجرو د پزيرش مرکز ته رسولي وي. په پاريس کې د مهاجرو کمپ په وروستيو مياشتو کې هم دوه ځله پاک کاري شوی وو. د پزيرش مرکزونه به په راتلونکې کې د موقتي کمپونو د جوړيدو مخنيوي وکړي.
انځور: Reuters/B. Tessier په زرونو هغه مهاجر چې د «ځنګل» کمپ تر ورانيدو وروسته د فرانسې پلازمينې پاریس ته راغلي، په دې هيله دي چې بيرته کالي ته ولاړ شي، تر څو له هغه ځايه بريتانيا ته تللي وي.
انځور: picture-alliance/dpa/Y. Valat د فرانسې حکومت لخوا په کالې کې د مهاجرو کمپ تر ويجاړيدو وروسته، یو شمير مهاجرو د پاريس ښار په کوڅو کې خپلې خيمې ودرولې. له همدې کبله اوس د فرانسې په کوڅو کې د مهاجرو شمير زیات شوی دی.
انځور: Reuters/C. Platiau کوم مهاجر چې تيرکال فرانسې ته رسيدلي ول، اکثره یې د افغانستان، عراق، اريتيريا او سوډان هيوادونو څخه دي. دوي غالباً هڅې کړي تر څو د لاريو او نوور وسايطو په ذريعه د بريتانيا پر لور وتښتي.
انځور: Reuters/P. Rossignol يوه ډله ځوان مهاجر په کاله کې «ځنګل» کمپ ته نژدې ولاړ دي. د اکتوبر میاشت په ۲۶ مه، کله چې پوليسو له کمپ څخه د شاوخوا ۱۰ زره مهاجرو د وښکلو کار پیل کړ، کمپ ميشتو په اعتراض کې اورونو بل کړل.
انځور: picture-alliance/dpa/E. Laurent مهاجر له کالې څخه د وتلو په حال کې د فرانسې د کالې په «ځنګل» نومې کمپ کې شاوخوا لس زره مهاجر په دې اميد ميشت ول چې بريتانيا ته به ځي. چارواکو د فرانسې نورو سيمو ته د دغو مهاجرو د انتقال پر وخت هڅې وکړې، تر څو يې د اعتراضاتو د پيښيدو څخه مخنيوی کړی وي.
انځور: picture-alliance/AP Photo/T. Camus دا په کاله کې د «ځنګل» کمپ یوه برخه ده. په دغه کمپ کې مهاجر په ناپاکه کانتينرونو او خيمو کې په بد حالت کې ژوند کاوه. دغو خيمو د باد او لمر په مقابل کې ډیر کم مقاومت لاره.
انځور: Reuters/P. Wojazer د فرانسې ولسمشر فرانسوا اولاند وویل چې نور به څوک پرې نښودل شي چې د کالې د مهاجرو په کمپ کې له سره میشت شي. د «ځنګل»کمپ په اروپا کې د مهاجرو د بحران د سمبول په توګه بدل شو.
انځور: Reuters/C. Platiau
