د فیلانو پولو هم په بشپړ ډول د اسانو د پولو لوبي په شان ده. سپین توب باید د سیالي لوبډلې ګول ته ورسول شي. د اسانو د پولبي برعکس په دې لوبه کې میدان کوچنی، د هاکي لرګي اوږده او د لوبې وخت لنډ وي.

په دې ټورنمنت کې لس فیلان برخه اخلي چې ټولي یې فيلانې وي. دغه فيلاني د دې لوبې له پاره روزل کيږي. پر هري فيلي دوه لوبغاړي سپاره وي.

د پولو دغه لوبه نارینه او ښځينه لوبغاړي دواړه یې کولای شي. ښځې کولای شي چې له دوو څخه تر درو مترو پورې هاکي او دواړه خپل دواړه لاسونه استعمال کړي، د دې برعکس بيا نارينه یوازي د یو لاس کارولو اجازه لري. یوه لوبه له دوو دوو، اووه دقیقه یې برخو څخه جوړه شوې وي.

په ۱۹۸۱م کال کې کله چې شوټي جیمز او بریټې جِم ایډروډ، دواړه په سویزرلنډ کې سره یوځای ناست ول د دې لوبې فکر ورسره پیدا شو. ایډرود په نيپال کې یو هوټل درلود او جیمز د پولو لوبغاړی وو. تر دې یو کال وروسته د «ورلډ اېلیفنټ پولو ایسوسيشن» بنسټ کیښودل شو.

د حیواناتو مدافع سازمانونه پر دې لوبې انتقاد کوي. د دوی په خبره فیلان د دې لوبې له پاره مناسب نه دي. سږکال هم په دې اړه احتجاجونه وشول چې فیلان په کوتکونو وهل شوي. پر فیلانو د ظلم او تشدد یوه ویډیو هم خپره شوې وه.

تر لوبي مخکې او وروسته فیلانو ته د هغوي د خوښې خواړه ورکول کیږي. فيلان اناناس، پپيتا، کیله، ګني او مالګينې ورجې ډیر خوښوي. په تايلنډ کې نږدې ۴۰۰۰ ځنګلي فیلان موجود دي په داسې حال کې چې د اهلي فیلانو شمیر شاوخوا ۴۷۰۰ ته رسیږي.

د وخت په تیریدو سره د ځنګلي یا وحشي فیلانو شمیر په پرله پسې ډول کمیږي. د دې یو دليل هم دا دی چې خلک د ځنګل ونې وهي او د دوی له پاره د ژوند ساحه او چاپیریال ورځ تر بلې محدودیږي.

ګرینفیلډ صرف د هغو سبزيجاتو له لاري ځان تغذيه کوي چي پخپله يې کري او رېبي يې. نوموړی د دې تر څنګ هغه د خوړلو وړ واښه او د بوټو پاڼي خوري چي په شاوخوا سيمه کي يې راشنه کيږي. نوموړی غواړي چي په دې توګه تجربه وکړي چي ايا پرته د صنعتي توليد له لاري په لاس راغلو خوراکي توکو څخه هم ژوند ممکن دی که نه. نوموړی غواړي خپله دغه تجربه د نورو انسانانو سره شريکه کړي.

ګرينفيلډ چي پخوا يې غوښتل مليونر او پانګه لرونکی کس وګرځي په ژوند کي يې زيات بدلونونه راغلي. د هغه په وينا هغه په خپل ژوند کي په زرهاؤ واړه واړه بدلونونه راوستلي لکه د کڅوړو د استعمال څخه ډه ډه، د اوبو د بوتلونو ساتل، د خوراک رانيولو پر ځای پخپله توليدول او داسي نور. هغه د پيسو له لېوال څخه د چاپيريال په فعال تبديل سوی دی.

ګرينفيلډ د متحده ايالاتو په اورلاندو کي په خپل نژدې ۱۰ مربع متر کور کي ژوند کوي کوم چي نوموړي پخپله له زړو موادو جوړ کړی دی. هغه له لسو کالو راهيسي داسي ژوند کوي چي چاپيريال ته یې زيان ونه رسيږي. د بېلګي په توګه هغه د برېښنا پر ځای د لمر انرژي کاروي او د نورو سره مرسته کوي چي خپل د ژوند په طرز کي تغيير راولي.

ګرينفيلډ په دې باور دی چي راتلونکی پېر د ساده ژوند او هسکو فکرونو دی. هغه وايي چي لږ مصرف او لږ استعمال د لږو کثافاتو او لږو ضايعاتو سبب ګرځي. نوموړي د يوې مياشتي له خپلو کثافاتو څخه جامې جوړي کړي او په ښارونو کي په پښو سفر کوي چي خلک د چاپيريال له ستونزو خبر کړي.

ه ۲۰۱۶ کال ګرينفيلډ د تجربې له لاري معلومه کړه چي هر امريکايي هره ورځ شاوخوا دوه کيلو ګرام کثافات جوړوي. نوموړي د يوې مياشتي له کثافاتو ځان ته جامې جوړي کړي او ځان ته يې د «کثافاتو د پاچا» لقب ګټلی دی. هغه غواړي په دې توګه د زياتو کثافاتو ستونزي ته د نړۍ پام واړوي. په وينا يې هغه هيڅوک ګرم نه ګڼي بلکه صرف اصلاح ته هڅول يې مقصد دی.