يو سړي د امازون شرکت د مؤسس، جف بیزوس سره د يو لنډ فضايي سفر لپاره پر یوه ثانیه سفر ۴۵ زره ډالره ورکړې. د دې دپاره به د «نیوشپارد» هوايي بېړۍ ۳۷۰۰ کیلومتره في ساعت سرعت سره حرکت وکړي.
انځور: picture alliance/dpa/Blue Origin/AP
اعلان
د دنیا د تر ټولو موړ سړي او د امازون شرکت د مؤسس او رئیس، جف بیزوس سره په ګډه وفضا ته د يو لس دقيقه يي سفر دپاره د۲۸ ملیونو ډالرو قيمت کم نه دی. خو يو سړی دغه قيمت ادا کولو ته تيار دی. د دغه شخص، چي لا تر اوسه پوري یې هویت افشا سوی ندی، د یوه لیلام د پروګرام په جریان کي، کوم چي په ۴،۸ ملیونه ډالره سره شروع سوی ؤ، پردې باندي کامیابه سو، چي د بلو اوریجن «Blue Origin » په یوه کپسول کي د لمړني پرواز چانس پلاس راوړي. دا لمړنی فضايي کپسول هم دی، چي انسانان پکښي سفر کولای سي.
دا لا تر اوسه پوري معلومه نده ، چي دغه کس څوک دی. د امازون د شرکت مؤسس، جف بیزوس چي د بلو اوریجن د فضايي کپسول مؤسس هم دی، غواړي د خپل ورور سره په دغه پرواز کي سفر وکړي. دغه پرواز به د راتلونکي کال د جنورۍ پر ۲۰ مه تر سره سی.
د امازون د شرکت او بلو اوریجن د فضايي کپسول مؤسس، جف بیزوس انځور: Blue Origin/ZumaPress/picture alliance
د دغه فضايي شرکت د فروشاتو د بخش د مدیري، اریانه کورنل په حواله په دغه کپسول کي یو څلورم کس هم سفر کوي، چي د هغه هویت هم تر اوسه پوري ندی افشأ سوی.
فضا ته د دغه کپسول تر توغولو وروسته انتظار کیږي، چي د هغه سرعت به په اولو دوو دقیقو کي په ساعت کي ۳۷۰۰ کیلومترو ته ورسیږي. د مځکي څخه تر سل کیلومتره لوړ وروسته به پسله درو دقیقو هغوی ته د بې وزنی احساس پیدا سي.
دا هم پداسي حال کي ده ، چي د ای اس اس بین المللی هوايي سټیشن د مځکي څخه ۴۰۰ کیلومتره لوړ پرواز کوي. په پلان کي دي، مخکي تر دې چي کپسول خپل اوج ته ورسیږي، بیرته د مځکي پر خوا حرکت راوکړي او د تکزاس په دښتو کي راکښته سي. مځکي ته د رارسیدو سره سم به د کپسول سرعت د غټو پراشوټونو پوسیله راکم سي.
امتحاني پرواز بیله مسافرینو څخه
فضانوردانو د بلو اوریجن کپسول د اخرین وار دپاره په تیر اپریل میاشت کي امتحان کړ، چي مځکي ته تر رارسیدو دمخه یې ارتفاع۱۵۰ کیلومتره ته رسیدلې وه. په دغه امتحاني پرواز کي څوک سپاره نه وه. تر اوسه پوري « نیوشپارد» د سپرلیو سره پرواز ندی کړی.
فضا له 5G شبکې سره څه تړاو لري؟ د اروپا فضايي اداره د ستېلايت د داسې يوه سیسټم د رامنځته کولو د پلان ادعا کوي چې د جي پنځه د ځمکنۍ شبکې ترڅنگ د فايبر په څېر «په آسمان کې شبکه» جوړه کړي. ويل شوي دي چې دا د بې سيمه مخابراتو يو نوی نسل دی چې هر څه به په هر ځای کې او له هر څه سره او هر وخت تړلي وي. ويرونکی که جالب؟ تر اوسه لا نه پوهیږو.
انځور: picture-alliance/imagebroker/O. Maksymenko
د فضا پاکول
په ۱۹۵۷م کال کې فضا ته له سفرونو راهيسې، فضايي چټلي په کراتو کراتو زياته شوې ده. ESA يا د اروپا فضايي اداره پلان لري چې دغه ستونزې ته رسيدگي وکړي او په دې موخه يو ځانگړي ماموريت واستوي. د ځمکې په مدار کې ۳۴ زره داسې څېزونه چې اوږد والی یې تر۱۰سانتي مترو زيات دی، موجود دي. دغه شيان يا لږ تر لږه يو برخه یې راټوله او فضا ترې پاکه شي.
انځور: ESA
کاينانو ته لاره
په پام کې ده چې په ۲۰۲۰م کال کې به هغه فضايي مرکز چې د سپوږمۍ په مدار کې به څرخي او «Gateway» يا لاره نوميږي، جوړ شي. له دغه مرکز څخه به نه يوازې سپوږمۍ له نزدې وڅېړله شي، بلکې دا مرکز به د داسې يوې اډې په توگه کار وکړي چې د نورو فضايي ماموريتونو له پاره ترې پروازونه ترسره شي.
انځور: ESA
آيا د آسماني ډبرو د ټکر مخ نيول کیدلی شي؟
د امريکا متحده ایالاتو فضايي اداره NASA او د اروپا فضايي اداره پلان لري چې په دې اړه تحقيقات ترسره کړي، چې وپوهيږي څه شی د استرويد يا آسماني ډبرو لارې ته د تغير ورکولو باعث گرځیدلی شي.
انځور: ESA
د بار وړولو نوي سيسټمونه او فضايي بيړۍ
د ۲۰۲۰م کال تر پايه پورې به Ariane 6 هغه نوې اروپايي بيړۍ وي چې فضا ته بار وړي. د دې وسيلې په رامنځته کولو سره اروپايي ټولنه غواړي فضا ته خپلواک لاس رسی تضمين کړي. ياده اداره د فضايي بيړيو پر يوه داسې شکل هم کار کوي چې يو بيا کاريدونکی لابراتوار ولري او د خپل ماموريت تر بشپړولو وروسته به بيرته ځمکې ته راستنيږي.
انځور: ESA
د لا ډېر مخکې تگ ژمنه
د اروپايي ټولنې فضايي ادارې ويلي دي چې غواړي په راتلونکي لسیزه کې د پخوا په پرتله ډېر پر مخ ولاړ شي. زياته شوې ده چې ټول فضا نوردان به د دويم ځل له پاره او همدا راز نوي فضا نوردان په لومړي ځل فضا ته وليږدوي. د ماتيوس ماور په شان فضانوردان به سپوږمۍ ته ولاړ شي. همدا راز به د اروپا فضايي ادارې فضا نوردان له ناسا سره په گډه د نمونو راوړلو له پاره مريخ ته ولاړ شي.
