د اسرائیل د دفاع وزير يوې وياندې ويلي دي چې د يکشنبې په ماښام په دې ليدنه کتنه کې ګانتڅ وويل چې اسرائيل د فلسطينيانو د اقتصاد ښه کولو له پاره ګامونه پورته کوي.
بيني ګانتڅ هم د تويتر له لارې ويلي دي چې په رام الله کې په دې ليدنه کتنه کې «په لويدېځه غاړه او غزه تراډه کې د امنیتي سياست او اقتصادي وضعيت له نوي سره د طرحه کولو» موضوع مطرح شوه. نوموړي زياته کړې چې دواړو خواو پر اړوندو مسلو د خبرو په موخه پر نورو بحثونو هم توافق وکړ.
د ګانتڅ د ویاندې په حواله په دې ليدنه کتنه کې د دفاع وزارت د « Cogat» ادارې مشر چې د اسرائيلو د پوځ او ملکي برخې ترمنځ همغږي رامنځته کوي، او همدا راز د فلسطينيانو د استخباراتو مشر هم ګډون درلود. زياته شوې چې تر غونډې وروسته عباس او ګانتڅ دوه په دوه هم خبرې اترې ترسره کړې.
دا په تېرو کابو لسو کلونو کې لومړی ځل دی چې د اسرائيل او فلسطينيانو ترمنځ د دومره لوړې کچې د استازو ترمنځ خبرې اترې ترسره کيږي. د دواړو خواو ترمنځ د امريکا په منځګړيتوب د سولې خبرې اترې له ۲۰۱۴م کال راهيسې په ټپه ولاړې دي.
په رام الله کې دا ليده کاته له امريکا څخه د اسرائيلو د لومړي وزير نفتالي بينيت تر راستنېدو لږ وروسته ترسره شول، چېرې چې نوموړي له ولسمشر جو بايدن سره ملاقات درلود.
په امريکا متحده ایالاتو کې د جو بايدن واک ته د رسيدو پر وخت محمود عباس د فلسطينيانو د يوه خپلواک دولت د رامنځته کولو په هدف د منځني ختيځ د سولې پروسې بيرته پيلولو ته چمتووالی ښوولی وو.
خو په دې خبرو اترو کې نوی تحرک له احتماله لیرې دی، ځکه چې د بينيت ښی اړخی ګوند د يوه فلسطيني دولت د رامنځته کيدو خبره په کلکه ردوي.
ب. ص/ ن. ز (DPA)
انځوریز رپوټ: ۲۰۰۰ کاله پخوانی تالار چې تر اوسه د خاورو لاندې پټ و
په اسرائیلو کې لرغون پيژندونکو د کېندنې عملیاتو په ترڅ کې ۲۰۰۰ کاله پخوانی تالار کشف کړی دی. دغه تالار د اوبو رسونې په مبتکرانه سیستم سمبال دی چې د اورشلیم دویم فرضي معبد ته نږدې د خاورو له لاندې څخه را ایستل شوی دی. انځور: Emmanuel Dunand/AFP/Getty Images اسرایئلي لرغون پيژندونکو په اورشلیم (بیتالمقدس) کې د کېندنې پر مهال دویم فرضي معبد یا عبادت ځای ته نږدې ۲۰۰۰ کاله پخوانی یو عمومي تالار کشف کړی دی.
انځور: Emmanuel Dunand/AFP/Getty Images دغه ساختمان چې د اوبو رسونې په مبتکرانه شبکې سمبال و، د نخبګانو او مهمو سیمه ایزو څیرو د میلمستیا او لیدنې کتنې ځای ګڼل کیږي.
انځور: Emmanuel Dunand/AFP/Getty Images د اسرائیل د لرغون پيژندنې ادارې لوړپوړی کارپوه شلومیت وکسلر وایي: «دا یوه له خورا عالي عامه ودانیو څخه ده چې مونږ یې د دویم معبد له وختو راهیسې پيژنو.»
انځور: Emmanuel Dunand/AFP/Getty Images دغه بنا د معبد غر (حرم شریف) په ګاونډ کې کشف شوی دی، چې د یهودانو سربیره د عیسویانو او مسلمانانو له پاره هم یو له مهمو مقدسو ځایونو څخه شمیرل کیږي.
انځور: Marco Brivio/Zoonar/picture alliance د معبد غر یا حرم شریف چې مخکې له میلاد څخه په شپږمه پيړۍ کې جوړ شوی دی د هرودس د پادشاهۍ پر مهال بیارغول شوی و او په ۷۰ میلادي کال کې د رومي ځواکونو له خوا ویجاړ کړای شوی وو. له دې ځای څخه یوازې د ندبه دیوال باقي پاتې دی.
انځور: picture-alliance/dpa/I. Yefimovich لرغون پيژندونکي وایي چې د میلمستیا دغه تالار له دغه دیوال سره د ځمکې لاندې یو له نښلونکو تونلونو څخه هم دی.
انځور: Emmanuel Dunand/AFP/Getty Images لرغون پيژندونکی شلومیت وکسلر وایي چې دغه تالار د معبد د تخربیدو پر مهال څو مختلفې برخې درلودلې. یو له دغو برخو څخه هغه حمامونه ول په کوم چې به چې ځینې ځانګړي دودونه ترسره کیدل.
انځور: Emmanuel Dunand/AFP/Getty Images کېندنې ښېې چې په اوومه پیړۍ کې د اسلام په لومړیو وختونو کې له دې تالار څخه استفاده نه ده شوې. په دغه وخت کې د دې ځای پاسنې سطحه جوړه شوې وه چې د اورشلیم اوسیدونکو به پر تګ راتګ کاوه.
انځور: Emmanuel Dunand/AFP/Getty Images
