تروريزمآسیا
د کابل مرستیال والي په چاودنه کې وژل شوی
۱۳۹۹ آذر ۲۵, سهشنبهاعلان
د افغانستان د کورنیو چارو وزارت ویاند طارق آرین د ټویټر په یوه پیغام کې لیکلي دي چې د کابل پر مرستیال والي محبوب الله محبي سربیره د هغه سیکرتر هم په دغه برید کې وژل شوی دی او دوه ساتونکي یې ژوبل دي. د هغه په خبره «د ترهګرو دا کړنه جنګي او بشریت ضد جنایت دی.»
طارق آرین په دغه پیغام کې لیکلي دي چې «په وروستیو اونیو کې د ماین ښخونکو هستې نیول شوي او کشفي او امنیتي برخو د دې ډلو د له منځه وړولو له پاره خپلې هڅې ګړندۍ کړي دي.»
رویټرز خبري آژانس په خپل رپوټ کې لیکلي دي چې په سملاسي ډول د دغه برید مسئولیت لا کومې ډلې پر غاړه نه دی اخیستی. تیره اوونۍ هم په کابل کې یو څارنوال هغه مهال ووژل شو چې کار ته پر لار وو.
تر دې دمخه په کابل کې د طلوع پخوانی ویاند یما سیاوش او په هلمند کې د آزادۍ راډیو خبریال الیاس داعي هم د مقناطیسي ماینونو هدف وګرځیدل.