که څوک د بيلجيم د ملغلرو او بندري ښار اندويرپن ته په ريل کې ځي نو بايد يو څه وخت ولري څو د دغه ستر تمځای مهندسي ننداره کړای شي. د ريلونو دې تمځای ته د ښار اوسيدونکي د «د اورگاډو لويه کليسا» وايي.

دا تمځای هم په بيلجيم کې دی. د اندويرپن تمځای د پخواني طرز برعکس جوړ دی، دا د اوسپني او ښيښې يو شاهکار دی. دا تمځای چې د ښاره يو څه دباندې پروت دی، هره ورځ ورته ۵۰۰ ريل گاډي تگ راتگ کوي او د اروپا د تیزو ریلونو يو مهم نښلونکی دی.

د هالند د امستردام د اورگاډو تمځای د خپلي ښکلي مهندسۍ له وجې شهرت لري. دا تمځای پر دريو مصنوعي جوړو شویو ټاپوگانو پروت دی. ۸۶۸۷ ستنو دغه ټاپوگان تکيه کړي دي. هالندي مهندس پيروس کويپرز د دې ودانۍ نقشه جوړه کړې وه.

د پاريس «گارد دی ليون» يا د ليون تمځای له دباندې څخه هم ډېر ښکلی ښکاري. خو له دننه یې ځلا د ليدو ده: دوې مرمريني زينې «لي ترين بليو» رستورانت ته ننوځي. پر ديوالونو یې د فرانسې ښکلې منظرې نقاشي شوي دي. سفر کوونکي دلته د خوړو ترڅنگ د رستورانت له ښکلا هم خوند اخلي.

د ريلونو دا تمځای د تلويزيون ستوری هم بلل کيږي. د ودانۍ له دروازې سره ولاړې دا سترې مجسمې تل د تلویزيون په تبليغاتي اعلانونو کې ليدل کيږي او د ښار د وياړ د څلي په سترگه ورته کتل کيږي. د ريلونو دا ښکلی تمځای چې د فنلندي مهندس اليل سارينن شاهکار بلل کيږي، په ۱۹۱۹م کال کې پرانیستل شو.

د لندن د سانت پرانکراس د اورگاډي تمځای د ملکې ويکتوريه د دورې د پخو خښتو له ديوالونو سره ولاړ دی. دغه ودانۍ په دننه کې ستر سالونه ډېر دوکانونه او مغازې لري. په دې تمځای کې نړيوال ريلونه تگ راتگ کوي. داخلي ريلونه د نژدې پراته کنگ کروس تمځای څخه تگ راتگ کوي.

د آلمان د لاېپڅيگ د اورگاډو تمځای د ۲۳ پټليو په درلودو سره د اروپا تر ټولو ستر مرکزي تمځای دی. خو دا يوازې د اورگاډو سټيشن نه دی: دلته کابو ۱۴۰ مغازې، رستورانونه او نور خدمات شته دی.

بودابيست په مشهورو او شاندارو ودانيو ډک دی. د کيليتي د ريل تمځای هم له دې ودانيو څخه يو دی. د اورگاډو دا تمځای چې په ۱۸۸۴م کال کې پرانيستل شوی، اوس په عصري تخنيک سنبال دی.

د اتوچا په نوم دا سټيشن د ۱۸۸۸ او ۱۸۹۲ م کالونو ترمنځ جوړ شوی دی او د مادريد له دوو سترو تمځایونو څخه يو دی. دا د مسافرو له پاره ډېر جالب هم دی: دلته يو ستر باغ موجود دی چې کابو ۷۰۰۰ بوټي پکښې دي او د کشپانو يو حوض هم لري. د تمځای د ودانۍ چت هم د ليدو وړ دی.

ښکلي تمځايونه اړين نه دی چې لوی وي. دا خبره د لیزبن په زړه کې پر پروت دې تمځای صدق کوي. دلته يوازې د شا او خوا سيمې ریلونه دريږي. په ۱۸۹۰م کال کې دا تمځای چې دروازې یې د نال شکل لري، پرانيستل شو.