د آلمان لومړي تلویزيون «ای آر دي» د سه شنبې په ورځ رپوټ ورکړی چې د د دغه هيواد حکومت په پام کي لري چې په افغانستان کې د خپلو عسکرو ماموريت د روان کال تر پايه پورې تمديد کړي. په افغانستان کې د آلماني عسکرو اوسنی ماموريت چې ۱۳۰۰ عسکر پکې شامل دي، د مارچ پر ۳۱ نېټه پای ته رسيږي.
د دې رسنۍ د رپوټ په حواله د آلماني ځواکونو د ماموريت د تمديد وړاندیز تر دمګړۍ د اړونده وزيرانو له خوا د تصويبیدو په حال کې دی او په پام کې ده چې نن، چهارشنبه (د فيبروري ۱۷مه نيټه) کابينې ته وړاندې شي.
دا په داسې حال کې ده چې وسله وال طالبان د اپريل مياشتې تر پايه پورې له افغانستانه د بهرنيو ځواکونو پر وتلو ټينګار کوي. بل لوري ته د طالبانو او افغان حکومت ترمنځ خبرو اترو پرمختګ نه دی کړی او نه هم په افغانستان کې د طالبانو بريدونه کم شوي دي.
آلماني سرتیري کابو له ۲۰ کلونو راهیسې په افغانستان کې د ناټو ماموریت په چوکاټ کې حضور لري. که څه هم د آلماني ځواکونه د ماموریت نیټه د مارچ مياشتي پر ۳۱مه ختمیږي، خو په پام کې ده چې وغځول شي. انځور: Deshakalyan Chowdhury/AFP/Getty Images د ۲۰۰۱م کال په دسمبر کې د آلماني ځواکونو ماموریت تائید شو د آلمان فدرال پارلمان د ۲۰۰۱م کال په دسمبر میاشت کې له هیواده د باندې د آلماني ځواکونو ماموریت تائید کړ. د آلمان د پارلمان د پریکړې له مخې، آلماني ځواکونه د «آیساف» نړیوال ماموریت په ترڅ کې په افغانستان کې ګمارل شوی وو.
انځور: Shah Marai/AFP/Getty Images ۲۰۰۳: آیساف د ماموریت پراخیدل د ملګرو ملتونو امنیت شورا، له کابله د باندې د آیساف ماموریت د غځولو پریکړه وکړه. د آلمان فدرال پارلمان هم په کندز ولایت کې د خپل هیواد د ځواکونو ماموریت تائید کړ. آلمان په ۲۰۰۶م کال کې د افغانستان په نهو شمالي ولایتونو کې د آیساف قومانداني پر غاړه واخیسته.
انځور: picture-alliance/dpa/R. Hirschberger ۲۰۰۹: په کندز کې د تیلو پر دوو ټانکرونو بمباري د ۲۰۰۹م کال د سپتمبر پر څلورمه، د امریکا متحده ایالاتو هوایي جنګي الوتکو د یوه آلماني قوماندان ګیورګ کلاین، په دستور دوه هغه ټانکرونه بمبار کړل چې طالبانو تښتولي ول. په دغه پيښه کې د ملکیانو په کډون تر سلو زیات کسان ووژل شول.
انځور: Jawed Kargar/dpa/picture alliance ۲۰۱۱: په مزار شریف کې افغان امنیتي ځواکونو ته د مسوولیت سپارل په ۲۰۱۱م کال کې افغان امنیتي ځواکونو په مزار شريف ښار کې امنیتي مسؤلیت پر غاړه واخیست. په دغه ولایت کې د آیساف په چوکاټ کې د آلماني ځواکونو سترې پوځي اډې موقعیت درلود.
انځور: picture-alliance/dpa ۲۰۱۳: افغان امنیتي ځواکونو ته د کندوز د امنیتي مسؤلیت سپارل افغان ځواکونو ته د امنیتي مسؤلیتونو د سپارلو په لړ کې، د ۲۰۱۳م کال په اکتوبر میاشت کې د کندوز ولایت امنیتي چارې له آلماني ځواکونو څخه افغان ځواکونو ته وسپارل شوې.
انځور: AFP/Getty Images/J. Eisele ۲۰۱۴: د قاطع ملاتړ ماموریت پېل په ۲۰۱۴م کال کې په افغانستان کې د نړیوالو ځواکونو جنګي ماموریت پای ته ورسید. خو په افغانستان کې په زرونو بهرني عسکر د ناټو د «قاطع ماموریت» په چوکاټ کې په افغانستان کې پاتې شول، چې دنده یې د افغان امنیتي ځواکونه روزنه ده. په لومړي سر کې آلمان تر ۸۵۰ عسکرو پورې په افغانستان کې د دغه ماموریت په چوکاټ کې د خپلو ځواکونو ونډه تائید کړه.
انځور: Allison Dinner/ZUMAPRESS/imago images ۲۰۱۸: د قاطع ماموریت غځیدل د ناټو شریکانو په ۲۰۱۸م کال کې پریکړه وکړه چې د دغه هیواد د امنیتي وضعیت تر ښه کیدو پورې، د قاطع ماموریت په چوکاټ کې خپلو فعالیتونو ته ادامه ورکړي.
انځور: picture-alliance/ZumaPress ۲۰۲۰: د امریکا او طالبانو ترمنځ توافق امریکا متحده ایالات له طالبانو سره د څو میاشتو مذاکراتو وروسته د ۲۰۲۰م کال په فبرورۍ میاشت کې یو تړون لاسلیک کړ چې له مخې د ۲۰۲۱م کال تر می میاشتې پورې له افغانستانه د خپلو ځواکونو د وتلو ژمنه کړې. د دې په بدل کې طالبانو ژمنه کړې وه چې د افغانستان له خاورې د ترهګرو فعالیت ته اجازه ورنه کړي.
انځور: Hussein Sayed/AP/dp/picture alliance ۲۰۲۰: ترمپ د ځواکونو کمولو اعلان وکړ د ۲۰۲۰م کال په نومبر میاشت کې د امریکا متحده ایالاتو پخواني ولسمشر اعلان وکړ چې په افغانستان کې د خپلو عسکرو شمیر تر ۲۵۰۰ راټیټوي. په دې ترتیب د سږکال تر جنورۍ میاشتې پورې په افغانستان کې د امریکایي ځواکونو شمیر ۲۵۰۰ ته راټیټ شوی دی.
انځور: Brian Harris/Planet Pix/ZUMA/picture alliance
د آلمان د بهرنيو چارو وزير هايکو ماس لا دمخه په افغانستان کې د آلماني عسکرو له ماموريت تمديد سره موافقه ښوولې وه. د دفاع وزارت يوه وياند د «ای آر دي» شبکې ته ويلي چې دمګړۍ د دفاع او د بهرنيو چارو وزارتونه د چمتووالي نيولو په حال کې دي او په افغانستان کې د آلمان د پوځي ماموريت تمديد ممکن او د تصور وړ دی.
د افغان حکومت او طالبانو ترمنځ مذاکرات چې په سپتمبر مياشت کې په دوحه کې پيل شول، له اوونيو راهيسې ډېر ورو پر مخ روان دي. په همدې حال کې په افغانستان کې تاوتريخوالی زیات شوی دی. دې وضعيت د امريکا متحده ایالاتو نوی حکومت له افغانستانه د خپلو عسکرو د راايستلو په اړه غور ته اړ کړی دی.
اړونده موضوع: په افغانستان کي د آلماني عسکرو د امنیت په هکله اندیښنې
د دونالد ترمپ په مشرۍ د امريکا مخکني حکومت او طالبانو د ۲۰۲۰م کال په فيبرورۍ میاشت کې د يوې توافقنامې په لاسليک کولو سره له افغانستان د امريکايي عسکرو د وتلو پر سر هوکړه کړې وه.
ب. ص/ ن. ز (epd)
