د دوی په قول، داسي کور دي نه وي چي هلته دي ناروغ کوچنی نه وي. د يوه ماشوم مور مدینه وايي: »دغه زوی مي تر نس او خوله ایله دی، کولمې يې درد کوي، تبه یې ده او سخت ژاړي، نن درېیمه ده چي دلته مو راوستلی دی، درمل يې ورکړي دي هیله ده چي روغ به سي.
د ډاکټرانو په قول، د هوا لوړه درجه، وچکالي او په دې وروستیو کي د دغه ولایت په نژدې ولسوالیو کي له تیرو شپږو میاشتو راهیسي د جګړو زیاتوالی هغه څه دی چي په اکثرو کورنیو کي يې د کوچنیانو ډول ډول ناروغۍ زياتي کړي دي.
ډاکټران سپارښتنه کوي چي کورنۍ دي د خپلو ماشومانو خواپاکۍ او خوارځواکۍ ته کلکه پاملرنه وکړي.
کندهار د افغانستان په جنوب لویدیځ کي پروت یو له ګرم سیرو ولایتونو څخه دی چي د هوا پېژندني ادارې د معلوماتو له مخي راتلونکي ورځي به د هوا درجه نوره هم په دغه ولایت کي لوړیږي.
په دې مرکز کې ځیني مېرمني په فردي ډول هم مشورې ترلاسه کوي. د دې مرکز ډاکټران په نشو اخته مېرمنو ته د نشه يي توکو د زیانونو په هکله معلومات هم ورکوي.
انځور: DW/S.Tanha
درملنه
د دغو مېرمنو درملنه یو اوږدمهاله او سخت کار دی او دا کار د دې مرکز د ښځینه ډاکټرانو د جدیت، تحمل او پر ځان اعتماد درلودلو پوري اړه لري. د نشه يي توکو او جرمونو پروړاندي د ملګرو ملتونو دفتر«UNODC» په هرات کې په نشه يي توکو د اخته مېرمنو او ماشومانو د درملنې د مرکز یو له اصلي تمویل کوونکی دی.
که څه هم د نشه يي توکو د پریښودو په دې مرکز کې شته ماشومان د نورو ماشومانو په څیر ټولو امکاناتو ته لاس رسی نه لري، خو بیا هم دوی ته په اونۍ کې دوه ځله تفریحي پروګرامونه برابریږي. دوی یا له نانځکو سره لوبې کوي او یا هم ورزش کوي او یا هم له کلینیک څخه بهر تفریحي ځایونو ته وړل کیږي.
انځور: DW/S.Tanha
د درملو څارنه
دغه مېرمنې وايي چې د ۴۵ ورځو په اوږدو کې له دې چاپیریال سره یې عادت کړی او دوی ژمنه کوي چې له دې ځای څخه تر وتلو وروسته به د هغه حرفوي کسب له لاري چې دلته یې زده کړی دی، نفقه پيدا کړي.
انځور: DW/S.Tanha
د حرفيې زده کړو دورې
په دې مرکز کې تر درملني لاندي مېرمنو ته حرفوي زده کړې ورکول کیږي، څو دوی وکولای شي وروسته پر خپلو پښو ودريږي او ځان ته کار پیدا کړي. دغه حرفوي زده کړي د دې مېرمنو د ذهني مشغولیتا له پاره هم گټه لري.
