د افغانستان د مخابراتو او تکنالوژۍ وزارت د معلوماتو له مخي، په کابل کې د سړک پرغاړي ځای پر ځای شوی ماين هغه مهال چاودلی دی چې د دغه وزارت د مامورينو موټر له هغه ځايه تيريده. په دغه پېښه کي ۴ کسان وژل شوي دي او ۹ نور ټپيان شوي دي.
د دې چاودني مسؤوليت تر اوسه کومي ډلي پرغاړه نه دی اخيستی، خو افغان حکومت د وروستيو تاوتريخوالو او هدفي وژنو پړه پر وسله والو طالبانو اچوي. خو طالبان بيا په دغو پيښو کي لاس لرل ردوي.
د ظفر قل اردو د مسئولینو په وینا، افغان امنیتي ځواکونه به د بې پيلوټه کشفي الوتکو په برخه کې د روزنې پر مټ د امنیت په ټینګښت او دښمن په ځپلو کې ډیري لاس ته راوړني ولري.
انځور: DW/S. Tanha Shokran
په تصفیوي او جنګي عملیاتو کې له پرمختللو تجهیزاتو استفاده
مسئولین وایي چې په پام کې ده له دغو تجهیزاتو څخه په تصفیوي او محاربوي عملیاتو کې کار واخیستل شي.
انځور: DW/S. Tanha Shokran
د جنګي الوتکو په تمه
د افغانستان په لویدیځ کې د ۲۰۷ ظفر قل اردو قوماندان جنرال نورالله قادري وایي، چې په پام کې ده د ناټو پریکړنده ماموریت، ځواکونه د ملي اردو ځواکونو ته دوې بې پيلوټه جنګي الوتکې په اختیار کې ورکړي.
انځور: DW/S. Tanha Shokran
د پریکړنده ماموریت، ځواکونو دوامداره ژمنې
په افغانستان کې د ناټو «پریکړنده ماموریت» د افغانستان له دولت او خلکو سره د دوامداره ژمنو ډاډ ورکړی دی او ویلې يې دي چې د دفاعي ځواکونو تعلیم، تجهیز او مسلکي تعلیم د دوی په کاري لومړیتوبونو کې دي.
انځور: DW/S. Tanha Shokran
د بې پیلوټه الوتکي کارول
د پوځي چارو پوهان له پرمخ تللو تجهیزاتو څخه کار اخیستل د امنیتي او دفاعي ځواکونو د مورال د سطحې لوړیدو په برخه کې اغیزمن ګڼي.
وخت ناوخته په جنګي او تصفیوي عملیاتو کې سهواً ملکي کسان هدف ګرځي. کارپوهان هیله من دی چې له بې پیلوټه الوتکي څخه استفاده ښایي د ملکيانو د تلفاتو د کمښت سبب شي.