د کابل په هواي ډګر کې د راټولو شويو خلکو د ګڼې ګوڼې له کبله ډېر کسان په دغه ټيل ماټيل کي تر پښو لاندې شوي،ټپيان شوي او يا يې ژوند له لاسه ورکړی دی. په کابل کي د ناسم حاکم وضعيت له کبله د ټپيانو او قرباني شويو کسانو شمير معلوم نه دی.
په دغه ګڼه ګوڼه کې له مور او پلار څخه د ورکو شويو يا پاته شويو ماشومانو د برخليک په اړه اندېښنې ډيري جدي دي، ويل کيږې چې په دغه هوايې ډګر کي يو شمير ماشومان له خپلو پلرونو او ميندو څخه بېل شوي دي.
د آلمان «شپيګل انلاین» انترنيت پاڼي په يوه راپور کي راغلي دي چې په کابل هوايي ډګر کي دننه ماشومان ورک شوي دي.
انځور: OMAR HAIDIRI/AFP يادي رسنۍ په کابل کې د آريانا تلويزيون د يوه راپور له مخي ليکلي چې يوې افغانې کورنۍ پوره یوه اونۍ په کابل هوايي ډګر کې پخپل ماشوم پسې لټون کړی دی او خپل ماشوم يې نه دی موندلی.
برسیره پر دې ويل شوي دي چې سیمه ايزو خبريالانو په دغه هوايي ډګر کي د ورکو شويو ماشومانو عکسونه پر ټولنيزو رسنيو خپاره کړي دي. د دغو ماشومانو ميندو او پلرونو د خپلو ورکو شويو ماشومانو عکسونه خپاره کړي، ترڅو ماشومان يې پيدا شي.
زموږ له آرشيف څخه:
له کابل هوایي ډګر څخه د ائتلافي ځواکونو د همکارانو عکسونه
د ائتلاف ځواکونه د امريکا په رهبرۍ له افغانسنتان څخه د خپلو ځواکونو او سیمه ایزو همکارانو د چټک ويستلو هڅې کوي. د کابل له هوایي ډګر څخه د هغوی د اتباعو او سیمه ايزو همکارانو ليږدول په دی انځوريز راپور کې:
انځور: Francois Mori/AP Photo/picture alliance د آلمان پوځ د سه شنبې په ورځ د «ژغورلو» عملیات په نامه د آلماني اتباعو، د دوي له سمیه ايزو افغان همکارنو ليږدول پيل کړل. له دوي څخه يې يوه ډله د ازبکستان پلازمنينې تاشکند ته رسولي دي.
د آلمان دولت د يوې لوفت هانزا الوتکې په کرايه کولو سره دغه ژغورل شوي ډله چې ۱۳۰ کسان دي له تاشکند څخه د فرانکفورت هواي ډګر ته وليږدول. (عکس: تاشکند ته د رسیدلو پر مهال)
د جرمنیانو او افغانانو لومړني ډله وتوانيدل چې له افغانستان څخه ووځي. دوي د طالبانو له خوا د کابل ترنيولو وروسته د برلین په کوښښونو او زیار سره د چهارشنبې په ورځ د (اګست ۱۷) فرانکفورت هوایي ډګر کې الوتکه پر زمکه کښيناسته.
له دولتی الوتکي څخه د يو فرانسوي سرتیري عکس کې ښکاري چې له کابل څخه د شارل دوګل هوایي میدان ته رسیدلی دی. فرانسي له کابل څخه تر اضطراري وتلو وروسته خپل اتباع او سیمه ايز همکاران لومړی د ابوظبی نظامي هواي ډګر ته ولیږدول او له هغي ځاي څخه فرانسي ته.
په دویم عکس کي د چک جمهوریت الوتکه ښکاري چې ۸۷ اتباع او د هغوي سیمه ايز همکارانو ځانونه د کابل له هوایي ډګر څخه پراګ ته رسولي دي.
د استرالیا د پوځ هرکولس سی ۱۳۰ لمبر الوتکه کې د خپلو اتباعو او د هغوي همکارانو لومړني ډله له افغانستان څخه بهر او د دغه هېواد یوې پوځې آډي ته وليږدوله.
په عکس کي يوه هندي پوځي الوتکه ښودل کيږې چې پر افغانستان باندي د طالبانو له تسلط وروسته د کابل له هوای ډګر څخه خپل اتباع ليږدوي.
د ۲۲ زره کسانو د اخراج په اړه د امريکا بحثونه دوام لري. د امريکا دولت اعلان کړي دې چې د کابل په هوایي میدان کې يې د ځای پر ځای شویو سربازارنو شمير له څلورو څخه شپږ زره ته پورته کوي او په ساعت کی يو ځل الوتنه. په ورځ کې له پنځه زره څخه تر ۹ زره کسانو پورې له افغانستان څخه اخراجوي.
د کابل هوایي ډګر دا دی د امريکایي سربازانو په واک کې دې. د پنتاګون وياند ویلي چې د کابل په هوایي ډګر کي نظامي قوماندانان له طالبانو سره په مسقتیمه اړیکه کې دي، تر څو د نظم او د تاو تريخوالي څارنه وکړي.
د سپيڼې مانۍ امنيتي مشاور جيک سوليون مخکی ويلي وه، چې طالبانو له واشنګتن سره توافق کړي، چې هوایي ډګر ته د ملکي کسانو مخنيوی به نه کوی او له افغانستان څخه د وتلو شرايط ورته برابروي.
طالبان د هوایي ډګر کنترول په لاس کي لری.عینی شاهدانو ویلي چې دهغوی جنګیالی په تم ځای کې هوایي ډګر ته د خلکو د ننوتلو مخه نیسي او له هغوی سره له تاو تريخوالي کار اخلی.
د امريکا او لويديځو متحدو هېوادونو کوښښونه یې د افغانستان څخه د بهرنیانو او د دوی د همکارانو د وتلو پخاطر په داسی حال کي دوام لري، چې طالبانو عمومي بخښنه اعلان کړی ده. دوی ويلي چې د دولت ټول کارکونکي هغه که ښځې او نارينه دی پرته له ډار او ويرې څخه خپلو کارونو ته دې راوګرزي او خپلې ورځنۍ چاري دې پرمخ بوځې.
