د «ؤرلډ رپورټ» په ترڅ کې چي د ۳۳ وار دپاره نشر سوی دی، دغه سازمان په تقریبأ سلو هیوادونو کي د بشر د حقوقو وضعیت تشریح کړی دی. په همدې حال کي د دغه سازمان د اجراييه کمیټې مؤقتي رییسې، تیرینا حسن ټینګار کړی دی، چي د بشر د حقوقو څخه د دفاع پخاطر نور د دولتونو پر یوه کوچني ګروپ، عمدتأ د نړی د شمال پر هیوادونو باندي تکیه نسي کیدلای.
په هند کې د ښځو شاقه کارونه
په هند کي په عنعنوي ډول خښتي په لاسونو جوړيږي. دا يو ککړ، سخت او په لږو پيسو کار دی چي تر ټولو ډير يي ښځي کوي.
انځور: Reuters/R. Roy
خټي او ککړ مواد
د هند په زياتو سيمو کي اوس هم خښتي په عنعنوي ډول توليديږي - په يوه کوچنۍ کُره لکه دلته چي د هند په ختيځ لانگوپولا کلي کي ليدل کيږي. دلته يو کارگر د خاورو له کراچۍ څخه د خښتو هغه اومه مواد راچپه کوي چي له خوشاييو او خټو څخه جوړ سوي دي.
انځور: Reuters/R. Roy
واقعاً يو چټل اوککړکار
يوه کارگره د خټو دغه ترکيب په سطل کي اچوي. زياتره دغه جسمي، چټل او شاقه کار ښځي کوي. د خښتو په زياترو کُرو کي کوچنيان هم کار کوي، دا په داسي حال کي چي په هند کي په رسمي ډول د کوچنيانو کار منع دی.
انځور: Reuters/R. Roy
دروند بار
دلته ښځي دغه مخلوط سوي خټې په سطلونو کي د کار د نورو پړاوونو له پاره بل ځای ته انتقالوي. کارونه په آزاده فضا کي په داسي حال کي ترسره کيږي چي د هوا تودښت زياتره وخت تر ديرشو درجو پورته وي.
انځور: Reuters/R. Roy
په لاس باندي قالب ته اچول
دغه کارگره لومړی د خښتو په قالب کي ريگ اچوي او بيا يي په لندو خټو ډکوي. وروسته بيا دغه قالب په احتياط سره چپه کوي او قالب سوي خښتي يو د بل څنگ ته منظمي اږدي. په آخره کي دغه خښتي مخکي له دې چي په کُرو کي پخې سي، د لمر په واسطه يو څه وچيږي.
انځور: Reuters/R. Roy
ککړ لاسونه
د خټو او خوشاييو مخلوطول، د لاسونو، کاليو او پښو د ککړوالي سبب کيږي. د لاسونو او پښو پوست وچيږي او درزونه پيدا کوي. تر ټولو زيات بيا د کارگرانو پر عضلاتو او هډوکو باندي باکترياوي ناوړه اغيز کوي.
انځور: Reuters/R. Roy
له کړاوونو ډک انتقال
پخې خښتې هم ښځي انتقالوي. د کار محافظوي تدابير چي په نورو پرمختللو هيوادونو کي يوه عادي خبره ده، دلته وجود نه لري. همدارنگه د ټپي کيدو په صورت کي د روغتيا پالنې په برخه کي نيمگړيتاوي ليدل کيږي.
انځور: Reuters/R. Roy
په لږو پيسو شاقه کار
په هند کي د خښتو شاوخوا ۱۰۰ زره کُرې موجودي دي. په ميليونو انسانان مجبور دي چي د خپل ځان او کورنۍ د نفقې د برابرولو له پاره هلته کار وکړي. زياتره وخت ټوله کورنۍ پکښي اخته وي، دا ځکه چي يوازي په دې صورت کي کولای سي په اصطلاح هغوی ژوندي پاته سي.
