د هلمند د کډوالو چارو مسوول ساجد محمد رامین، ویلي دي چي د هلمند په جنوب کي د سختو نښتو له کبله، شاوخوا زر کورنۍ مرکز لښکرګاه ته راتښتیدلي دي.
د می په لومړۍ نیټه له افغانستان څخه رسما د امریکایي ځواکونو د وتلو لړۍ پېل سوه او له هغې راهیسي د افغانستان په ډیرو ولایتونو کي جګړو زور اخیستی. د افغانستان د دفاع وزارت په حواله افغان امنیتي ځواکونو په هلمند ولایت کي د طالبانو حمله پر شا تمبولي ده. دغه وزارت وایي چي یاغیانو د نورو ترڅنګ د لښکرګاه پر ډیرو پوستو باندي بریدونه ترسره کړي دي.
د دفاع وزارت په حواله څه د پاسه ۱۰۰ تنه وسلوال طالبان او همدارنګه د القاعدې ۲۲ پاکستاني جنګیالي وژل سوي دي. د طالبانو په وینا په دغو نښتو کي په لسونو افغان امنیتي ځواکونه هم وژل سوي دي. دواړه خواوي هڅه کوي چي د مقابل لوري د قربانیانو په شمیر کي مبالغه وکړي.
له افغانستانه د پاته ۲۵۰۰ امریکایی ځواکونو د وتلو لړۍ په رسمي ډول د پنجشنبه په ورځ پیل سوه. د یکشنبه په ورځ امریکایي ځواکونو د هلمند په ناآرامه ولایت کي خپله اډه پریښوده.
ناټو د پنجشنبې په ورځ اعلان وکړ چې په افغانستان کې خپل ماموریت ختموي. تر اوسه پوري په افغانستان کي شاوخوا ۹۶۰۰ د ناټو ځواکونه ځای پر ځای دي.
.
روژه؛ افغان سرتیري د سولې له پاره لاس په دعا دي ـ انځوريز راپور
په دې ورځو کې چې له یوې خوا د کرونا وبا ژوند سخت کړی له بلې خوا بیا د حکومت ضد ځواکونو هم خپلو بریدونو ته شدت ورکړی دی او امنیتي ځواکونه په دفاعي حالت کې دي. دغه سرتیري د روژې پرمهال د سولې او روغتیا دعاګانې کوي.
انځور: DW/S. Tanhaپه هرات ولایت کې یو شمیر سرتیري په خپلو دفاعي ډګرونو کې د یوې ګرمې او اوږدې ورځې تر تیرولو وروسته بیرته د ۲۰۷ ظفر قول اردو ته را ګرځي او له خپلو نورو سرتیرو سره په ګډه لمونځ ادأ کوي. دوی د لمانځه په پای کې په افغانستان کې د سولې او د جګړې د پای له پاره هم دعاګانې وکړې.
انځور: DW/S. Tanhaد روژې په میاشت کې هڅه کیږي چې سرتیرو ته ښه خواړه برابر کړل شي دا ځکه چې د ورځې په ترڅ کې دوی د دندې پرمهال روژه نیسي. په ورته وخت کې د افغانستان په یو شمیر سیمو او ولایتونو کې د افغان سرتیرو د خوراک او تجهیزاتو په برخه کې د فساد خبرونه هم رسنیو ته راوځي.
انځور: DW/S. Tanhaد روژه ماتي له پاره چمتوالی
که څه هم افغان سرتیري د خپلو اکمالاتو په برخه کې تل راضي نه وي، خو لږ تر لږه د روژې په میاشت کې داسې ښکاري چې دوی له روژه ماتي خوښ دي. په پخلنځي کې پر یوه دیوال لیکلي چې «با کیفیته خواړه د مورا د لوړیدو او د جګړې د ښې وړتیا لامل ګرځي.»
انځور: DW/S. Tanhaکرونا او د سرتیرو روژه ماتی
د سږ کال روژه په داسې مهال کې راځي چې د افغانستان په شمول ټوله نړۍ د کرونا له وبا سره لاس او ګریوان ده. په افغانستان کې د امنيتي ځواکونو په منځ کې هم د کرونا ویروس د خپریدو ویرې موجودې دي او له همدې کبله لږ تر لږه آشپزان او د دې قول اردو ملکي کارمندان ماسکونه او محافظتي جامې په تن کوي.
انځور: DW/S. Tanhaد پوځ جګپوړي قوماندانان بیا په پوځي اډو کې د کرونا وبا د مخنیوي په برخه کې له شته اقداماتو راضي نه بریښي. په افغانستان کې کرونا وبا ورځ تر بلې د خپریدو په حال کې ده. په افغانستان کې د طبي لارښونو نه عملي کول او غلط باورونه ښايي له کرونا وبا سره مبارزه لا پیچلي کړي.
انځور: DW/S. Tanhaد افغانستان د امنیتي ځواکونو ټول سرتیري ماسکونو او حفاظتي جامو ته لاس رسی نه لري نو له همدې کبله سرتیري د پوځ او امنيتي ځواکونو په لیکو کې د کرونا وبا د خپریدو په برخه کې ویره او اندیښنې لري.
انځور: DW/S. Tanhaپه پوځي مرکزونو د طبي لارښونو نه عملي کول
د هرات په ولایت کې د ۲۰۷ ظفر قول اردو زرګونه سرتیري د روژه ماتي د ترلاسه کولو پرمهال د دې پوځي اډې خوړنځای ته ورځي. په دې پوځي اډه کې میشت له زرو ډیر سرتیري نوبت سره د خوړو د ترلاسه کولو او خوراک له پاره خوړنځای ته داخلیږي او په دې راز شرایطو کې د کرونا وبا د مخنیوي له پاره د فاصل ساتل نه مراعتیږي.
انځور: DW/S. Tanhaد کرونا وبا په هکله د سرتیرو عامه پوهاوی
چارواکي وايي چې د پوځ سرتیرو او منسوبینو د کرونا له ویروس د ځان ساتلو په موخه طبي لارښونې او معلومات ترلاسه کړي دي. په افغانستان کې د هرې ورځې په تیریدو سره د کرونا ویروس په مثبتو پیښو کې زیاتوالی راځي.
انځور: DW/S. Tanhaد نړۍ د ګڼ شمیر هیوادونو پوځ د کرونا وبا د خپریدو د مخنيوي له پاره د خپلو سرتیرو د رخصتیو مقرارات تعدیل کړي دي خو په افغانستان کې په دې برخه کې رسمي معلومات لا نه دي خپاره شوي. داسې ویره موجوده ده چې له عامو خلکو سره د یوه سرتیري ګډیدل ښايي په کرونا ویروس د ګڼ شمیر نورو سرتیرو د اخته کیدو سبب وګرځي.
انځور: DW/S. Tanhaد سولې او ثبات له پاره دعاګانې
په افغانستان کې نه یوازې طالبان، داعش او یو شمیر نورې وسلوالې ډلې د افغان ځواکونو پر وړاندې جګړه کوي بلکې نن ورځ کرونا وبا هم د دغو سرتیرو مبارزه لا پسې پیچلې کړې ده. د دې ټولو سربیره بیا هم د پوځ سرتیري په ګډه په جماعت لمونځ ادأ کوي او د افغانستان د «تلپاتې سولې او روغتیا» له پاره دعاګانې کوي.
انځور: DW/S. Tanha