تایوان د سمندري ځواکونو څخه چې یو کس وغواړي ځانگړه قطعه کې شامل شي نور روزنه یې لس اوونۍ وخت نیسي. ۳۱ گډونوال غواړي چې د دغه قطعاتو برخه واوسي. د تایوان په سویل کې پرته د زوینگ سمندري ځواکونو اډه کې دوه نیمې میاشتې سخت تمرینونه کیږي. یو تمرین دا دی چې په یخ کانکریټی ځمکه ویده شې. په پای کې یوازې ۱۵ کسان بریالي کیږي.

وروسته له هغې چې د تمرین گډونوال ټوله ورځ په سمندر کې تیره کړی، یخې اوبه پرې پاشل کیږي. د دې هدف دا دی چې عسکر باید داسې وروزل شي چې اوسپنیزه اراده ولري. که یې ماموریت هر څومره سخت وي د خپلو هم سنگرو او پوځ پر وړاندې وفاداري یې هیڅ شی متزلزله نه کړی شي.

یو گوانگ-چنگ د ساحل پر غاړه یوه تمرین کې برخه اخلي چې په لومړي نظر کې عادي بریښ. عسکر باید په شگو او ریگ او همداشان په اوبو کې د اوږدو ساعتونو له پاره تمرینونه وکړي. روزونکي یې ډیر سخت انگیرل کیږي چې پر هیڅ څه معامله نه کوي. دمې ډیرې کمې او لنډې وي.

یو عسکر چې د ستړیا پر وړاندې مبارزه کوي مخ یې داسې رنگول کیږي چې له دښمنه پټ وي. دلته راغلي کسان په داو طلب ډول راځي. دغه روزنه د یوې سختې جگړې له پاره طرحه شوې ده. په یوه بیړني صورت کې دغه عسکر باید د مشرتابه له غوښتنې سره سم دنده پر مخ یوسي.

د تمرین گډونوال زیاتره وخت په سمندر او یا هم د لمبا په حوضونو کې تیروي. هغه باید دا زده کړي چې د ډیر وخت له پاره ساه وساتلی شي، له خپلو ټولو جنگي وسایلو سره لامبو ووهلی شي او له سمندرونو ساحلونو ته نفوذ وکړی شي. زیاتره مهال یې پښې او لاسونه تړلي وي. فکر مو وي چې تاسو داسې ونه کړئ.

نه یوازې د قوت او استقامت ساتلو اړونده تمرینونه په ورځني پلان کې شامل دي، بلکې د کشتۍ سخت حرکات هم په تمرین کې شامل دي. د ۲۵ کلن او ژوی ژان له اوښکو ډکو سترگو سره دغه تمرین ترسره کوي. که یو کس د روزونکي پر وړاندې دغه درد او ستړیا له منلو سره مخالفت وکړي، باید له دغه روزنې لاس پر سر شي.

طبعا له نظامي تجهیزاتو سره هم روزنه ترسره کیږي. د روزونکو له لوري غوسه د ځانگړو ځواکونو د ځوانانو د ورځني ژوند برخه ده. هر شپږ ساعته وروسته هغوی یو ساعت دمه لري. په دغه موده کې باید ځوانان ډوډۍ وخوري، چې د نورو سربیره پکې هوږه هم شامله ده، څو د بدن دفاعي سیستم یې پیاوړي شي، د اړتیا په صورت کې ډاکټر ته ولاړ شي او همداشان تشناب ته ولاړ شي.

د دغه روزنې وروستی تمرین «د جنت پر لور لار» نومیږي. فارغیدونکي کسان له خنډونو ډک یوه مسیر کې تعقیبیږي. په لوڅ بدن باید هغوی پر کلکو تیږو وڅکیږي او سینه کشي وکړي. که څه هم دغه کسان د تیرو اوونیو تمرینونو سخت ستړي کړي وي. ۳۰ کلن فو یو، وایي: «زه له مرگه نه ویریږم.»

فارغ شوي کسان په پوځي اډه کې دغه زنگ وهي، څو په رسمي ډول په اې آر پي، کې د ځانگړو ځواکونو له روزنې څخه د فارغیدو اعلان وکړي. دا په دې معنی چې وتوانید په بریا سره دغه روزنه سر ته ورسوي.

چين د پوځ د ستروالي په برخه کي ترمخه لا امريکا متحده ايالات شاته پرې ايښي دي. دغه هيواد ۳۴۸ جنگي بېړۍ خو متحده ايالات ۲۹۶ جنگي بېړۍ لري. چين د روان عيسوي کال په جون مياشت کي د فوجيان ۳ ډوله نوې الوتکه وړونکې بېړۍ کار اخيستنې ته وسپارلې کومه چي چيني انجينرانو جوړي کړې دي.

چين تر امريکا متحده ايالاتو وروسته تر ټولو ډېره دفاعي بودجه لري. دغه هيواد په ۲۰۲۱م کال کې ۲۷۰ ميليارده ډالره او متحده ايالاتو ۷۶۸ ميليارده ډالره پر دفاعي بودجې ولگول. هند په ياد کال ۷۴ ميليارده ډالره دفاعي بودجه ولرله او په دې توگه پر دريم مقام دی.

د امريکا متحده ايالاتو د دفاع وزارت تېر کال د نوامبر په مياشت د چين د اټومي وسلو په هکله يو اټکل خپور کړ. د دغه اتکل له مخي به چين تر ۲۰۳۰م کال پوري تقريبا ۱۰۰۰ اټومي وسلې ولري. دا شمېر د امريکا تر ۵۵۵۰ اټومي وسلو کم دی. خو د چين د اټومي وسلو ډېرښت خورا چټک دی.

زيات راپورونه وايي چي چين تر ږغ چټک داسي توغندي او وسلي جوړوي چي په هر ډول حالاتو کي د نړۍ په هر کونج کي نخښه ويشتلای شي. که څه هم چي چين دا ردوي چي تر ږغ چټک راکټونه جوړوي، خو کارپوهان وايي چي چين د دا ډول توغنديو دوې ازمويني لا کړي دي.

دا هغه ساحه ده چي چين پکښي په چټکۍ او زياته اندازه پانگونه کوي. دغه هيواد خپل پوځونه دې ته چمتو کوي چي په سايبري او د مصنوعي ځيرکتيا و راتلونکو جگړو ته تياری ولري. د امریکا متحده ايالاتو د دفاع وزارت په وينا چين په ممکنه توگه د روبوټي عسکرو په شان د نوي ټيکنالوژۍ څښتن دی.