یوه وسله وال کس د شنبې (د می میاشتې ۶ نیټه) په ورځ د مرکزي اروپا په وخت د شپې په ۸ بجو او ۳۰ دقیقې د دالاس ټکزاس په نوم سوداګريز مرکز کې د وسله وال برید په پایله کې ۹ تنه ووژل او ۷ نور یې ټپیان کړل.
امريکا؛ د کلیزې په مراسمو کې ډزو مرګ ژوبله اړولې
د ټکزاس په شمال کې د آلن ښار د اور وژنې ادارې مشر جاناتان بوید، وویل چې د پيښې په ځای کې ۷ مړي موجود ول او دوو تنو نورو د شدیدو ټپونو له امله په روغتون کې سا ورکړې ده.
د نورو موضوعاتو له پاره زمونږ یوټیوب شبکې ته سر ورښکاره کړئ:
د «سي ان ان» تلویزيوني شبکې رپوټ ورکړی دی چې د دغې پيښې یو شمیر قربانیان یوازې د پنځه کلنۍ عمر ته رسیدلي ول. د آلن ښار د پولیسو مشر وویل چې د ډزو غږ په اوریدو سره هغه پولیس چې په تصادفي ډول د پيښې په ځای کې موجود وو، له برید کوونکي سره متقابلې ډزې پيل کړې او بالاخره بریدګر یې لمنځه وړی دی.
د سپينې ماڼۍ یوه چارواکي ویلي دي چې د امریکا ولسمشر جو بایډن ته هم د پيښې په هکله اطلاع ورکړل شوې ده.
زمونږ له آرشیف څخه انځوریز رپوټ:
د لاس ویګاس پیښه: تر اوسه څه معلوم شوي
په لاس ویګلاس کې د یوه کنسرت پر مهال ډزې شوې دي چې له کبله یې لوړه مرګ ژوبله رامنځ ته شوې ده. د وژل شویو کسانو په ډله کې پخپله بریدکوونکی هم شامل دی. پولیسو اوس د پیښې سیمه کلا بند کړې ده.
انځور: Reuters/Las Vegas Sun/S. Marcusپولیس وایي چې په لاس ویګاس کې د ډزو له کبله لږ تر لږه ۵۰ تنه وژل شوي او په سونو تنه نور بیا ټپیان دي. پولیسو ته مندالي بې کازینو ته نزدې د یوه برید کوونکي په اړه خبر ورکړل شوی وو.
خلک د کنسرت له سیمې د تیښتې په حال کې
د لاس ویګاس پولیسو له خلکو څخه وغوښتل چې له سیمې وتښتې او یا خو هلته هیڅ ولاړ نه شي. پولیسو همداراز سیمې ته رسیدونکي واټونه هم تړلي ول. پولیسو ویلي دي چې له سیمې څخه یې اتوماتې وسلې ډزې اوریدلې دي.
ډیری کسان ټپیان دي، د مړو شمیر ډیر لوړ شوی
د لاس ویګاس د پولیسو مشر جو لمباردو، خبریالانو ته وویل چې د وژل شویو کسانو شمیر لږ تر لږه ۵۰ دي. هغه وویل چې له ۲۰۰ څخه ډیر کسان ټپیان شوي هم دي.
لومباردو ویلي دي چې ډزې کوونکي د مندالي بې هوټل د دریم منزل د یوې خونې له کړکۍ څخه د کنسرت پر لیدونکو باندې ډزې پیل کړې دي. پولیسو بیا وروسته په همدې سیمه کې برید کوونکی وواژه. برید کوونکي د یوه ځايي اوسیدونکي په توګه معرفي شوی دی خو نوم یې لا نه دی ښوول شوی.
په داسې حال کې چې پولیس وایي په دې باور دي چې برید کوونکي په یوازې سر عمل کړی وو، خو لومباردو روښانه کړې ده چې اوس چارواکي د بریدګر د هم اطاقي په لټه کې دي چې ورڅخه پوښتنې وکړي. پولیس همداراز د برید کوونکي دوه موټره هم لټوي.
ډیر شمیر پولیس چې په کار کې نه وو، هم د کنسرت په لیدونکو کې شامل وو. د هغوی له ډلې څخه دوه تنه یې وژل شوي دي. د پیښې پر مهال سندرغاړي جیسن الدیان، سندرې ویلي. هغه پر خپله ټولنیزه پاټه لیکلي دي چې د قربانیان په فکر دی او دغه پیښه کې یې ډیره ویروونکې بللې ده.
د امریکا په تاریخ کې تر ټولو وژونکې د ډزو پیښه
له۵۰ څخه زیاتو قربانیانو سره، د لاس ویګاس پیښه د امریکا متحده ایالاتو په تاریخ کې تر ټولو وژونکې د ډزې پیښه ده.
د بې پیلوټه الوتکو په وسیله اخیستل شوي ویډیوګانې ښيې چې پيرېدونکي او د سوداګريز مرکز کارکوونکي د ویرې په حالت کې د پارکینګونو پر لور منډې وهي. ټکزاس د امریکا یو له هغو ایالاتونو څخه دی چیرې چې د ډزو ډیرې پيښې رامنځته کیږي.
د نورو موضوعاتو له پاره زمونږ فیسبوک شبکې ته سر ورښکاره کړئ:
شاوخوا یو کال مخکې د ټکزاس ایالت په یوه ښوونځي کې د ډزو د پيښې په پایله کې لږ تر لږه ۱۹ زده کوونکي او ۳ لویان ووژل شول او څو تنه نور ټپیان شوي ول.
په امریکا کې یوه وسله وال په ډزو شپږ تنه وژلي دي
په ۲۰۲۱م کال کې شاوخوا ۴۹ زره انسانانو له ناریه یا ماشيندار ډوله اتومات وسلو څخه په استفادې خپل ژوند له لاسه ورکړی دی. دغه شمیر بیا په ۲۰۲۰م کال کې ۴۵ زره و.
کالیفورنیا: په ډزو کې ۷ کسان وژل شوي
د Gun Violence Archive انټرنټ پاڼې په وینا په روان میلادي کال کې په امریکا کې تر ۱۹۵ ډیر وسله وال بریدونه ترسره شوي دي چې په هر یوه کې یې په اوسط ډول ۴ تنو ته مرګ ژوبله اوښتې ده.
آژانسونه: ش.ن/ ن.ص
