د آلمان د بهرنيو چارو وزارت نمايندګيو يو شمیر اروپايي ښارونو ته د غيرضروري سياحتي سفرونه د نه تلو څخه خبرداری ورکړی. په دغو ښارونو کې د بيلګې په توګه د چک جمهوريت پراګ او د سويس هيواد جنيوا او فاود ښارونه. د فرانسې او کروشيا هيوادونو ځينې علاقې هم ښودل شوي دي.

د آلمان حکومت د نړۍ شاوخوا ۱۶۰ هیوادونو ته سپتمبر تر ۳۰مې د سفر کولو خبرداری ورکړی. دا هغه هيوادونو دي چې د اروپايي اتحاديې او د شينګن سيمې غړي نه دي. د اکتوبر له لومړۍ وروسته به يو بل جلا طرزالعمل اجرا شي.

د استراليا بندرونه به د دسامبر مياشتې تر ۱۷ مې پورې تړلې پاتې وي. خو د استراليا حکومت ويلي چې داخلي سفرونه به د دغه هيواد د اوسیدونکو له پاره ډير ژر جواز وګرځول شي.

آلمان د هسپانيا کناري ټاپو هم به کرونا ويروس درولودونکو سيمو کې ورزیات کړ. دا په دې مانا ده چې دې سره اوس ټوله هسپانيا له آلمان څخه تلونکو مساپرو له پاره د کرونا ویروس د لوړ خطر درلودونکی هیواد دی.

خو په نيويارک کې بر خلاف د سپتمبر په دوهمه د «ايج» (Edge) برج بيرته د سيلانيانو پر مخ پرانستل شو. دغه ښيښه يي برج ۳۳۵ متر لوړ او سل پوړه دی. دا په مارچ میاشت کې تر افتتاح څو ورځې وروسته د کرونا ويروس له امله بيرته وتړل شو.

د آلمان حکومت د اګست په ۲۴مه د کرونا ويروس له امله د فرانسې تر ټولو پراخې مديترانه يې سيمه ته د سفر څخه خبرداری ورکړی. د آلمان د رابرت کوخ انستيتوت چې د کرونا بحران تعقیبوي، د فرانسې د کوت آزور په ګډون د یو شمير سيمې د خطر سيمې گڼلې وې.

د اګست په ۱۶مه لومړنۍ مدیترانه یي کروز کښتۍ خپل سفر پيل کړ. خو د ۶۰۰۰ کسانو پر ځای، د ۲۵۰۰ مساپرو سره. د ريوال په نوم يو شرکت هغه وخت ويلي چې تر سپتمبر پورې به بله مديترانه يي کروز کښتۍ اماده نه کړي.

فرانسې د پاريس او د مديترانې سمندر په غاړه پرتې سيمې لکه مارسي ښار، د کرونا ويروس له اړخه خطرناکه اعلان کړې. په انځور کې په پاریس ښار کې د لوور مشهور موزیم يوه څنډه ليدل کيږي.

د ۲۰۲۰م کال په لومړيو شپږو مياشتو کې برلين ښار ته ۲ اعشاريه ۷ ميلیونه توريستان ورغلي وو. دا د مخکې کلونو په پرتله، ۵۹ سلنه برخه تشکيلوي. دا د ۲۰۰۴م کال راورسته تر ټولو ټيټ شمير دی. دغه معلومات د آلمان د آمارو ادارې ورکړي دي.

د اګست مياشتې له ۸مې، هر هغه څوک چې د خطر سېمې څخه آلمان ته داخليږی باید د کرونا تیست وکړي. دغه مقررات د آلمان د عامې روغتيا وزارت د يوه فرمان له مخې عملي کيږي. اوس مهال ډير هيوادونه د کرونا ويروس له اړخه خطرناک يا د ريسک سيمې ګڼل کيږي لکه برازيل او متحده ایالات.

آلمان تر يو بريده يو ځل بیا د ترکيې ۴ سيمو ته د سفرونو خبرداری ورکړ. دغه سيمې انتالیا، ايزمير، آئيدن او موګلا ښودل شوي دي. دغو سيمو ته تللي مساپر باید آلمان ته د بیرته ستنیدو پر مهال خپل د کرونا تیست ورکړي چې بیه يې د ۱۵ او ۳۰ يورو ترمنځ ده چې په خپله مساپر يې بايد پرې کړي.

وروسته له هغې چې په يوې ناوريجۍ کروز کښتۍ کې د کرونا لومړنۍ پيښه ثبت شوه، ناروې د اګست په ۳مه خپلې ټولې کروز کښتۍ تر امر ثاني پورې ودرولې.

نيپال د کرونا د نه اطمينان سربيره د ايوريست څوکه د مني موسم غره ختنې په موخه د علاقمندانو پر مخ پرانستله. دغه هيماليايي هيواد په مارچ میاشت کې دلته د سيلانيانو د موسم پر وخت خپل بندرونه وتړل.

فرانسې د جولای له ۱۵مې د پاریس ښار ايفل برج بیرته د سيلانيانو پر مخ پرانیست. په انځور کې سيلانیان د دغه برج په تر ټولو لوړه څوکه کې ليدل کيږي.

د روم ښار تر ټولو مشهور توريستي ځای کلووسوم او د واټيکان موزيم د جون مياشتي له لومړۍ نيټې بيرته د خلکو پر مخ پرانستل شول. خو دا يوازې د ځايي اوسیدونکو له پاره. د بهرنيو توريستانو له پاره ویل شوي وو چې د جون مياشتې تر ۳مې دې منتظر وي.

په يونان کې حکومت د می میاشتې له ۲۵مې خپل توريستي ټاپوګان د توريستانو پر مخ بیرته پرانیستل.البته یوازې د کورنيو توریستانو له پاره چې د بهرنيو له پاره لا هغه وخت تصميم نه وو نیول شوی.

مکلندبورګ-فور پوميرن د آلمان لومړنی ایالت وو چې خپل توریستي ځایونه یې د می میاشتې له ۲۵مې د سيلانيانو پر مخ بیرته پرانیستل.

د آلمان حکومت د هسپانيا ډيرې برخې چې د سفرونو او چکر له پاره ډيرې په زړه پورې دي، د کرونا ويروس له اړخه له خطره ډکې اعلان کړي دي.

د آلمان بایرن ايالت د اپريل مياشتې په ۲۱مه اعلان وکړ چې سږکال د اکتوبرفیست یا د اکتوبر جشن د کرونا وبا له امله نه لمانځل کيږي. په دغه فیستوال کې هر کال شاوخوا ۶ میليون کسان ګډون کوي.