په ۱۹۹۸م کال کې د سلمان خان پر ضد د ځنګلي حیواناتو د حفاظت قانون ماتولو دوې دوسیې ثبت شوې وې. پر هغه او نورو ملګرو باندي د کم یابه هوسۍ د ښکار کولو تور دی. دغه تور اوس ثابت شوی او سلمان خان په پنځه کلن بند محکوم کړل شو. د دې ترڅنګ، په ۲۰۰۲م کال کې پر سلمان خان باندې د سړک پر غاړې ویده کسانو باندې د نشې په حالت کې د موټر خیږولو تور هم دی.

د روان کال په جنوري میاشت کې د هند سینما پر پخواني ستوري جتیندر د خپلې «کزن» (هغه به يا د ماما یا د کاکا لور) تور ولگاوه چې پر هغې یې جنسي تیری کړی. دغه دوسیه ثبت شوې او پلټنې یې روانې دي.

د ۲۰۱۸م کال په مارچ میاشت کې د هندوستان د یوه عبادت ځای یا مندر چارواکو شکایت ثبت کړی چې روینه ټنډن د اعلان له پاره يو عکس د عبادت ځای په داسې برخه کې اخيستی، چې د قانون له مخې د کامرې لیږدول منع دي.

د ۲۰۱۸م کال په مارچ میاشت کې د هندي سینما د ستوري نواز الدین صدیقي میرمنې د هغې پر ضد د جاسوسۍ کولو تور پور کړ. د هغه میرمنې پر نوموړي تور پورې کړی چې د هغې د تیلیفون سابقه یې را ویستلې ده.

د هندي سینما یا باليووډ سنجو بابا، په ناقانونه توګه د وسلو ساتلو په جرم خپله سزا بشپړه کړې ده.

«کنګ خان» یا شاه رخ خان باندې هم تور دی چې د «رئیس» په نامه د فلم ثبتولو پرمهال یې د اورګاډو د یوه تم ځای املاکو ته زیان رسولی او په دې ترڅ کې یې شخړه هم کړې. پر دې سربیره په ۲۰۰۲م کال کې د هندوستان د پریمیر لیګ یا «آی. پي. ایل» سیالیو پر مهال یې د ممبيي په یوه لوبغالي کې له امنیتي چارواکو سره بد چلند کړی دی چې له امله یې پر شاه رخ خان دغه لوبغالي ته د داخلیدو له پاره د ۵ کلونو بندیز وضع شوی.

د باليووډ د ستوري ادیتیه پنچولي پر زوی سورج پنچولي باندې تور دی چې د فلمونو د ستورې جیا خان په ځان وژنه کې یې ورسره مرسته کړې ده.

د فلمي ستوري په توګه د کار کولو په لومړیو وختونو کې د بریالیتوب هسک پوړ ته پر رسیدونکي ستوري شایني آهوجا د خپل کور پر خادمې باندې د زورزیاتي له امله نوموړي سزا تیره کړې ده.

د هندوستان د ممبيي ښار یوه ماډل د فلمونو د ډایریکټر مدهر بهنډارکر پرضد په ۲۰۰۴م کال کې د زورزیاتي له امله عریضه کړې. خو په ۲۰۰۷م کال کې د فلمونو دغه «مودل» د نوموړي د وژنې په جرم کې ګرم وپیژندل شو.

د بالیووډ سینما د رقص پر ستوري ګوویندا تور دی چې د خپل فلم «مني هي تو هني هي» د ثبت پرمهال یې خپل یو علاقمند په څپیړه وهلی. خو په ۲۰۱۷م کال کې د هندوستان سترې محکمې د هغه پر ضد دغه دوسیه لغو اعلان کړه.