په کالفرونیا کې د تکنالوژۍ ستر شرکت اپل د دوشنبې په ورځ پر ځایي وخت خپل نوی تولید، آیفون ۱۶ او نور تولیدات معرفي کړل. دا د اپل شرکت لومړنی تولید دی چې په ځانګړې توګه د مصنوعي ځیرکتیا د استفادې له پاره ډيزاین شوی دی.
د ايپل اجرايوي مدیر تيم کاک، د نوي آیفون د معرفي پر مهال وويل: «د آیفون راتلونکی نسل، له بنسټه د اپل ځیرکتیا له پاره ډيزاین شوی دی.» له «اپل ځیرکتیا» څخه د هغه هدف، د دغه شرکت مصنوعي ځیرکتیا ده چې د روان کال په سر کې اعلان شوې وه.
هغه وویل: «دا د یو هيجاني عصر د پیل ښکارندوي دی.»
د رسنیو د رپوټونو پر اساس، د نوو سافت ویرونو د آپدت له پاره د اپل د مصنوعي ځیرکتیا وړتیاوې په اکتوبر میاشت کې د آيفون او آیپډ وروستیو ماډلونو ته د لاسرسي وړ ګرځي. خو صوتي سیري خدمات ېې په ابتدا کې يوازې په انګلیسي ژبه په امریکا کې د لاسرسي وړ دي. دغه خدمات به د نورو سیمې په انګلیسي ژبه کې د ۲۰۲۵م کال په سر د فرانسوي، هسپانوي، چيني او جاپاني ژبو له پاره وړاندې کيږي.
اپل د هواوې پر وړاندې د مصنوعي ځیرکتيا په برخه کې د اپل اقدام، د چینايي شرکت هواوې سره د رقابت په ستراتيژۍ کې کليدي رکن جوړوي. د نوي آيفون د معرفي کېدو لږ مخکې، د هواوې شرکت نوی درې قاته ماډل (MATE XT) تولید د مخکنیو فرمایشونو له پاره وښودل شو.
د هواوې ویب پاڼې وښوده چې دغه شرکت د دوشنبې تر ماښامه یوازې د څو ساعتونو په جریان کې د دغه ماډل له پاره له درو ميلیونو ډېر فرمایشونه ترلاسه کړل. دا د هواوې د رقابتي قابلیت ښکارندويي کوي چې د امریکا متحده ایالاتو د تحریمونو باوجود موجود دی.
بن باجارین چې په کلیفرنیا کې د مارکيټ د نوښتګرو استراتيژيو په تحقیقاتي شرکت کې شنونکی دی، وايي: «د چین بازار د امریکا متحده ایالاتو د بازار په پرتله ډېر د مصنوعي ځیرکتا ځانګړنو ته علاقمندي لري.»
خو تر اوسه د اپل شرکت مصنوعي ځیرکتیا (اپل ځیرکتیا) د چین بازار له پاره ازاده شوې نه ده او اپل په دې برخه کې په چین کې هېڅ شریک معرفي کړی نه دی.
آيفون ۱۶: نوي ځانګړتياوي د آيفون ۱۶ او آيفون ۱۶ پلس د نوو ځانګړتیاوو له ډلې (A18) چيپ، المونیمي پوښ او د کامرې له پاره يوه نوې تڼۍ ده. اپل همدارنګه آیفون ۱۶ پرو او ۱۶ پرومکس هم معرفي کړل چې لاچټک چيپ (A18 Pro) او د مصنوعی ځیرکتیا لا پرمختللي قابلیتونه لري.
اپل شرکت په دغو مراسمو کې همدارنګه نوي ساعتونه او ایرپاډونه هم معرفي کړل او په ورزشي او روغتيايي چارو کې ېې د هغو د استفادې پر اهمیت ټینګار وکړ.
له آرشیف څخه (15.10.2020):
له آیفون نه تر آیفون دولس پورې سفر
لومړی آيفون موبايل په ۲۰۰۷م کال کې بازار ته راووت. هغه وخت خلکو فکر نه کاوه چې ځیرک تيليفونونه او ټولنيزې رسنۍ به دومره پرمختک کوي. دلته د لومړي آيفون نه تر آيفون دولس پورې سفر په انځورونو کې کتلی شئ. انځور: Apple Inc./Brooks Kraft/AFP لومړی آيفون د ۲۰۰۷م کال په جون میاشت کې معرفي شو. نوم يې «آیفون» وو، چې په توليد سره يې د ايپل شرکت هم مشهور شو. د دغه موبايل کمره دوه ميګا پکسله وه او د ټچ سکرين قابليت او ځينې نورې وړتياوې يې هم درلودې. دغه موبايل په مارکيت کې د یو «انقلابي» توليد په څير ثابت شو.
انځور: picture-alliance/dpa/Apple ايپل شرکت د ۲۰۰۸م کال د جولای مياشتې پر ۱۱مه، تري جي آیفون راويست. د دغه ګرځنده تيليفون تر ټولو مهم خاصيت دا وو چې «تري جي» انترنيت سره يې جوړښت درلود چې هغه وخت ډيره لویه خبره وه.
انځور: picture-alliance/dpa/J. Mabanglo د ۲۰۰۹م کال په جون مياشت کې اپيل خپل دريم ماډل ګرځنده تيليفون «آيفون تري جي ايس»معرفي کړ. د دغه تيليفون کامره درې ميګاپکسله وه او د ويډيو ريزوليوشن يې ۴۸۰پی وو. دا د مخکنيو ماډلونو په پرتله ډير قوي موبايل وو.
انځور: imago يو کال وروسته، د ۲۰۱۰م کال د جون میاشتې پر ۳۱مه «آیفون څلور» معرفي شو. د آيفون څلور کامره پنځه ميګاپکسله او د ويډیو ريزولوشن يې تر ۷۲۰ پکسل پورې وه. دا لومړنی ګرځنده تيليفون وو چې په ايچ دي کیفت ويډيو اخیستونکې کامره یې درلوده.
انځور: picture alliance/dpa آيفون څلور ایس، د ۲۰۱۱م کال د اکتوبر میاشتبې پر ۱۴مه معرفي شو. دا له مخکيني ماډل څخه ډير پرمختللی وو. کامرې ېې ۸ ميګاپيکسله عکس او ۱۰۸۰ پيکسله ويډيو اخیستله.
انځور: Getty Images/J. Sullivan دغه ماډل آيفون د ۲۰۱۲م کال د سپتمبر پر ۲۱مه راووت. د دغه تيليفون د مخې کامرې د عکس اخیستلو وړتيا ۱ اعشاريه ۲ او د شا کامره يې ۸ ميګا پکسله وه په داسې حال کې چې تر۱۰۸۰ میګا پکسله پورې ويډيو يې اخيستله.
انځور: Getty Images/A. Burton ايپل شرکت د ۲۰۱۳م کال په د سپتمبر پر شلمه، پنځه سي او پنځه ايس ماډل آیفون راويست.
انځور: Getty Images/AFP/K. Nogi د ايپل شرکت د ۲۰۱۴م کال د سپتمبر پر ۱۹مه دوه ماډله تيليفونونه «آیفون شپږ او آیفون شپږ پلس» معرفي کړل. له هغه وخته تر اوسه د نړۍ په بازارونو کې ۱۶۹،۲۲ ميليونه دغه ماډل تيليفونونه خرڅ شوي دي.
انځور: picture-alliance/NurPhoto/J. Arriens د ۲۰۱۵م کال د سپتمبر پر ۲۵مه ايپل د آيفون شپږ دوه ورژنه «شپږ ايس او شپږ ايس پلس» معرفي کړل. دغه ماډل تيليفونونه ډير کامياب وختل او خلکو خوښ کړل. په مجموعي توګه د دواړو ماډولو څخه ۲۳۱.۲۲ ميليونه خرڅ شول.
انځور: Getty Images/AFP/J. Edelson ايفون ايس آی، آیفون ۷ او آيفون ۷ پلس، په ۲۰۱۶م کال راووتل. دا وخت په بازار کې د ايپل دغو توليداتو ته تقاضا ډيره زیاته شوې وه. ايپل هم تقاضاو ته په کتو، خپلو مختلفو مشتریانو له پاره په مختلفو ورژنونه کې تيليفونونه راويستل.
انځور: picture-alliance/AAP/J. Carrett په ۲۰۱۷م کال کې هم درې ماډله ايفونونه راووتل. آيفون ايکس، آيفون اته او آيفون اته پلس. ايپل په دغو ماډلونو کې د غږ ځانګړی اسيستانت هم معرفي کړ چې مختلف فعالیتونه يې د غږ له طریقه تنظیموي.
انځور: apple.com آيفون ايکس ايس، ميکس او ايکس آر ايبل شرکت خپل دغه درې ماډله تيليفونونه دوه کاله مخکې (۲۰۱۸م کال) راويستل. ايپل شرکت معمولا په خپل نوي ماډل آیفونونو کې د هغو امکانات لوړ کړي دي. د دغه ماډل آيفونونو مجموعي خرڅلاو ۲۱۷.۷۳ ميليونه وو.
انځور: Reuters/S. Lam آيفون يوولس، آيفون پرو اور آيقون ميکس دغه درې ماډله آيفون تيليفونونه په ۲۰۱۹م کال کې راووتل. ايپل د دغو تيليفونو کامرو ته نوره توجه ډيره کړه، ځکه په يوټيوب، ټيک ټاک او فیسبوک په څير ټولنیزو رسنيو کې د ويډيوګانو د خپريدو دود ډير شو چې ايپل هم د مشتریانو تقاضا ته په کتو د لا ښو ويډیو اخیستلو له پاره د کامرو کیفیت لوړ کړ.
انځور: picture-alliance/AP Images/AP Photo/T. Avelar د ۲۰۲۰م کال د اکتوبر پر ۱۳مه ايپل خپل آيفون ۱۲ هم معرفي کړ. زياته شوې چې د دغه ماډل ټيلفون ۳ نور ورژنونه (آيفون ۱۲ کوچنی، پرو او تري ډي) به هم په نژدې راتلونکې کې بازار ته راووځي.
انځور: Apple Inc./Brooks Kraft/AFP
