په دې وروستیو کې ولسمشر ترمپ ویلي وو چې غواړي د امریکا په هغه قانون کې تغیيرات راولي چې له مخې یې په امریکا کې زیږیدلو ماشومانو ته تابعیت ورکول کیږي.

کاناډا هم یو له هغو هیوادونو څخه دی چې په خپله خاوره کې زیږیدونکو ماشومانو ته تابعیت ورکوي.

د افغانستان په ګاونډ کې پروت د پاکستان د هېواد لومړي وزیر په دې وروستیو کې ویلي وو چې غواړي هغو شمیر مهاجرینو ته چې په پاکستان کې زیږیدلي وي، د دې هیواد تابعیت ورکړي.

مکسیکو هم په خپله خاروه کې زیږیدونکو ماشومانو ته تابعیت ورکوي.

برازیل هم په خپله خاروه کې زیږیدونکو ماشومانو ته تابعیت ورکوي.

ارجنتاین هم هغو ماشومانو ته اتومات تابعیت ورکوي چې د د دې هیواد په ځمکه کې نړۍ ته راغلي وي.

د کیوبا د تابعیت د قانون له مخې په دې هیواد کې ټول زیږیدلي ماشومان د کیوبا د تابعیت د ترلاسه کولو حق لري.

ونزویلا هم د هغو هیوادونو په ډله کې راځي چې په خپله خاوره کې زیږیدونکو ماشومانو ته تابعیت ورکوي.

چیلي هم په خپله خاوره کې نویو زیږیدونکو ماشومانو ته تابعیت ورکوي.

د اتلانتیک او کربین سمندرونو په منځ کې پروت انتیګوا او باربودا هم په خپله خاوره کې زیږیدونکو ماشومانو ته تابعیت ورکوي.

باربادوس هیواد چې ښکلي ساحلونه لري، په خپله خاوره کې زیږیدونکو د بهرنیو اتباعو ماشومانو ته په اتومات ډول تابعیت ورکوي.

د مرکزي امریکا په شرقي څنډه کې پروت بلیز هیواد هم په خپله خاوره کې زیږیدونکو ماشومانو ته تابعیت ورکوي.

چاد افریقايي هیواد هم هغو ماشومانو ته تابعیت ورکوي چې د دې هیواد په ځمکه کې زیږیدلي وي.

په لاتینه امریکا کې پروت اکوادور هم هغو ماشومانو ته تابعیت ورکوي چې د دې هیواد په ځمکه کې زیږیدلي وي.

د دومینکا په نامه د سمندر په منځ کې پروت دغه هیواد هم په خپله خاوره کې زیږیدونکو ماشومانو ته تابعیت ورکوي.

د فیجي په نامه دغه کوچنی هیواد هم په خپله خاوره کې زیږیدونکو ماشومانو ته تابعیت ورکوي.

د مکسیکو په جنوب کې او په مرکزي امریکا کې پروت ګواتیمالا هم په خپله خاوره کې زیږیدونکو ماشومانو ته تابعیت ورکوي.

د مرکزي امریکا بل هیواد هندوراس هم په خپله خاوره کې زیږیدونکو ماشومانو ته تابعیت ورکوي.

پیرو هم په خپله خاوره کې زیږیدونکو ماشومانو ته تابعیت ورکوي.

جمایکا هم په خپله خاوره کې زیږیدونکو ماشومانو ته تابعیت ورکوي.

په کربین سمندر کې موقعیت لرونکي ګرینادا هیواد هم په خپله خاوره کې زیږیدونکو ماشومانو ته تابعیت ورکوي.

پاناما چې جنوبي او مرکزي امریکا سره وصل کوي، په خپله خاوره کې زیږیدونکو ماشومانو ته تابعیت ورکوي.

په جنوبي امریکا کې پروت یوروګوای هیواد هم په خپله خاوره کې زیږیدونکو ماشومانو ته تابعیت ورکوي.

د برازیل، بولیویا او ارجنتیانا په منځ کې پروت پاراګوای هیواد هم په خپله خاوره کې زیږیدونکو ماشومانو ته تابعیت ورکوي.

په جنوبي افریقا کې په وچه کې راګیر د لیسوتو په نامه کوچنی هیواد هم په خپله خاوره کې زیږیدونکو ماشومانو ته تابعیت ورکوي.

په مرکزي امریکا کې پروت السلوادر هم په خپله خاوره کې زیږیدونکو ماشومانو ته د قانون له مخې تابعیت ورکوي.

د سانت لوشیا په نامه په سمندر کې موقعیت لرونکی دغه هیواد هم د قانون له مخې په خپله خاوره کې زیږیدونکو ماشومانو ته تابعیت ورکوي.

د کربین سمندر او انتلانتیک سمندر په منځ کې پراته دغه دواړه هیوادونه هم هغو ماشومانو ته چې په دې هیوادونو کې زیږیدلي وي، تابعیت ورکوي.

په کربین سمندر کې پروت د اور شیندونکو غرونو لرونکی سانت وینسینت هم په خپله خاوره کې زیږیدونکو ماشومانو ته تابعیت ورکوي.

اوسمهال هغه کسان د المان تابعیت ترلاسه کولی شي، چې په دې هېواد کې یې اته کاله ژوند کړی وي او دایمي اقامت ولري. پر دې سربېره دا شرائط یې هم بايد پوره کړي وي: د الماني ژبې سره بلدتیا ( معمولآ د ب ۱ په کچه)، د ژوند لګښتونه یې په خپلواکه توګه تمویل کړی وي او د تابعیت ازموينې کاميابې کړي وي.

هو، ممکنه ده، خو دا خپل ځانګړي شرایط لري. د اوسنیو قوانینو له مخې هر هغه څوک چې د ادغام په برخه کې ښې لاسته راوړنې ولري، لکه د ژبې او مسلکي زده کړو برخه کې یې ډېر پرمختګ کړی وي، کولی شي چې له شپږو او اوو کلونو وروسته د تابعیت غوښتنه وکړي. هر هغه څوک چې الماني پاسپورت په لاس راوړي، د المان د تبعه په توگه له ټولو حقوقو او همدا راز مکلفیتونو څخه برخمن کیږي.

د آلمان ایتلافي حکومت د ایتلافي تړون پرمهال توافق کړی و، چې د تابعیت ورکړې په برخه کې به خنډونه را کم کړي. له دې جملې څخه حکومت په پام کې لري، چې د خارجيانو له پاره د تابعيت ترلاسه کولو د اتوو کلونو اقامت د اړتيا موده اوس پنځوو کلونو ته راټيته کړای شي. دا هم په نظر کې ده چې د هغو کسانو له پاره چې د ادغام په برخه کې ښې لاسه راوړنې لري، دا موده دریو کلونو ته راکمه کړي.

د المان فدرالي حکومت په پام کې نه لري، چې د الماني تابعیت په برخه کې نور اساسي شرایط بدل کړي. لکه د الماني ژبې سره کافي بلدتیا او د ژوند لګښتونو برابرول. البته، د هغو کسانو په اړه چې د « کاري کډوالو نسل» بلل کیږي، د دوه ګوني تابعیت د اجازې په اړه بدلون په پام کې دی.

اوس مهال، قانون حکم کوي چې هر هغه څوک چې د آلمان تابعیت ترلاسه کوي باید «په اصولو کې» خپل پخوانی تابعیت پریږدي. مګر دا اصل په ډیری قضیو کې نه پلي کیږي، د بیلګې په توګه د اروپایي اتحادیې د غړو هیوادونو د اتباعو او د هغو هیوادونو اتباعو په برخه کې چې خپلو وگړو د تابعیت پریښودلو اجازه نه ورکوي.

اوسمهال د ۲۵ هېوادونو اتباع کولی شي، چې د الماني پاسپورټ په ترلاسه کولو سره خپل اصلی تابعیت هم وساتي، چې د افغانستان، ایران او سوریې اتباع هم په دې کې شامل دي. تېر کال اوکراين هم په دغو هېوادونو کې شامل شو، ځکه چې په دغه هېواد کې د جګړې له امله د تابعيت پرېښودل له اداري پلوه ناشوني دي.

د المان د کورنیو چارو وزارت په وینا، د لومړي تابعیت د ساتلو په برخه کې د دغو استثناوو له امله، په ۲۰۲۱ کال کې د هغو کسانو دوه پر درېیمه برخه يعني ۶۹ فيصده چې د المان تابعیت یې اخیستی، خپل لومړنی تابعیت یې ساتلی دی. د آلمان ایتلافي حکومت پلان لري چې په عامه توګه د دوه ګوني تابعیت اجازه ورکړي.

د هغو کسانو شمير چې د المان تابعيت ترلاسه کوي، په دغه هیواد کې د میشتو بهرنیانو د شمیر په پرتله ډیر کم دی. د بېلګې په توګه، په ۲۰۲۱ کال کې د هغو بهرنیانو يوازې ۲،۴۵ سلنه یې چې لږ تر لږه ۱۰ کاله یې په جرمني کې ژوند کړی، د دغه هېواد تابعیت ترلاسه کړی دی. په دې عکس کې د آلمان ولسمشر فرانک والتر شټاین مایر لیدل کیږي، چې یوې میرمنې ته یې د المان د تابعیت سند ورکړی دی.

د آلمان د فدرالي حکومت د شمیرو له مخې په ۲۰۲۱ کال کې ۱۳۱ زره او ۵۹۵ بهرنیانو د المان تابعیت ترلاسه کړی چې دا د تیر کال په پرتله ۲۰ سلنه زیاتوالی ښيي. د دې زیاتوالي لامل په عمده توګه د سوريايي کډوالو ډېر شمېر دی چې له ۲۰۱۵ وروسته آلمان ته راغلل. په ټولنه کې د ښه ادغام له امله یو زیات شمیر سوریایي کډوال توانیدلي، چې له شپږو کلونو وروسته د دالمان تابعیت ترلاسه کړي.