داويد بابايان چې د قره باغ يو سياسي مشاور دی، وايي چې په قره باغ کې مېشت ارمنيان نه غواړي د اذربايجان تر حاکميت لاندې ژوند وکړي. نوموړي زياته کړه چې «۹۹،۹ سلنه يې دې ترجيع ورکوي چې خپله تاريخي خاوره شا ته پرېږدي.»
اذربايجان ترمخه ويلي وو چې غواړي په قره باغ کې د ارمنيانو حقونو ته درناوی وکړی. خو ارمنيان د خپلو څرګندونو په حواله له غچ اخيستنې څخه ويريږي. په دې ترڅ کې د ارمنستان حکومت له قره باغ څخه ورتلونکو په لسونو زرو کډوالو ته چمتوالی نيسي. خو اصلا ارمنستان غواړي چې ارمنيان په قره باغ کې پاتې شي.
بابايان دا هم وويل چې معلومه نه ده کډوال به کله د ارمنستان په لور حرکت پيل کړي. ده له کلکو ټکو کار واخيست او ويې ويل چې «زموږ د بې چاره ولس برخليک به د شرم په توګه.... د ټولې متمدنې نړۍ په تاريخ کې ځای ونيسي.»
په قره باغ کې اکثريت توکميز ارمنيان ژوند کوي چې په جنوبي قفقاز کې پرته د قره باغ سيمه يې د ارمنستان د حکومت په مرسته درې لسيزې کنرول کړې وه. قره باغ د شوروي اتحاد تر ړنګېدو وروسته له آذربايجان څځه د خپلواکۍ اعلان وکړ، خو په نړيواله توګه په رسميت ونه پېژندل شو.
اذربايجان اوس د سه شنبې په ورځ په دغه غرنۍ سيمه کې پراخ پوځي ماموريت پيل کړ چې يوه ورځ وروسته ارمنيانو په قره باغ کې اوربند ته غاړه کېښوده. د اذربايجان په دغه ماموريت کې ښايي د ملکي وګړو په ګډون په سلګونو تنه وژل شوي او ټپيان شوي وي. ارمنيانو د وروستيو انکشافاتو له کبله پر نړيوالې ټولنې د غلي پاتې کېدو او بې تفاوتۍ تور لګولی دی.
د آذربایجان ولسمشر، میرمن او لور يې له شوشا ښار څخه ولیدل
د آذربايجان ولسمشر الهام علي اوف، له خپلې ميرمنې مهربان علیوا او لور، ليلا سره له شوشا ښار څخه ولیدل. دغه ښار تازه د ارمنستان له اشغال څخه آزاد شوی. انځور: Azerbaijani Presidential Press Office/dpa/picture alliance الهام علی اوف، میرمن يې مهربان علیوا او لور يې ليلا د آزربايجان ولسمشر له خپلې لور او ميرمن سره، په شوشا ښار کې د ګوهريه يوخاري له جامع جومات څخه د ليدنې پر مهال. دغه ښار مخکې د «آرتساخ جمهوريت» په کنترول کې وو چې د ارمنستان او آذربایجان ترمنځ د اوربند تر تړون وروسته د آذربایجان کنترول ته راغی.
انځور: picture alliance/dpa/Azerbaijani Presidential Press Office د آذربایجان ولسمشر، شوشا ښار ته له پوځي ځواکونو سره ورغی. هغه د شوشا په میدان کې چې د آذربايجان بیرغ په کې درول شوی، ورغی او بیرغ ته یې د درناوی وکړ. هغه وويل: «د شوشا ښار د پوځ د مسلکي عملیاتو په نتیجه کې له اشغاله خلاص شو. په ډاډ سره ويلی شم چې دغه ۴۴ ورځنی جنګ به د نړيوالو پوځي ښوونځيو په کتابونو کې زده کونکو ته تدريس کيږي.»
انځور: Azerbaijani Presidential Press Office/dpa/picture alliance علي اوف ارمنستان ته خبرداری ورکړ او وې ويل: «که هغوی د غچ اخیستلو فکر کوي، نو يو ځل بيا به زموږ اوسپنيز سوک وخوري. زموږ ځواب به لا سخت وي.» هغه خپلو سرتيرو ته وویل چې له خپلو آزادو شوو سیمو څخه د خپلو سترګو په څير محافظت وکړي.
انځور: Azerbaijani President Press Office/TASS/dpa/picture alliance شوشا د آزربایجان کلتوري ښار د آذربایجان ولسمشر د روان کال د جنوري په ۵مه ويلي وو: «شوشا به د خپل هيواد فرهنګي ښار ونوموم. د شوشا ښار يې لیاقت لري. زما له نظره شوشا ښار نه يوازې د آذربایجان، بلکې کیدای شي د سيمې کلتوري ښار وي. شوشا غني فرهنګ لري او بیارغونه يې پيل شوې ده»
انځور: Azerbaijani Presidency/AA/picture alliance د هوايي ډګر د بنست ايښودولو مراسم الهام علي اوف له خپلې میرمنې او لور سره د شوشا د هوايي ډګر د بنسټ ايښودلو په مراسمو کې ګډون وکړ.
انځور: Azerbaijani Presidency/AA/picture alliance د آزربایجان لومړۍ میرمن په پوځي جامو کې د آذربایجان لومړۍ ميرمن، مهربان علیوا هم شوشا ښار ته په پوځي جامو کې تللې وه.
انځور: Azerbaijani Presidential Press Office/TASS/dpa/picture alliance ارمنستان د مسلمان هیوادونو دوست نشی کیدای علي اوف وویل، ارمنستان د اشغال پر وخت ۶۷ مسجدونه تخریب کړي دي: «ارمنستان د مسلمانو هیوادونو دوست کیدای نه شي. یو هیواد چې مسجدونه په داسې حالت راولي، نشي کیدای د مسلمانو هیوادونو دوست شي. د مسلمانو هیوادونو مشران څنګه کیدای شي د هغو کسانو دوستان وګرځي چې مسجدونه ورانوي؟»
انځور: Azerbaijani Presidential Press Office/dpa/picture alliance د آذربایجان ولسمشر د عزیز حاجي بیګف یا «حاجي بیف» له مجسمې د ښکاره کولو په مراسمو کې. حاجي بیف په ۱۹۱۸ او ۱۹۲۰ کې د آذربایجان د دموکراتيک جمهوریت د کورنيو چارو وزیر وو. هغه سندرې هم جوړولې او د آذربایجان ملي سرود يې هم جوړ کړی دی. عزيز حاجي بیګف لومړنی شرقي سندره جوړونکی وو چې د شوروي د خلق هنرمند مډال يې ګتلی وو.
انځور: picture alliance / AA د آذربايجان ولسمشر له خپلې میرمنې او لور سره په شوشا ښار کې د مرتضی رضا اوغلو چې په «بلبل» مشهور وو، له موزیمه هم لیدنه وکړه. اوغلو په ۱۹۰۷م کال کې په همدې کور کې د موسيقۍ زدکړې پيل کړې او بیا وروسته د ګنجه ښار ته وکوچيد.
انځور: picture alliance / AA د آذربایجان ولسمشر، میرمن او لور يې شوشا ښار ته د فضولي ښار له مواصلاتي لارې څخه هم لیدنه وکړه. دوی غواړي دغه لاره جوړه کړي. د دغې لارې جوړونکي شرکت ويلي دي چې دغه ۱۰۱.۵ کیلومتره سړک چې ۳۷.۷ متره سور به ولري، د رغولو چارې به په یونیم کال کې بشپړې شي.
انځور: Azerbaijani Presidential Press Office/TASS/dpa/picture alliance د ۳۵ کاله مخکې خاطرې تازه کول الهام علي اوف، شوشا ښار څخه د لیدلو پر مهال هغه ځای ته هم ولاړ او عکس يې په کې واخیست چې ۳۵ کاله مخکې يې پلار تللی وو او عکس يې په کې اخیستی وو. د الهام علي اوف پلار حیدر علی اوف د آذربایجان پخوانی ولسمشر وو.
انځور: picture alliance / AA د شوشا نفوس په ۲۰۲۰م کال کې څه باندې ۳۴ زره او ۷۰۰ وو، چې ۲۳ زره او ۹۰۰ یې په ښار او ۱۰ زره او ۸۰۰ یې د شوشا په کليو کې اوسیدل. د دغه ښار مساحت ۳۱۰ کيلومتره مربع دی.
انځور: Azerbaijani Presidency/AA/picture alliance
