د خوراکي موادو د اوبو په لگښت کي لومړی ځای کاکائو او قهوه لري. د کاکائو د هر کيلو توليد له پاره ۲۷ زره ليتره اوبو ته اړتيا ده. تر کاکائو وروسته بیا قهوه ده چې۲۱ زره لیتره اوبو ته اړتيا ده چي يو کيلو توليد سي. نو ځکه د هرې پيالې قهوې له پاره ۱۴۰ ليتره اوبه لګول شوي او په زړه پورې بيا دا ده چې په همدغه اندازه چاي له پاره یوازې ۱۵ ليتره اوبه لګول شوي.

د غوايي د هر کيلوګرام غوښې د توليد له پاره ۱۵ زره ۴۹۰ ليتره اوبو ته اړتیا ده. خو د غوايي غوښي په پرتله بيا د چرګ غوښه لږ اوبو ته اړتيا سته. د چرګ یو کيلو غوښي د تولید له پاره يوازي ۴ زره لیتره اوبو ته اړتیا سته.

دغه جوارو ته ورته غله کروي شکل لري. د دغي غلې د هر کيلوگرام توليد له پاره پنځه زره لیتره اوبه مصرفیږې.

په ۲۰۲۰م کال کې په نړۍ کې تر ۵۰۴ ميليونه ټنه زياتي وريجي توليد شوي دي. چين، هند، اندونيزيا او بنګله ديش په نړۍ کې تر ټولو زيات د وريجو توليدونکی دي. په آسیا کې د میلیاردونو انسانانو خوارکي توکی وریجې دي. د وريجو یو کیلو ګرام تولید، ۳ زره ۴۷۰ لتيره اوبو ته اړتیا لري.

که د چرګ هر کيلوګرام غوښې له پاره ۴ زره ليتره اوبو ته اړتیا وي، د چرگي د هر کيلو هګۍ د توليد له پاره ۳ زره ليتره اوبه مصرفيږي.

په غله جاتو کې نور ډير مصرفونکي غنم او اوربشې دي. د هر کیلو غنمو د تولید له پاره يو زرو ۴۷۰ لیتره اوبو ته اړتيا ده. اوربشې بيا يو څه لږ اوبو ته اړتيا لري. د يوه کيلو اوربشو د توليد له پاره ۱۳۰۰ لیتره اوبو ضرورت سته.

په حبوباتو کې تر ټولو زيات سویا (لوبيا ته ورته دانه) ډيري اوبه غواړي. په ۲۵۰۰ ليټره اوبو يو کيلو سويا توليديږي. تيرکال د سویا نړیوال تولید ۳۵ سلنه زیات شو او ۳۶۲ زره ۸۵۰ ټنه ته ورسید. برازیل، امريکا، ارجنټين او چین په نړۍ کې د سویا تر ټولو ستر توليدونکې دي.

د هر ليتر شيدو د توليد له پاره ۶۰۰ لیتره اوبو ته ضرورت دی. ۲۰۲۰م کال په نړۍ کي د غوا شیدو تولید ۵۳ اشياره ۵۳۹ ميليونه ټنه وو. په نړۍ کې د شيدو تر ټولو ډېر توليد په امريکا کي دی. آلمان بيا په اروپايي ټولنه کي لومړی دی.

د کېلې د يوه کیلو د تولید له پاره ۹۴۰ لیتره اوبو ته اړتیا ده. هند، چین، اندونیزيا، برازیل او اکوادور په نړۍ کې د کېلې په توليد کې تر ټولو ستر هيوادونه دي. په ټوليزه توګه په نړۍ کې ۱۱۰ ميليونه ټنه کيله توليديږې.

د هر کيلو شفتالو د توليد له پاره ۹۱۰ لیتره اوبو ته ضرورت شته. یو کيلو مڼې ۷۰۰ ليتره اوبو او یو کيلو لیمو۳۶۰ لیتره اوبو ته اړتیا لري.

بادرنګ تر ټولو زیات اوبو ته ضرورت لری. د هر کیلو بادرنګو د تولید له پاره ۳۵۰ ليتره اوبو ته اړتیا ده. ګازرې ۱۳۰ ليترو اوبو ته ضرورت لري او رومي بيا په ۱۱۰ ليتره اوبو مصرف سره تر ټولو لږ اوبو ته اړتيا لري.

د يو کيلو پيازو تولید ۲۸۰ لیتره اوبو ته اړتیا لري او کچالو بیا په کم مضرف سره د یو کیلوګرام تولید له پاره يې ۲۱۰ ليتره اوبو ته اړتیا ده.

د ځمکي توت يو کيلوګرام يې ۲۸۰ ليتر اوبو ته اړتيا لري.

د يو کيلوګرام کاهو توليد له پاره ۲۴۰ ليتره اوبه مصرفیږې.

د يو کيلو ګرام هندوانې تولید له پاره ۲۰۰ ليتره اوبو ته ضرورت دې. ډېر غذايي مواد په هيوادونو کي يوازي د صادراتو له پاره توليديږې. د صادرولو په پايله کې هر کيلو هندوانه د ۲۰۰ ليتره اوبو صادرولو په معنا هم ده.