د کیڼ اړخي پارلماني فراکسیون د پوښتنې په اړه د آلمان حکومت ځواب ته په کتلو سره معلومیږي چې د دغه هیواد محکمو په ۲۰۲۴م کال کې تر دې مخکې کلونو په پرتله د پناه غوښتونکو د رد کیدو په اړه لږ شمیر شکایتونه منلي دي.
په دې اساس یوازې ۱۸ سلنه د هغو پناه غوښتونکو چې په ۲۰۲۴م کال کې یې د کډوالو په چارو کې د آلمان فدرالي ادرې (BAMF) د پریکړې پر وړاندې شکایتونه کړي ول، مثبت ځواب ترلاسه کړی دی.
دا په داسې حال کې ده چې په ۲۰۲۳م کال کې محکمو د پناه غوښتنې د غوښتنلیکونو د رد په اړه د مهاجرت ادارې ۲۴،۴ سلنه پریکړې رد کړې وې. په ۲۰۲۲م کال کې بیا دغه رقم ۳۶،۵ سلنه و.
د شکایتونو د ردیدلو کچې زیاتوالی کیدای شي د مهاجرت په اداره کې د تصمیم نیونې بهیر د بهتره کیدو نخښه وي. دغه موضوع کیدای شي په دې پورې اړه ولري چې یاد بنسټ تیر کال، تر دې مخکې کال په پرتله د پنا غوښتني لږ شمیر نوي غوښتنلیکونه ارزولي دي؛ هغه کار چې کیدای شي د دوسیو دقیقې ارونې سره یې مرسته کړې وي.
په ۲۰۲۴م کال کې په مجموع کې په آلمان کې ۲۲۹۷۵۱ کسانو د لومړي ځل له پاره د پناه غوښتنلیکونه وړاندې کړي ول، سربیره پر دې ۲۱۱۹۴ دویم ځلي غوښتنلیکونه ثبت شوي دي. په دې اساس تر دې مخکې کال په پرتله د پناهندګۍ د نوو غوښتنلیکونو په شمیر کې ۳۰،۲ سلنه کموالی رامنځته شوی و.
د پام وړ سیمه ایز توپيرونه د مهاجرت د سیمه ایزو ادارو د دفترونو په پریکړو کې د پام وړ توپیر لیدل کیږي، د بیلګې په توګه په داسې حال کې چې د افغان پناه غوښتونکو د غوښتنلیکونو د منل کیدو مجموعي نرخ یا کچه تر ۹۰ سلنې لوړه وه، په ایزنهوتن شټاټ کې بیا دغه رقم یوازې ۶۰،۸ سلنه و.
له آلمان څخه د افغانانو د اخراج پروسه ـ انځوريزه کرونولوژي
له آلمان څخه د افغان مهاجرو ډليز اخراجونه وروسته له هغې پيل شوه چې افغانستان د ۲۰۱۶ کال د اکتوبر میاشتې په سر کې د بروکسل په غونډه کې د مهاجرت پر موضوع د اروپايي اتحاديې سره يوې هوکړې ته ورسيد. انځور: Imago/J. Heinrich د ۲۰۱۶ کال د اکتوبر مياشتې په لمړيو کې د بروکسل په غونډه کې افغانستان له اروپايي اتحاديې سره د مهاجرت پر موضوع يوې هوکړې ته ورسيدل، د دغې هوکړې له مخې د اروپايي اتحاديې غړو هيوادونو څخه افغانستان ته د رد شويو افغان مهاجرو د اخراج اسانه کړل شو.
انځور: Picture alliance/Zumapress/J. K. McCann د بروکسل د توافق له مخې، افغانستان دې ته حاضر شو چې د اروپايي اتحاديې د غړو هيوادونو لخوا رد شوي افغان مهاجر ومني.
انځور: Reuters./F. Lenoir د بروکسل په غونډه کې افغانستان د اروپايي اتحاديې لخوا مالي ملاتړ ترلاسه کړ، خو د بشر حقونو سازمانو پر دغې اتحاديې نيوکې وکړې چې دغه ملاتړ نبايد د مهاجرو له اخراج سره تړلي وي.
انځور: Reuters/F. Lenoir تر هوکړې وروسته د آلمان په مختلفو ښارونو کې د افغان مهاجرو د اخراج پر ضد ډیرې مظاهرې وشوي. افغان مهاجر او د هغو بهرني ملاتړي وايي چې افغانستان امن ندی.
انځور: E. Hadid آلمان څخه کابل ته د افغان مهاجرو لمړنی ډليز اخراج د ۲۰۱۶ کال په سپټامبر مياشت کې ترسره شو. په دغه پرواز کې ۳۸ تنه ردشوي افغان مهاجر کابل ته بيرته وليږدول شول.
انځور: Picture-Alliance/AP Photos/M. Hossaini آلمان څخه د رد شويو افغان مهاجرو دويم ډليز اخراج د ۲۰۱۷ کال په جنورۍ مياشت کې ترسره شو. په دا ځل پرواز کې ۲۶ تنه افغانان کابل ته اخراج شول.
انځور: Reuters/R. Orlowski که له ېوې خوا ډليز اخراجونه ترسره کيږي ورسره جوخت په ټول آلمان کې افغانانو ته دا حق ورکول کيږي چې د افغان مهاجرو د اخراج په ضد مظاهرې وکړي. په مظاهره کې يوازې افغانان نه بلکه آلمانان هم برخه اخلي. انځور په هامبورک ښار کې د مظاهرې يوه برخه.
انځور: DW/B. Rasin آلمان څخه د افغان رد شويو مهاجرو دريم ډليز اخراج د ۲۰۱۷ کال په فبرورۍ مياشت کې ترسره شو. په دې پرواز کې ۱۸ تنه افغانان کابل ته اخراج کړل شول.
انځور: picture-alliance/dpa/M. Jawad آلمان کې د مهاجرو ملاتړ کونکو او بشري سازمانونو په وار وار د افغان مهاجرو د اخراج ضد مظاهرو کې د افغانانو تر څنګ خپل اواز اوچت کړی دی. د آلمان ځيني ګوندونو هم د افغان مهاجرو له اخراج سره مخالفتونه ښکاره کړي دي. د بيلګې په توګه د ۲۰۱۷ کال په اپريل کې د آلمان د شلزويګ هولشتاين ايالت صدراعظم تروستن البیک د رد شويو افغان مهاجرو د اخراج بهير د درولو غوښتونکی شو.
انځور: picture-alliance/ZUMAPRESS.com/O. Messinger اخراج شوي مهاجر او راتلونکې افغانستان ته اخراج شوي افغان مهاجر ناهيلي ښکاره کوي. نور ايم رحمن له آلمان څخه په څلور پرواز کې کابل ته اخراج شو. د رحمن په څير اخراج شويو افغان مهاجرو لپاره تر ټولو ناهيلې کونکې خبره دا ده چې زيات وخت يې بې ګټي تير شوی دی. دوی له پاره په افغانستان کې له سره د نوی ژوند پيلول ګران کار بريښي.
انځور: Sirat آلمان څخه کابل ته د ردشويو افغان مهاجرو څلورم ډليز اخراج د ۲۰۱۷ کال په مارچ مياشت کې ترسره شو. په دغه ځل ۱۵ تنه افغانان اخراج شول.
انځور: picture-alliance/dap/M. Jawad په کابل ښار کې د آلمان سفارت مخته د می مياشتې په ۳۱ نيټه د موټر بم ستره چاودنه وشوه. په دغې چاودنه کې شاوخوا ۱۵۰ تنه ووژل شول. د آلمان سفارت ودانۍ هم سخته زيانمنه شوه. آلمان دا ځل د افغانانو پنځم ډليز اخراج وځنډاوه.
انځور: picture-alliance/dpa/C. Bruna کابل کې د ۲۰۱۷ کال د می مياشتې د ۳۱ مې بريد وروسته آلمان افغانستان ته د افغان مهاجرو اخراج د نامعلوم وخت لپاره ودراوه. دغه هيواد وپتيله چې د افغانستان د امنيتي وضعيت په اړه له سره کتنه وکړي. د مي ۳۱ بريد د آلمان سفارت مخته شوی وو چې دغه سفارت په کې سخت زيانمن شو.
انځور: Getty Images/AFP/S. Marai تر درو مياشتو ځنډ وروسته د اخراج لړۍ بيا پيل د رد شويو افغان مهاجرو وروستي ډلييز اخراج د ۲۰۱۷ کال د سپټمبر په ۱۲ نيټه د دوسلدورف له هوايي ډګر څخه ترسره شو. په دغه پرواز کې لږ تر لږه ۱۲ تنه افغانان کابل ته اخراج کړل شول. دا له هغه وخته چې آلمان حکومت د افغان مهاجرو اخراج تر يو نامعلوم وخت پورې درولی وو، لمړی ډليیز اخراج دی چې له دغه هيواده ترسره کیږي.
انځور: picture-alliance/dpa/B. Thissen کابل ته رسيدلی یو نوی رد شوی افغان مهاجر. دغه ځوان د ۲۰۱۷ کال د سپټمبر په ۱۳ يعنې په وروستي پرواز کې افغانستان ته اخراج شوی دی.
انځور: Getty Images/AFP/W. Kohsar اخراج د رايو ترلاسه کولو لپاره د آلمان د مهاجرو له حقونو څخه د ملاتړ ادارې مشر ګهونتر بورکهارت د افغان مهاجرو د وروستي اخراج په اړه د آلمان حکومت پر اعلان سختې نيوکې وکړې. بورکهارت ویلي وو چې هغوی ځکه د انتخاباتو څخه يوازې څو ورځې د مخه دغه کار کوي تر څو وښيي چې د اخراج په مسئله کې جدي دي او په دې ترتيب رايي ترلاسه کړي. سرچينې: آژانسونه، انځورنه د دويچه ویله له آرشیف څخه
انځور: Imago/J. Heinrich
د آلمان مرکزي حکومت دې توپیر ته په دې سیمه کې له افغانستان څخه د ښځینه پناه غوښتونکو له کمې ونډې سره نسبت ورکوي، خو د آلمان د کیڼ اړخي ګوند له نظره دغه توضیحات قناعت بخښونکي نه دي.
په داسې حال کې چې د ۹۸،۶ سلنه سومالیایي پناه غوښتونکو غوښتنلیکونه کوم چې د مونشن په دفتر کې ارزول شوي دي، یو نه یو ډول دولتي ملاتړ یې ترلاسه کړی دی، خو په ایزنهوتن شټاټ کې بیا دغه کچه د سومالیایي پناه غوښتونکو له پاره یوازې ۵۰ سلنه وه.
د آلمان په پارلمان (بونډسټاګ) کې د «دي لینکن» یا کین اړخي ګوند استازې کلارا بونګر، د دې تفاوت په غبرګون کې وویل: «غواړم پوه شم چې په ایزنهوتن شټاټ کې څه خبرې دي. د پناه غوښتنې د غوښتنلیکونو د ارزونې په اړه باید یو ډول امکانات موجود وي.»
د مهاجرت ادارې د کارمندانو په اړه جزیات د المان د حکومت په حواله په اوس وخت کې د مهاجرت په فدرالي اداره کې ۲۷۴۷ کارمندان د پناه غوښتنلیکو د دوسیو په ارزونې مصروفه دي.
له دې ډلې ۳۹۶ کارمندان د دوبلین د مقرراتو اړوندو دوسیو مسئول دي چې د اروپایي اتحادیې د قوانینو پر اساس، د پناه غوښتنلیکونه یې باید په نورو هیوادونو کې و ارزول شي.
سربیره پر دې ۱۱۷ کارمندان د پناه غوښتونکو پر لغوه شوو یا بیرته اخیستل شوو دوسیو کار کوي.
د پناهندګۍ وضعیت د لغوه کولو خبره په داسې یوه وخت کې مطرح کیږي چې په مبدا هیواد کې شرایط په اساسي ډول بدل شوي وي. همدارنګه د پناهندګۍ د بیرته اخیستلو ارزونه وروسته له هغې پيلیږي، چې پناهندګۍ د ناسمو معلوماتو پر اساس ورکړل شوې وي، د بیلګې په توګه کله چې د هویت په اړه د غلطو معلوماتو وړاندې کیدو په هکله اطلاعات ترلاسه شي.
This browser does not support the video element.
