1. محتوا ته تګ
  2. اصلي مینو ته تګ
  3. د دویچه ویله نورو پاڼو ته تګ

چیلي: د ځنگلونو په اورونو کي لږترلږه ۱۳ کسان مړه سوي

۱۴۰۱ بهمن ۱۵, شنبه

په ځنگلونو کي د سختې گرمۍ په نتیجه کي رامنځته سوي اورونو له کبله په چیلي کي حداقل ۱۳ کسه مړه سوي دي.

Chile | Waldbrände in Santa Juana
انځور: JAVIER TORRES/AFP

د چیلي د اضطراري حالت کمیټې پرون جمعه خبر ورکړی دی، چي یوازي د سانتا جوانا د منطقې په شاوخوا کي ۱۱ انسانان مړه سوي دي. سربیره پر دې د اورونو د وژلو پر وخت د یوه هيلیکوپتر د لویدو پروخت هم د هغه دوه کسه عمله وژل سوي دي. 
د رسمي ارقامو پر اساس حداقل ۲۰۰ اورونه لگیدلي دي، چي ۵۰ یې پرون جمعه لا تر کنټرول لاندي نه وه راغلي. د چهارشنبه راهیسي ۴۷۰۰۰ هکټاره مځکه او تر سلو کورونو اضافه د اور په لمبو کي سوځلي دي. تر دغو پيښو وروسته حکومت په هغو منطقو کي چي د اورلگیدني د سخت آفت سره مخامخ دي، اضطراري حالت اعلان کړی دی. 
د دغي گرمي څپې په نتیجه کي په تیرو ورځو کي حرارت د سانتي گراد ۴۰ درجو ته پورته سوی دی، چي دا بیا پخپل نوبت سره د اور وژني کار هم سختوي. 
 

د د دویچه ویله د ورځي موضوع له برخې تیريدل

د دویچه ویله د ورځي موضوع

د د دویچه ویله نور مطالب له برخې تیريدل