څه موده وړاندې یو افغان کډوال چې د آلمان په هامبورګ ښار ک یې د پناه غوښتنه رد شوې وه، یوې کلیسا ته یې پناه یوړه. خو آلماني چارواکو د نوموړي کلیسايي پناه غوښتنې ته د پای ټکی کیښود او هغه یې د ډوبلین د مقرراتو له مخې سویډن ته اخراج کړ.
آلماني چارواکو ویلي چې دغه افغان پناه غوښتونکی دوه اونۍ وروسته اوس بیرته آلمان ته رسیدلی دی. تر ټولو دمخه، د «هامبورګر مورګن پوست» په نامه یوې آلمانۍ ورځپاڼې د نوموړي په هکله راپور خپور کړ.
د آلمان په هامبورګ ښار کې د کډوالۍ او پناه غوښتنې ادارې ویلي چې دغه ۲۹ کلن ځوان د روان میلادي کال د اکتوبر میاشتې په نیمايي کې بیرته آلمانته را ګرځیدلی او دلته یې بیا ځلې د پناه غوښتنې هڅه کړې خو سمدلاسه توقیف شوی او اوسمهال د اخراج له پاره په یوه مرکز کې ساتل کیږي. یادې ادارې همدا راز زیاته کړې چې په نیږدې راتلونکې کې سویډن ته د نوموړي د اخراج په هکله چمتووالی ادامه لري.
د معلوماتو له مخې، دغه افغان پناه غوښتونکی د روان میلادي کال د سپتمبر میاشتې په ۳۰مه نیټه له آلمان څخه اخراج شوی وو او دا چې دا لومړی ځل وو چې د آلمان هامبورګ ښار د کلیسايي پناه غوښتنې یوې دوسیې ته هم د پای ټکی کیښود.په المان کې یو شمیر رد شوي کډوال د اخراج د مخنیوي له پاره کلیساګانو ته پناه وړي چې له کبله یې په آلمان کې کلیسا ګانې هم له انتقادونو سره مخامخ شوي دي.
د جرمني څخه د مهاجرو د اخراج مقررات څه ډول دي؟
د جرمني داخله وزیر د ۱۶ ایالتونو د کورنیو چارو د وزیرانو سره تریوه ویدیو کنفرانس وروسته اعلان وکړ، چي د جنورۍ له اولي څخه به د پناه غوښتني قضیو ته په کتو سره د اخراجیدو په هکله تصمیم نیول کیږي. نور جزيات دلته ولولئ:
انځور: picture-alliance/W. Rothermelد جرمني داخله وزارت وايي، چي د سوریایانو د اخراج د منع کیدو لایحه به تمدید نسي. داخله وزير هورست زېهوفر په دې تړاو مخکي هم څرګندونې کړي وې. خو منتقدین دا د پناه غوښتونکو څخه د ساتني بین المللي حقوقو خلاف بولي. د ویچه ویله دلته د دغي مسألې حقوقي اړخونو ته یوه کتنه کړې ده: هغه مقرره چي د ۲۰۱۲ م کال راهیسي په منظم ډول سره تمدیدیږي، په پام کي لري، چي سوریایان خپل هیواد ته د اخراج څخه وساتي.
په سوريه کي د امنيت نشته والی
په سوریه کي اوس هم جنګ دوام لري. دا په دې معنی ده، چي حتی رد سوي پناه غوښتونکي هم، د مجرمینو په شمول په جرمني کي پاته سي. منتقدین وايي، چي په سوریه کي هیڅ ډول امنیتي شرایط وجود نلري. خو داخله وزیر، هورست زیهوفر د ۱۶ ایالتونو د کورنیو چارو د وزیرانو سره تر یوه ویدیو کنفرانس وروسته اعلان وکړ، چي د جنورۍ میاشتي د اولي څخه به د پناه غوښتني قضیو ته په کتو سره د اخراجیدو په هکله تصمیم نیول کیږي.
ولي د اخراجیدو ممانعت لغؤ سو؟
په جرمني کي د هغو پناه غوښتونکي، چي رد سوي، او یا یې جرمونه کړي وي، (دولدونګ) یا د پاته کیدلو مؤقتي ویزه ورکول کیږي. خو ددغو کسانو پرضد همیشه د ښی اړخو افراطیانو لخوا اعتراضونه کیږي او تر ټولو دمخه د مسلمانانو پر ضد. د ۲۰۱۱ م کال راهیسي د سوریې جنګ، چي تر ۳۸۷ زره اضافه انسانان پکښي ووژل او په ملیونو کسان د وطن پریښولو ته مجبوره سول، ددې سبب سو، چي شکمن کسان هم په جرمني کي پاته سي.
د جرمني په داخله وزارت کي د ساختماني او هیواد ساتني چارو معین، هانس ګیورګ انګلکه پرون جمعه خبریالانو ته وویل:«هغه کسان چي جرمونه کوي او یا تروریسټي اهداف مخته وړي، زموږ دولت او خلګو ته تاوان رسوي او باید د جرمني څخه اخراج سي.» خو د زیهوفر د اظهاراتو پراساس د تقریبأ ۷۷۰ زرو سوریایانو څخه چي په دې وروستیو وختونو کي جرمني ته راغلي دي، فقط تقریبأ ۹۰ کسانو ته یې د خطرناکو کسانو په سترګه کتل کیږي.
د اخراج څخه انتظارات محدود دي
د کرونا دویروس په سبب د سفر پر محدودیتونو سربیره، سوریې ته په نورو دلایلو هم اخراج ممکن ندی: د نیدرساکسن ایالت داخله وزیر، بوریس پستوریس په دې باب وویل،«په سوریه کي هیڅ داسي مؤسسه وجود نلري، چي موږ د هغه سره ډیپلوماتیک روابط ولرو.»په دې دلیل هغه او سوسیال دموکراټ حزب یې سوریې ته د نه اخراج د قاعدې لغؤ کیدل رد او کوښښ یې وکړ، چي هغه د ۶ نورو میاشتو دپاره تمدید کړي.
د یوه رپوټ پراساس آلمان په ۲۰۱۹ م کال کي۲۲۰۰۰ تنه اخراج کړي دي. البانیا، نایجریا، ګرجستان، روسیه او صربستان د هغو هیوادو د جملې څخه وه، چي په همدغه کال کي یې هر یوه ته زر زر تنه اخراج سول. په همدغه وخت کي تقریبأ ۹۳۰ افغانان او ۸۶۰ عراقیان هم اخراج سوي دي. د رپوټ پر بنأ په ۲۰۱۹ م کال کي د اخراجیدو تقریبأ ۴۰ فیصده موارده د اروپا د اتحادیې نورو هیوادو لکه فرانسې او ایټالیا ته تر سره سوي دي.
هغه کسان نباید د جرمني څخه اخراج سي، چي په خپلو هیوادونو کي یې د جنګونو، تعقیب او یا ازار په دلیل ژوند ته خطر موجود وي. په دغه صورت کي د هغوی اخراج د اروپا د بشر د حقوقو د کنوانسیون څخه سرغړونه ده. دغه کنوانسیون د هغوکسانو اخراجیدل هم منع کوي، چي په خپلو هیوادونو کي د شکنجې سره مخامخ کیدلای سي.
دغه افغان پناه غوښتونکی د ډوبلین د مقرراتو په اساس له آلمان څخه اخراج شوی وو چې له مخې یې یو رد شوی کډوال له آلمان څخه بیرته هغه هیواد ته استول کیږي چې د پناه غوښتنې قضیې ته د رسیدګی مسوول یې وي.
په هامبورګ کې د دولتي ادارو د معلوماتو له مخې، دغه پناه غوښتونکی نهه کاله وړاندې له افغانستان څخه وتلی دی او لومړی یې په سویډن کې له خپلو خپلوانو سره ژوند کړی او بیا پهسویډن کې یې د پناه غوښتنې تر ردیدو وروسته، د روان میلادي کال په پسرلي کې آلمان ته ځان رسولی وو او دلته یې د پناه غوښتنه کړې وه.
د آلمان د پناه غوښتنې او کډوالۍ ادارې یا بامف د نوموړي د پناه غوښتنه رد کړې وه او ویلي یې ویل چې د ډوبلین د مقرراتو په اساس د نوموړي د پناه غوښتنې دوسیې ته د رسیدو مسوولیت ور په غاړه نه دی. تر هغه وروسته دغه پناه غوښتونکي د روان کال په اوړي کې په هامبورګ ښار کې یوې کلیسا ته پناه یوړه ترڅو د اخراج مخنیوی یې وشي.
آيا هغه افغانان چې جرمونه یې کړي باید له آلمان څخه اخراج شي؟
This browser does not support the video element.
