د سه شنبې په ورځ (د ۲۰۲۲م کال د مارچ په ۲۸مه) په آسترالیا کې د محکمې یوه قاضي د ضمانت په بدل کې د آسترالیا د ځانګړو ځواکونو د هغه سرتیري د آزدولو پریکړه کړې چې په افغانستان کې د یوه ملکي افغان وګړي د وژلو په تورن شوی وو. د محکمې قاضي د یادې پریکړې په هکله ویلي چې هغه په زندان کې د مسلمان تندلارو له لوري له خطر سره مخامخ کیدی شي.
د اولیفر شولز په نامه دغه ۴۱ کلن سرتیری د آسترالیا په سوت ویلز په یوه لیرې سیمه کې د تیرې اونۍ راهیسې د جنګي جرم او قتل له کبله په توقیف کې وو. د نوموړي مدافع وکیل فیلیپ بولټن، پرون د دوشنبې په ورځ (د ۲۰۲۳کال د مارچ پر ۲۷مه) د آسترالیا په سیډنې ښار کې د ضمانت درخواست وکړ او استدلال یې کړی چې د آسترالیا د هوايي ځانګړو ځواکونو د کنډک دغه پخوانی سرتیری په زندان کې د مسلمان سخت دریځو زندانیانو له لوري له خطر سره مخامخ کیدی شي او له همدې کبله باید له نورو زندانیانو جلا وساتل شي.
په افغانستان کې د لومړي ځل له پاره د ۲۰۰۱م کال د دسمبر پر لسمه استرالیايي سرتیري ځای پر ځای شول. انځور: Australian Defenses Forces/dpa/picture alliance بولټن وویل: «کله هم چې دغه کس زندان ته واچول شي، هغه ښايي په زندان کې له نورو زندانیانو سره ګډ وساتل شي، داسې زندانیان چې ښايي له طالبانو او یا د اسلامي دولت له ډلې سره خواخوږي ولري.» د محکمې قاضي جنیفر اتکینسون د اولیفر شولز ضمانت منلی دی او په زندان کې له احتمالي خطرونو سره یې موافقت ښوولی دی.
شولز د آسترالیا په ګولبرن کې چې د سیډنې جنوب ته په ۲۰۰ کیلومترۍ کې پروت دی، د لوړ امنیت لرونکي په یوه زندان کې ساتل کیدو. په استرالیا کې ګڼ شمیر خطرناک زندانیان او ترهګر په همدې زندان کې ساتل کیږي. پر شولز تور دی چې هغه احتمالاً د افغانستان په اروزګان ولایت کې د داد محمد په نامه یو ملکي کس په داسې حال کې چې د غنمو په پټي کې په ګونډو پروت وو او لاسونه یې هم پورته کړي وو، درې ډزه ویشتلی دی.
استراليا: په تیرو سلو کلونو کې تر ټولو خطرناک سيلابونه
په استرالیا کې داسې سيلابونه راغلي چې په تیرو سلونو کلونو کې يې ساری نه وو ليدل شوی. په ځينو سیمو کې کورنه نیمايي په اوبو کې ډوب شوي او سړکونه ورک دي. انځورنه يې وګورئ! انځور: Alex McNaught/REUTERS د استرالیا په ختيځ کې پروت، نوي سويلي ويلز ایالت کې د ډيرو ورښتونو رپوټونه ورکول کيږي. د دغه ایالت صدراعظمې، ګلديس برجیکلیان ويلي دي چې په سیمه کې يې په تیرو سلو کلونو کې داسې سيلابونه نه ول راغلي.
انځور: Saeed Khan/AFP/Getty Images امن سیمو ته د خلکو انتقال استرالیايي چارواکو رسنیو ته ويلي دي چې د دوشنبې ورځې له سهاره يې له سیلابه اغیزمنو سیمو څخه د خلکو د ايستلو عملیات پيل کړي چې تر اوسه پورې يې ۱۸ زره کسان امن ځایونو ته انتقال کړي دي.
انځور: Loren Elliott/REUTERS چارواکو د یاد ایالت ۱۷ سيمې د ځپل شوو سیمو په توګه يادې کړي دي. په دغو سیمو کې تر ۲۰۰ زيات ښوونځي تړل شوي او په زرونو اوسیدونکي يې امن سیمو ته لیږدول شوي دي.
انځور: Darren Pateman/AAP/dpa/picture alliance د يکشنبې په ورځ سيدني ښار ته څيرمه په دغه سیمه کې ځايي خلک د سيلاب نندارې ته رواتلي چې یو سړک يې لاندې کړی. چارواکو ويلي دي چې د دغه ښار په ځينو سیمو کې ډېر بارانونه شوي دي.
انځور: Loren Elliott/REUTERS د کرونا ويروس د واکسيناسیون پروسه د استراليا روغتيايي چارواکي وايي چې په سیدني او شاوخوا سیمو کې د شدیدو سيلابونو له کبله د کرونا واکسيناسیون پروګرام هم نه دی عملی شوی. په استرالیا کې همدا نن دوشنبه د مارچ ۲۲مه د کرونا ويروس ضد واکسیناسیون پروسې لومړنی پړاو پيليدونکی وو.
انځور: Alex McNaught/REUTERS د استرالیا د هوا پيژندې ادارې د هوا حالات د «انديښنې وړ» ښودلي، خو وايي چې د اوونۍ تر پايه به هوا بيرته ښه شي. تر اوسه د سیلابونو او ورښتونو له کبله د ځاني تلفاتو خبره نه ده شوې.
انځور: Mark Baker/AP Photo/picture alliance استرالیايي چارواکو «د ژوندانه د بالقوه ګواښ» څخه خبرداری ورکړی. چارواکي وايي چې د خلکو له خوا يې د مرستې په زرونو تيلفوني تماسونه ترلاسه کړي دي.
انځور: Alex McNaught/REUTERS په نوي سويلي ويلز ايالت کې ډېر سړکونه اوبو لاندې کړي. په ځينو برخو کې يوازې لوي موټرونه کولای شي تګ راتګ وکړي.
انځور: Mark Baker/AP Photo/picture alliance پارکونه هم اوبو لاندې کړي د سيدنې ښار شمال ته په ۱۲۰ کيلومترۍ کې دغه تفريحي پارک هم اوبو لاندې کړی دی. ويل شوي چې په دغې سیمه کې تر ۲۰۰ ميلي مترو پورې ورښتونه شوي دي.
انځور: Mark Baker/AP Photo/picture alliance په استرالیا کې اوسني سيلابونه په داسې حال کې راوتلي چې يو کال مخکې د دغه هیواد په ځنګلونو کې ستر اورونه لګیدلي وو چې ډېر وخت يې دوام درولود.
انځور: Alex McNaught/REUTERS
د دغې پیښې ویډیويي فیلم د شولز د خولۍ د کامرې په واسطه ثبت شوی چې په ۲۰۲۰م کال کې د استرالیايي خپرندويي شرکت له لوري خپور شوی وو او اوس دغه فلم د نوموړي د دوسیې برخه ګرځیدلې دی. د داد محمد پلار د آسترالیا دفاع وزارت ته بیا ویلي چې ځوی یې د سر په برخه کې په ډزو ویشتل شوی دی.
د استرالیا یادې محکمې د شولز د کورنۍ او د اوسیدو د ځای په هکله معلومات نه دي خپاره کړی. شولز په ۲۰۲۰م کال کې د آسترالیا د دفاعي ځواکونو له لیکو د روغتیايي دلایلو له کبله اخراج شو او د استرالیا د ځواکونو په ډله کې لومړنی سرتیری دی چې په آسترالیا کې د جنګي جرمونو په تور محکمه کیږي. که چیرته پر نوموړي دغه تور ثابت شي، هغه عمري بند ګواښي.
اسوشیتید پریس / خ.ح / ب.ص
