وزیر همدارنګه ویلي، چي « که دا ډول یو امکان برابر سي، نو بیا به موږ د هغه څخه استفاده وکړو او که بیا دا ممکنه نه وي، بیا به نو پر یوه بل الترناتیف باندي فکر وکړو.» په خبره یې ددې کار هدف دادی، چي د قاچاقبرانو کاروبار ورخراب او د مرکزي اروپا پر لور د مهاجرت د نوي څپې مخنیوی وکړو.
د کرونا ویروس له امله تر ټول بندیز وروسته اتریش له ګاونډیو هیوادونو سره خپل سرحدونه پرانیستلي دي. اوس وين یا ویانا ته سفر کول او د الپ غرونو د ښایسته منظرونو ننداره ممکنه ده.
د «شُؤن برون» ماڼۍ د پخواني اتریشي سلطنت یوه ښه نښه ده. دا د هانس بُرګ د پادشاهانو د دوبي استوګنځای وو. دا ودانۍ اوس یونیسکو د نړیوالو لرغونو میراثونو په لیست کې شامله کړې ده. هر کال ۳۷ سوه زره کسان له دې ودانۍ څخه لیدنه کوي.
انځور: picture-alliance/dpa/E. Wrba
د بیئر ګارډن سیمه
د وینا اوسیدونکي غواړي په دوبي کې شنو سیمو ته سفر وکړي. له دې ډلې څخه د وائن فیئرټل ښایسته او غریزه سیمه چې د شرابو د تولید له امله هم مشهوره ده د سیلانیانو پام ځانته را اړوي.
انځور: picture-alliance/dpa/P. Giovannini
بُرګین لنډ: له فطرت سره هم غږی
د اتریش ښکتنې برخه ډیره پراخه او میداني ده. دا سیمه بُرګین لنډ نومیږي او په دې ځای کې د نوئ زیډل جهیل د سمندر له سطحې څخه یوازې ۱۱۷ متره لوړوالی لري چې د اتریش تر ټولو ټیټه ساحه ده. دا جهیل هم سیلانیان ډیر خوښوي. په دې ځای کې یو ملي پارک دی چې چاپیریال یي محفوظ ساتل شوی دی.
انځور: picture-alliance/dpa/R. Haasmann
د منفرد طرز ودانۍ
د سټوریا ایالت په مرکز ګراس کې د عصري فنونو دغه شانداره نمونه په ۲۰۰۳ م کال کې افتتاح شوې ده. دغه ودانۍ د باروک په سبک جوړ شوې ده.
انځور: picture-alliance/dpa/J. Carlile
د اتریش لوړه ساحه، هالشټټ
هالشټټ د اتریش یوه داسې سیمه ده چې په نړیوال میراث کې شامل کړای شوې او سلګونو زره انځورونه یې اخیستل شوي دي. په دې ځای کې ۳۰۰۰ کاله پخوا د مالګې کانونه موجود ول. د هالشټټ ناحیه د یوه جهیل تر څنګ پرته ده.
انځور: picture-alliance/dpa/M. Siepmann
د موڅارت د موسیقۍ ښار: زالس برګ
د لویدیځ اتریش د زالس برګ ښار د ټيټ او لوړ خوښت له امله ځانګړی حیثیت لري. دا ښار د مشهور موسیقار موڅارت/موزارت د زیږیدو ځای هم دی. د غره په څوکه جوړه شوې د هوهین کلاء د زالس بُرګ یو شهکار دی. له دې ځایه د ښار ننداره ډیره په زړه پورې ده.
انځور: Tourismus Salzburg/G.Breitegger
د اتریش ۶۶ سړک
په اتریش کې د الپ د غرونو لړۍ د لوړې نقطې په طرف تلونکي سړک ته ۶۶ نمبر روډ ویل کیږي. پر دې سړک چې ۴۸ کیلومتره اوږدوالی لري سفر کول او د الپ غرونو له ښایسته منظرو څخه خوند اخیستل سړی ته بل ډول احساس ورکوي. دا سړک په ګراسکلو کنر کې پای ته رسیږي. دا د اتریش تر ټولو لوړ ځای دی چې د سمندر له سطحې څخه ۳۷۹۸ متره لوړوالی لري.
انځور: picture-alliance/dpa/F. Waldhäusl
د فورارل کیسه
د دې اتریشي سیمې په کیسو کې د «بیرګنز والډ» پنیر تر ټولو خوندور پنیر بلل شوي دي. د پسرلي په موسم کې سیلانیان کولی شي په دې سیمه کې د عنعنوي کروندو او همدارنګه د غرونو په لمن کې د ګلانو له طبیعي ښلاء څخه خوند واخلي.
