دا چې روسيه د امريکا، چين، فرانسې او بريتانيا ترڅنګ د ملګرو ملتونو د امنيت شورا له دايمي غړو څخه ده نو له همدې کبله بېربوک وويل چې دې ته په کتلو سره «دا اوس په رښتيا ډېر حساس پړاو دی چې که د يوه هيواد له خوا يرغلګره جګړه پر مخ وړل کیږي نو موږ یې باید پر ضد د قانوني لارې غبرګون وښييو او هغه خلک باید سره راټول کړو چې پر جګړه نه بلکې د قانون پر حاکميت باور لري.»
بېربوک د چين له خوا د متوجې «خطر کمولو» د امريکايي تګلارې په اړه د آلمان دريځ هم روښانه کړ او ویې ويل چې آلمان په دې مسئله کې د امريکا دريځ ته ورته «درک لري.»
هغې وویل: «د چين په تړاو دا تګلاره نه د امريکا په اړه ده او نه هم د چين په اړه. دا زموږ په هکله ده، زموږ اروپايانو په اړه، دا چې موږ څرنګه لا پسې انعطاف پذیره کیدلای شو او څرنګه د خپل دې انحصار څخه آزادېدلای شو چې تر اوسه یې پر چين لرو.»
د آلمان دې لوړپوړې ديپلوماتې دا دليل هم راوړ چې په چين کې په دې وروستيو کلونو کې ډېر تغيرات رامنځته شوي دي چې ورته په کتلو اروپا هم اړتيا لري د چين په تړاو خپله تګلاره بدله کړي.
هغې زياته کړه: «د نړیوالتوب په دې دور کې موږ له يو بل څخه جلا نه شو پاتیدلای او موږ دا څه غواړو هم نه. موږ چې څه غواړو هغه له خطرونو د ځان ساتل دي، له همدې کبله ځان ته متوجې خطرونه د امکان تر حده راکم کړئ.»
ټوله حقوق او ازادي گاني د نړئ دټولو انسانانو دپاره یو ډول اعتبار لري، بیله د هغوی د نژاد،د پوست رنگ، جنسیت، ژبي،دین، سیاسي او یا نورو جهان بینیو ،ملي او یا اجتماعي منشأ ، سرمایې، دزیږیدو ځای او نورو وضعیتونو څخه.
انځور: Getty Images/AFP/J. Samad
دریمه، څلورمه، پنځمه ماده: دژوندانه او ازدۍ حق
«هر څوک په خپل ژوندانه کي د ازادۍ او شخصي امنیت حق لري.(دریمه ماده)
«هیڅوک باید په غلامۍ او بندگۍ کي ونه ساتل سي.»(څلرمه ماده) «هیڅوک نباید د شکنجې یا بد رفتار،غیر انساني او یا تحقیر آمیزه عمل او یا جزأ سره مخامخ سي.» (پنځمه ماده)
انځور: NDR
د۶ څخه تر ۱۲ مادې پوري: د قوانینو په مقابل کي مساوات او برابري
«هرڅوک د عادلانه محاکمې او قانوني حمایې حق لري.((شپږمه، اتمه، ۱۰، ۱۲ماده) او «تر هغو پوري چي یې جرم ثابت سوئ نه وي، بېگناه بلل کیږي.»(۱۱ ماده)،« ټوله انسانان د قانون په مقابل کي مساوي دي» (۷ ماده)،«هیڅوک اجازه نلري، چي په ظالمانه ډول ونیول ، بندي او یا تبعید سي.»(۹ ماده)
انځور: Getty Images
دیارلسمه، ۱۴، ۱۵ ماده: هیڅوک غیرقانوني ندی
«هرڅوک حق لري د یوه هیواد په داخل کي په ازادانه ډول سفر وکړي او هرځای چي غواړي د خپل اقامت او اوسیدو ځای تعین کړي.«هر څوک حق لري د هر هیواد څخه ووزي.»(۱۳ ماده)،«هرڅوک حق لري په نورو هيوادو کي د سیاسي تعقیب له کبله پناهندگي ورکړي او ورڅخه مستفید سي.«۱۴ ماده)،«هرڅوک د تابعیت حق لري.»(۱۵ ماده)
انځور: picture-alliance/AP Photo/V. Ghirda
۱۶ ماده: د جبري واده څخه ساتنه
نارینه اوښځي تر وداه دمخه او وروسته سره مساوي حقوق لري. واده «یوازي د ازادي او ناحدودي مشترکي ارادې او توافق پراساس باندي تر سره کیدلای سي. جوړي سوي دغه کورنۍ د جامعې او دولت د حمایې حق لري.»
انځور: picture-alliance/AP Photo/K.M. Chaudary
۱۷ ماده: د ملکیت حق
«هرڅوک دشخصي او یا نورو سره په شراکت د ملکیت حق لري.»( ۱۷ ماده،اوله فقره)،«د هیچا څخه په جابرانه ډول سره د ملکیت د اخیستلو او سلبولو اجازه نسته.» ( ۱۷ ماده،دوهمه فقره)
انځور: Reuters/S. Keith
۱۸، ۱۹،۲۰ ماده: د آزادي عقیدې حق
«هرڅوک د آزاد فکر، وجدان او دین حق لري.» ۱۸ ماده،«هرڅوک د آزادي عقیدې او بیان حق لري.» ۱۹ ماده،« ټول انسانان حق لري په مسالمت آمیزه ډول اجتماع وکړي او په جریانونو کي شامل سي.» ۲۰ ماده
انځور: picture-alliance/dpa/S. Suna
۲۱،۲۲ماده: د مشارکت حق
« هرڅوک حق لري د خپل هیواد په عمومي اداره کي په مستقیم او یا غیرمستقیم ډول د خپلو ازادو انتخاب سوو وکیلانو د لاري شرکت وکړي.» ۲۱ ماده،« هرڅوک د «اجتماعي امنیت» حق لري. همدارنگه د اقتصادي، اجتماعي او کلتوري حقونو خاوند دی، چي دکرامت او حیثیت پخاطر یې ورڅخه انصراف نسي کیدلای.» ۲۲ ماده
انځور: DW/N. Sul d'Angola
۲۳،۲۴ ماده: د کار حق
« هرڅوک اجازه لري کار وکړي.»،« هرڅوک د مساوي کار په مقابل کي د مساوي معاش حق لري.»،« هرڅوک چي کارکوي د عادلانه او منصفانه معاش مستحق دی.»،«او اجازه لري په یوه اتحادیه کي شامل سي.» ۲۳ ماده،« هرڅوک د رخصتۍ حق لري.» ۲۴ ماده
انځور: picture-alliance/dpa/J. Stratenschulte
۲۵ ماده:یو شرافتمندانه ژوند
« هرڅوک دداسي یوه معیاري ژوندانه حق لري، چي دده او کورنۍ صحت او سلامتیا یې تضمین کړي، د هغې جملې څخه غذا، لباس، کور، طبي پالنه او اجتماعي خدمات ضروري دي.»،«میندي او اولادونه یې د خاص مراقبت او حمایې مستحق دي.»
انځور: Reuters/T. Negeri
۲۶ ماده: د تعلیم حق
«هرڅوک د تعلیم او تربیې حق لري» «ابتدايي مکتب باید دټولو دپاره جبري او مفت وي.»،«تعلیم او تحصیل باید د انسان د شخصیت د تکمیلیدو سره کومک وکړي او د بشر حقوقو ته په احترام باندي تمرکز ولري.»
انځور: DW/D. Pundy
۲۷ ماده: د علم او هنر حق
«هرڅوک حق لري د جامعې په کلتوري ژوندانه کي آزادانه برخه واخلي، د هنر څخه برخه من سي او په علمي پرمختگونو کي شرکت وکړي.»،« د هرچا د«علمي،ادبي او هنري آثارو د تألیف او ترجمې قانوني حمایه باید وسي.» نن ورځ بیا دډيرو ډیجیتلي آثارو نشریدل شخړه ایزدي.
انځور: picture-alliance/dpa/S. Hoppe
۲۸،۲۹،۳۰ ماده: غیرقابل تقسیم حقونه
«هرڅوک د اجتماعي او بين امللي نظم حق لري، چي په هغه کي حقوق او ازادي گاني په مکمل ډول تأمینیدلای سي.» ۲۸ ماده،«هرڅوک د ټولني په مقابل کي مکلفیتونه او وظایف لري.» ۲۹ ماده،« هیڅ دولت، ډله او یا شخص اجازه نلري، داسي کار تر سره کړي، چي د ټولني عمومي حقوق او ازادي گاني محدودي کړي.»
