سپينې ماڼۍ د ۳۷ کسانو نوملړ خپور کړی چې اوس وخت د امریکا د فدرال قانون له مخې د مرګ پر سزا محکوم شوي دي.
بایډن چې په دوامدره توګه له اعدام سره ښکاره مخالف پاتې شوی، وویل: «تېروتنه ونه کړئ. زه دغه قاتلان محکوموم، د دوی د نفرته ډکو کړنو قربانیانو ته خپه یم او د ټولو کورنیو له پاره چې د نه تصور او نه جبران زیانونه ېې زغملي، دردمند یم.»
بایدن زیاته کړه: «زه د بل هر وخت په پرتله ډېر په دې باور یم چې موږ باید د اعدام سزا د فدرال په سطحه ودروو.»
په امریکا کې د بایدن تر ملاتړ لاندې د اعدامونو د توقف قانوني مهلت د ۲۰۲۱م کال جولای راهیسې پر خپل ځای پاته دی.
۸۲ کلن دموکراټ جو بايډن په خپلو خبرو کې وويل: «زه تر شا کېدای نشم او اجازه ورکوم چې نوې ادارې هم زما په څېر اعدامونه درولي وساتي.»
د جو بایدن ځای ناستی، جمهوري غوښتونکی دونالد ترمپ بیا مخالف دی. هغه چې په پام کې ده د جنوري په ۲۰مه رسما د امریکا د ولسمشر په توګه خپله کاري دوره پيل کړي، د مرګ د سزا سرسخته ملاتړی دی. داسې ارزول کيږي چې هغه به د بایدن دغه قانوني مهلت ته د پای ټکی کيږدي.
د امریکا متحده ایالاتو جمهور رئیس د ایالتي قوانینو له مخې نشي کولی هغه افراد چې د اعدام پر سزا محکوم شوي وي، وبخښي چې د امریکا د مرګ سزا د معلوماتو مرکز په حواله شمېر ېې له ۲۰۰۰ ډېر دی.
له آرشیف څخه یو انځوریز البوم (08.11.2020):
انځورونه: د بايدن د بريا تر اعلان وروسته د امريکا واټونه
د امريکا او نړۍ خلک د امريکا د انتخاباتو د نتایجو اعلان ته په انتظار کې ول. دغه انتظار د شنبې په ورځ (د نومبر ۶مه) پای ته ورسيده. د جو بايدن د بريا تر اعلان وروسته، د هغه او د دونالد ترمپ پلويان د ښار واټونو ته راووتل.
انځور: Andrew Kelly/REUTERSپه ويلمينګون کې جو بايدن او کاملا هريس د خپلې بريا تر اعلان وروسته د امريکا خلک يووالي ته راووبلل.
د امريکا په انتخاباتو کې د جو بايدن د بريا اعلان
وروسته له هغې چې د جو بایدن د بريا اعلان خپور شو، خلک د ښارونو واټونو ته راووتل. دلته اولارندو دی. د بايدن پلويان.
د امريکا په انتخاباتو کې د جوبایدن د بريا اعلان
ویل شوي چې ۳۰ سلنه خلک ترمپ سره د مخالفت درلودلو له کبله د راي ورکولو مرکزونو ته تللي ول او بايدن ته رايې ورکړي دي.
وړاندوينه کيږي چې د بايدن ټولې راېې له ۷۵ ميليونو څخه هم واوړي. دا ډول انتخاباتي پایله د امريکا په تاريخ کې سابقه نه لري.
دموکراټانو تقریبا د امريکا په اکثريت لويو ښارونو کې د رايو اکثريت ګټلي دي. دلته په شيکاګو کې د بايدن پلويان په ښار کې د ترمپ پر وړاندې د هغه بريا لمانځي.
په واشنګتن کې هم خلک د بايدن د بريا تر اعلان وروسته واټونو ته راووتل. ټول خلک د «سي ان ان» او «اسوشتيد پریس» له خوا د پايلو اعلان ته په انتظار کې ول.
په پنسلوانيا ایالت کې هم د بايدن رايې ډيرې شوې. په دغه ښار کې هم د بايدن پلويان خوښ دي.
فيلادلفيا ښار د بايدن په بريا کې رول درلود. د دغه ښار په ګډون د امريکا په اکثرو لويو ښارونو کې خلکو د بايدن په ګټه راېې ورکړې.
ترمپ او په انتخاباتو کې ېې ماته
ترمپ حتی د انتخاباتو د پايلو تر اعلان وروسته هم خپله ماته نه منله. خو په اصل کې د امريکا انتخاباتو د دغه هیواد د خلکو په برخليک کې بدلون راوست. ترمپ پر ټويټر يو ځل بيا د خپلې بريا اعلان وکړ. دلته لاس انجلس دی.
امریکا په دوو برخو ويشل شوې. د ترمپ د ولسمشرۍ په دوره کې دغه درز نور هم ژور شو. خو د شنبې ورځې د انتخاباتو د پايلو اعلان د امريکا ښارونو ته نوې څيره ورکړه. دلته فيلادلفيا ده او خلک خوشالي کوي.
د جو بايدن د بريا تر اعلان وروسته، د دونالد ترمپ پلويان هم ښارونو ته راووتل، خو دوی د اعتراض په بڼه راووتل او په انتخاباتو کې ېې د درغليو خبرې کولې.
د ترمپ يو شمير پلويان د ترمپ له خوا د هغه د بريا له اعلان څخه ملاتړ کوي. دوی د «انتخاباتو په نتايجو کې د غلاو» څخه خبرې کوي. که څه هم په اريزونا ایالت کې بايدن ډيرې راېې ګټلې، خو د ترمپ پلویان هم راوتلي وو.
د ترمپ پلويان د «قانون او نظم» او همدارنګه د هغه د حکومت د بهرني سیاست څخه دفاع کوي. دلته په ميلواکي کې د ترمپ يو شمير پلويان ادعا کوي چې بايدن د چين یوه مهره ده.
د ترمپ پلويان مختلفي څيرې لري. د مذهبي ځواکونو څخه نيولې تر ښې اړخي افراطي ډلو پورې. دلته د «قهرجنو وايکينګانو» په نوم يوه ډله ليدل کيږي. دا د پنسلوانيا ایالت د هاريسبرګ ښار دی. همدا د پنسلوانيا ايالت وو چې بايدن ېې بريا ته ورساوه.
