د متحده ایالاتو ولسمشر ویلي دي چې افغانستان اوس باید په خپله د طالبانو په مقابل کې وجنګیږي. بایدن دغه خبره داسې مهال کړې چې د امریکايي قواوو وتلو پروسه مخ په بشپړیدو ده او طالبان د پرمختک په حال کې دي.
انځور: Susan Walsh/AP Photo/picture alliance
اعلان
بایدن د سه شنبې په ورځ وويل: «هغوی [افغانان] باید د خپل ځان له پاره وجنګیږي، د خپل ملت له پاره وجنګیږي.»
د آلمان خبري آژانس له واشنګټن څخه لیکلي چې بايدن وويل چې د افغانستان حکومت امنيتي ځواکونه هم د شمير او هم د ځواک له پلوه پر طالبانو قوي دي . هغه زياته کړه: »خو هغوی [افغان ځواکونه] بايد د جنګيدو اراده ولري.«
نوموړي دا څرګندونې په داسې حال کې کړي دي چې د طالبانو له خوا د افغانستان د اتم ولايت د نيولو ادعاوې کیږي.
جو بايډن په افغانستان کي د امنیتي وضعیت پر خرابیدو سربیره بیا هم له دغه هیواد څخه د امریکایی ځواکونو له وتلو څخه دفاع کوي.
په دې ترڅ کي طالبانو د بغلان په نیولو سره اتم ولایت هم په ډیر لږ وخت کي ترخپل کنترول لاندې راوسته. واشنگټن پوست ته یوه کارپوه چي له نوي پوځي حالت سره آشنا دی، ویلي چي دا هر څه پر غلط لور روان دي.
جو بایدن د سه شنبه په ورځ له لیري څخه له افغان حکومت څخه غوښتنه وکړه چي سره یوځای سي . هغه په واضح ډول وویل چي :»زما په فکر هغوی اوس کرار کرارپه دې پوهیږي چي د دولت په سیاسي رهبرۍ کي باید سره یوځای سي.«
بایدن ژمنه وکړه چي امریکا متحده ایالات به بیا هم له افغان امنیتي ځواکونو څخه هم له مالي او هم له نظامي لحاظه ملاتړ وکړي. هغه ته هره ورځ له حالاتو څخه خبرورکول کیږي.
په دې ترڅ کي ددغو ځواکونو وتل ۹۵ سلنه بشپړ سوي دي.همدارنگه آلماني او د ناټو نورو سرتیرو هم افغانستان پری ایښی دی.
د می په سر کي د بهرنیو ځواکونو د ایستلو د پیل راهیسي طالبان د ډیرو سیمو پر نیولو بریالي سوي. طالبانو له ۱۹۹۶ م څخه بیا په ۲۰۰۱ کال کي د امریکا تر مشرې لاندي د ناټو تر مداخلې وروسته ټول افغانستان تر خپل کنترول لاندي درلود.
»کابل به ډیر ژر سقوط وکړي«
د یوې ورځپاڼي د رپوټ له مخي، په افغانستان کي د وسله والو طالبانو چټک پرمختگ ته په کتو سره، ښایي پلازمینه کابل هم تر هغه لا ژر د طالبانو په لاس کي ولویږي، لکه څنگه چي یې امریکا متحده ایالاتو گومان کاوه.
د واشنگټن پوست ورځپاڼي د سه شنبه په ورځ د امریکا په استخباراتو کي د یوې سرچیني په حواله چې نوم یې نه دی اخیستل سوی، رپوټ ورکړی چي د کابل نیول ښایي د ۳۰ تر ۹۰ ورځو په ترڅ کي ترسره سي.
د جون په میاشت کي لا د امریکا متحده ایالاتو د استخباراتو کارکوونکو دا اټکل کړی وو چي کابل به د امریکایي ځواکونو تر وتلو وروسته د شپږو او ۱۲ میاشتو په ترڅ کي د طالبانو تر کنترول لاندي راوستل سي.
GP/BS/AG
په هرات کي څه تیریږي؟
د هرات په اطرافو کي د ګذرې او انجیل پر ولسوالیو باندي د طالبانو د حملو تر ډیریدو وروسته د ځانګړي ځواک په سلونو کسان دغه ولایت ته تللي او تصفیوي عملیات شروع سوي دي. نور حال په دغه انځوریز البوم کې:
انځور: Shoaib Tanha/DW
په هرات کي څه تیریږي؟
محلي چارواکو اعلان کړی دی، چي د هرات په مختلفو برخو کي د امنیتي او ولسي ځواکونو ګډ عملیات دوام لري. دهغوی په خبره د افغانستان د هوايي قواوو د حملو په نتیجه کي طالبان د هرات د غربي برخي څخه وتلي دي.
انځور: Shoaib Tanha/DW
د هرات په جنګ کي د اسماعیل خان حضور
په هرات کي د طالبانو د حملو تر ډیریدو وروسته د جهاد د پخواني قوماندان اسماعیل خان په مشرۍ ولسي حرکت شروع سوی دی. د مالان پر پله باندي د طالبانو تر حملې وروسته د اسماعیل خان قواوي د جبهې اول خط ته تللي دي. ځیني معتقد دي، چي په جنګ کي د جهاد د وخت د دغه قوماندان حضور د هرات د خلګو او امنیتي قواوو د روحيې د تقویه کیدو سبب سوی دی.
انځور: DW
د ښار په شاوخوا کي د جنګونو شدت
طالبانو د هرات د ۱۳ ولسوالیو تر نیولو وروسته خپلي حملې د انجیل او ګذرې او هم د ښار پر شاوخوا باندي ډیري کړي دي. د دغو حملو په نتیجه کي طالبانو د انجیل او ګذرې ولسوالیو سره په اته کیلومترۍ کي څو امنیتي پوستې سقوط کړې او دامنیتي قواوو یو تعداد کسان يې مړه او زخمیان کړل.
انځور: Shoaib Tanha/DW
د ملګرو ملتو پردفتر باندي د حملې په مقابل کي عکس العملونه
په هرات کي د ملګرو ملتونو د سازمان پر دفترباندي حملې هم په داخل او هم خارج کي سخت عکس العملونه د ځانه سره درلودل. د هغې جملې څخه د ملګرو ملتو عمومي منشي هم دغه حمله وغندله او د عاملینو د پیژندلو او محاکمه کیدلو غوښتنه یې وکړه. د افغانستان د بشر د حقوقو کمیسون په خبره دغه حمله د جنګي جنایت په قطار کي راځي.