د امریکا د بهرنیو چارو وزیر انتوني بلینکن د جمعې په ورځ (د جون ۱۶) هغه راپورونه رد کړل چې ګواکې واشنګټن او تهران د ایران د اټومي پروګرام د محدودولو او په دغه هېواد کې د نیول سویو امریکايي اتباعو د خوشې کولو په اړه موافقې ته نږدې سوي دي.

د فرانسې خبري آژانس د راپور له مخې، بلینکن د عمان له لارې د غیر مستقیمو خبرو اترو په اړه د یوې پوښتنې په ځواب کې وویل: «د ایران په اړه، ځینې راپورونه چې موږ د اټومي مسئلې او یا د بندیانو په اړه د موافقې په اړه لیدلي، سم نه دي او حقیقت نه لري.»

د دوشنبې په ورځ (د جون په ۱۲مه) د اسلامي جمهوریت چارواکو وویل چې ایران د عمان د سلطنت له لارې له امریکا سره غیر مستقیم مذاکرات کوي او اټومي مسایل، د امریکا بندیزونه او د امریکا زندانونه د دغو خبرو اترو موضوعات دي.

اړوند مطالب:ايران : د بحران څخه دوتلو پخاطر اُميدواري

په دې هکله داسې راپورونه خپاره سول چې دواړه لوري، چې له کلونو راهیسې یې مستقیمې خبرې نه دي کړي، یوې هوکړې ته نږدې سوي دي.

د ایران د بهرنیو چارو وزارت ویاند ناصر کنعانی د دوشنبې په ورځ وویل اسلامي جمهوریت د عمانی چارواکو د هلو ځلو هرکلی کوي او د دغه منځګړي له لارې یې له بل لوري سره د امریکا د بندیزونو د لیرې کولو په هکله پیغامونه تبادله کړي دي.

هغه په ​​دې باندې په ټینګار سره چې دغه خبرې اترې محرمې نه وې، زیاته کړه چې ایران هیڅکله د ډیپلوماتیک بهیر مخه نه ده نیولې.

په همدې حال کې د ایران د ملي امنیت عالي شورا ته نږدې «نورنیوز» خبري سایټ هم یوې موافقې ته د رسیدو د احتمال په اړه وروستي راپورونه «ترسره کول» بللي دي.

د اسلامی جمهوریت د ین رسنۍ لیکی: «د امریکې د رسنیو په نویو خبرونو کښې ترټولو مهمه موضوع د هغو رپوټونو له محتوا څخه زیاته ده چې له ایران سره د ډیپلوماسۍ د دوام په هکله د واشنګټن د پخوانیو ادعاګانو پټول دي. زموږ په هېواد کې د تېر مني له کړکېچونو وروسته خبرونه د تهران او واشنګټن د نويو موافقو په اړه دي.»

اړوند مطاللب:امريکا غواړی له ايران سره مخامخ خبرې وکړی

د اسلامي جمهوریت چارواکي په دغه هیواد کې د حکومت ضد مظاهرې یو بل فساد بولي او مظاهره کوونکي بلواګران بولي.

په تیرو دوو کلونو کې، د امریکا د ولسمشر جوبایډن هڅه کړې وه چې د اټومي موافقه بیا ژوندۍ کړي ترڅو د تهران د اټومي پروګرام د محدودولو په بدل کې د امریکا بندیزونه لیرې کړي.

ص.ذ / ن.ص