د پاکستان پولیسو د یکشنبې (د جنورۍ میاشتې ۱۱ نیټه) په ورځ خبر ورکړی چې د پاکستان په پلازمېنه اسلام اباد کې په یوه کور کې د واده د مراسمو پر مهال د ګازو کپسول یا ډبې چاودنې په نتیجه کې لږ تر لږه اته کسان، چې ناوې او زوم هم پکې شامل دي، وژل شوي او اووه نور ټپیان کړي دي.د چاودنې په نتیجه کې د کور یوه برخه هم نړیدلې ده .
د اسلام آباد د پولیسو په یوه بیان کې ویل شوي چې دا چاودنه د ښار په مرکزي برخه کې په یوه استوګنیزه سیمه کې شوې ده او چارواکي د دې ګاز ډبې د چاودنې د علت څېړنه کوي .
هغه همدارنګه روغتیايي چارواکو ته لارښوونه کړې چې ډاډ ترلاسه کړي ټپیان تر ټولو ښه ممکنه درملنه ترلاسه کوي.
ډېری پاکستاني کورنۍ د ګازو د انتقال په ښاري پایپونو کې د طبیعي ګاز د ټیټ فشار له امله، پر غیرمعیاري کپسولونو یا ګازي ډبو باندې تکیه کوي، چې پکې د پخلي او یا کورونو د ګرمولو له پاره له مایع ګازو څخه کار اخیستل کیږي.
دا بالونونه تر دې وړاندې هم په پاکستان کې د ګازو د لیک کیدو او چاودنو له امله د خونړیو پېښو سبب شوي دي.
د کویټې چاودنه؛ هر خوا ته مړي، وینه او اوښکې
د پاکستان په کویټه کې یوې چاودنې ۷۰ تنه ووژل او ۱۲۰ تنه نور یې ټپیان کړل. چاودنه د یوه روغتون مخې ته وشوه. د برید پړه د داعش او جماعت الاحرار ډلو پر غاړه اخیستې. انځور: Getty Images/AFP/B. Khan د چاودنې په پایله کې د وژل شویو کسانو په ډله کې ډیر شمیر وکیلان هم شامل دي. د پیښې د قربانیان خپلوان د روغتون مخې ته راټول شوي دي.
انځور: Getty Images/AFP/B. Khan د برید پړه د داعش ډلې منلې ده. خو تر دې ډلې څو ساعته مخکې په پاکستان کې فعالې بلې ترهګرې ډلې جماعت الاحرار هم د دغه برید مسوولیت منلی وو.
انځور: Getty Images/AFP/B. Khan د پاکستان لومړي وزیر نواز شریف دغه برید په کلکو ټکو غندلې ده او ویلي یې دي چې د وکیلانو او خبریالانو د ساتنې له پاره دې ژر تر ژره امنیتي تدابیر زیات کړل شي.
انځور: Reuters/Naseer Ahmed د بلوچستان د کورنیو چارو ایالتي وزیر سرفراز بګتی، تر چاودنې وروسته خبریالانو ته وویل چې په دغه برید کې د وکیلانو او په نښه کولو هڅې شوې ده.
انځور: Getty Images/AFP/B. Khan تر دغې وژونکې چاودنې وروسته د کویټې په ټولو روغتونو کې بیړنۍ حالت اعلان شو. د چاودنې له کبله رامنځ ته شوې مرګژوبله ډیره لوړه ده.
انځور: Reuters/N. Ahmed پولیسو ویلي دي چې چاودنه هغه وخت رامنځ ته شوه چې د کویټې سول روغتون مخې ته ډیر شمیر وکیلان د همدې ورځې په پیل کې د یوه بل وکل د وژل کیدو پر ضد اعتراض په توګه راټول شوي وو.
انځور: Getty Images/AFP/B. Khan چاودنې ۷۰ تنه وژلي چې په ډیر شمیر وکیلان هم شامل دي. چاودنې ۱۲۰ تنه نور ټپیان کړي هم دي.
انځور: Getty Images/AFP/B. Khan تر چاودنې وروسته امنیتي ځواکونه سیمې ته ورسیدل. لومړنۍ څیړنې ښيي چې انفجار د یوه ځانمرګي برید له کبله رامنځ ته شوی دی.
انځور: Getty Images/AFP/B. Khan
