د اورلګېدنې دغه پېښه د حیدرآباد ښار د چارمنار يادښت تاریخي ودانۍ ته نژدې رامنځ ته شوې ده.
ځايي رسنیو ویلي چې د پېښې له ځايه یو شمېر کسان چې په سخت روغتيايي وضعیت کې وو، روغتونونو ته رسول شوي دي. دغو کسانو ويلي چې د دغه ساختمان په لاندني پوړ کې د زیوراتو یوه مغازه وه او پاسنۍ برخه ېې د هستوګنې د کورونو له پاره کارول کېده.
د هندوستان د حیدراباد ایالتي وزیر ګې کیشن ریډي، د پېښې په ځای کې خبریالانو ته وویل: «دغه پېښه په سرکټ کې د شارټۍ له کبله رامنځ ته شوې چې له کبله یې ګڼ کسان مړه دي.»
د اورلګېدنې دغه پېښه د حیدرآباد ښار د چارمنار يادښت تاریخي ودانۍ ته نژدې رامنځ ته شوې دهانځور: Julien Delfosse/DPPI/picture alliance زیاته شوې چې د پېښې په تړاو نور جزئيات به وروسته ورکړل شي.
د هندوستان صدراعظم، نریندرا مودي، پر اکس شبکه ليکلي چې پر هغو کسانو چې «په دغه پېښه کې ېې خپل ژوند له لاسه ورکړی د زړه له تله خپه شوی.» مودي د پېښې د قربانیانو له کورنيو سره د مالي مرستې امر کړی دی.
په هندوستان کې په ساختمانونو کې د اورلګېدنې پېښې او د ساختمانونو نړېدل معمول دي چې چارواکي ېې لامل د ودانیو خراب ساختماني وضعیت او د خوندیتوب لازم قوانینو نه شتون او د اوسېدونکو بې پروايي ښودل کیږي.
آرشیف:
اقليمي بدلون؛ پاکستان کې تودوخه له ۵۰ درجو اوښتې
د پاکستان په يو شمير سيمو کې د حرارت درجه له ۵۰ سانتي ګراد اوښتې او مېندوارو ښځو، ماشومانو او د پاخه عمر کسانو ته د احتیاط سپارښتنه شوې. کارپوهان د تودوخې لوړې درجې، سېلابونو او نورو طبیعي پېښو یو لامل اقلیمي بدلون ښيي.
انځور: Shakeel Ahmad/AA/picture allianceد پاکستان هوا پيژندنې ادارې دوشنبه د ۲۰۲۴م کال د می ۲۷مه اعلان وکړ چې د سيند په موهنجو دارو کې چې د نړۍ له سترو لرغونو ښارونو څخه يو دی، د حرارت درجه د سانتیګراد په کچه ۵۳ ته پورته شوې ده.
مېندواره مېرمنو ته خبرداری
د پاکستان حکومت خبرداری ورکړی چې په نهایت ګرمې هوا کې مېندواره مېرمنې، ماشومان او زاړه افراد تر ټولو ډېر له خطر سره مخامخ وي.
د پاکستان حکومت د ګرمې هوا له کبله د ښوونځیو د تړلو او د آزموینو د تعویق ته اچولو امر کړی دی.
پاکستان همدارنګه په روغتونو کې بېړنی حالت اعلان کړی او په زرونو موقتي کمپونو يې چمتو کړي دي.
د نورو ګرمو څپو وړاندوینه
د پاکستان د اقليم بدلون وزارت په جون مېاشتې کې هم د تودښې دوو نورو څپو وړاندوينه کړې چې لا ډېرې سېمې به وځپي.
پاکستان په وروستیو کلونو کې سېلابونو هم سخت ځپلی دی. هرکال د پاکستان په سېلابونو کې په سلونو کسان خپل ژوند له لاسه ورکوي.
په دې وروستیو ورځو کې د افغانستان په مختلفو ولایتونو کې سېلابونو په سلهاوو کسان وژلي او درانه زیانونه ېې اړولي دي. بغلان، سرپل او غور ولایتونو کې تر ټولو ډېر زیانونه اوښتي.
هند او بنګله دیش کې سایکلون رمال
د ۲۰۲۴م کال د می ۲۷مې رپوټونو په حواله د رمال په نوم سايکلون يا طوفان په بنګله دیش کې ۱۶ کسان وژلي. دغه طوفان په مجموع کې ۳ اعشاریه ۷۵ میلیونه خلک اغیزمن کړي دي.
په لسونو زره کورونه تخریب شوي
د بنګله دیش حکومت اعلان ويلي چې دې طوفان یوازې په دغه هېواد کې ۳۵ زره او ۴۸۳ کورونه له منځه وړي او ۱۱۵زه او ۹۹۲ کورونه ېې تخریب کړي دی.
رپوټونه وايي په بنګله دیش کې د رمال سایکلون يا طوفان د سمندر څپې راپورته کړې چې له کبله ېې ښارونه سیلابونو لاندې کړي دي.
په هندوستان کې سایکلون رمال لږ تر لږه ۶ کسان وژلي. رپوټونه وايي طوفان د سمندر څپې راپورته کړې چې له کبله ېې ښارونه سیلابونو لاندې کړي دي. انځور د هندوستان د کلکتې ښار دی.
د ټایلند حکومت هم په وروستیو کې اعلان وکړ چې په ټولو سېمو کې د حرارت درجه لوړه شوې او په ځانګړې توګه ناروغانو ته ېې سپارښتنه کړې وه چې له کورونو بهر ونه وځي.
د ګرمې هوا نه علاوه په سړې هوا او ورښتونو کې هم بې نظمي ليدل کيږي. د روان کال د اپريل په ۲۱مه د آلمان په یو شمېر سيمو کې سړې څپې چلېدلې او په ځينو سېمو کې درنه واوره وورېده.
