د کاناډا د مهاجرینو د چارو وزیر، مارکو میډیچینو په اوټاوا کي د یوه مطبوعاتي کنفرانس پر مهال وویل، چي « د افغانستان وضعیت غم انګیزه دی او کاناډا به په بې تفاوتۍ سره ورته ونه ګوري.»
په خبره یې کاناډا به تر ټولو دمخه هغه افغانان ومني، چي د خطر سره مخامخ وي. که هغوی د هیواد په دننه او یا همسایه هیوادو کي ژوند کوي.
د میډیچینو په حواله د کاناډا د قبلولو پیشنهاد تر ټولو دمخه د هغو ښځو دپاره چي په رهبري کونکي کي موقف کي قرار لري، حکومتي عالي رتبه مامورینو، د بشر د حقوقو د فعالینو، ژورنالسټانو او د اقلیتونو هغو کسانو دپاره اعتبار ولري، چي تر تعقیب لاندي وي.
انځور: Gulabuddin Amiri/AP Photo/picture alliance میډیچینو همدارنګه وویل، چي همدااوس د افغانستان څخه د مهاجرو د راانتقالو پخاطر یو تعداد طیارو پرواز کړی دی. د کاناډا د حکومتي منابعو په حواله په دغو طیارو کي به په کابل کي د دغه هیواد د سفارت پرسونل هم راانتقال سي. د دې کار دپاره به د کاناډا ځانګړي ځواکونه وګمارل سي. خو د کاناډا حکومت په افغانستان کي د سخت امنیتي حالت په باب جزییات ورنکړل.
د کاناډا خارجه وزیر، مارک ګارنو ویلي، چي« د کاناډا د سفارت او پرسونل ساتنه زموږ د تر ټولو مهمو لومړیتوبونو څخه ده.» هغه پخپل تویتر کي هغو افغانانو ته په اشارې سره لیکلي دي، چي هیواد یې ورڅخه«منندوی» دی او اطمینان یې ورکړ، چي کاناډا به خپل ټول کوښښ وکړي، چي هغوی د امنیت ځایونو ته انتقال کړي.»
آ./م.ق./ا.ا.
کونړ کې جګړو ډیرې کورنۍ بې ځایه کړي
د کونړ د غازي آباد او ناړۍ ولسوالیو څخه په سلونو کورنۍ بې ځایه شوي دي. هغوی تر شنه آسمان لاندې ورځې او شپې سبا کوي.
انځور: Omid Deedar/DWد کونړ اړونده چارواکي وایي چې تر غازي آباد وروسته له ناړۍ څخه هم د خلکو د تیښتې لړۍ ادامه لري. دغه دواړي ولسوالۍ په وروستیو کې طالبانو ونیولې.
د چارواکو په خبره، تر اوسه پنځه زره کورنۍ د جګړو له امله خپلو کورونو پریښودو ته اړ شوي دي. د دغو کورنیو څخه یې ځینې ننګرهار ولایت ته تللي دي.
ملګرو ملتونو د ۲۰۲۰م کال په یوه رپوټ کې ویلي ول چې په جنګي سیمو کې د ماشومانو پر وړاندې تاوتریخوالی زیات شوی او افغانستان د ماشومانو له پاره د نړۍ یو له خطرناکو هیوادونو څخه بلل شوی وو.
د کډوالو له پاره کوم مشخص ځایونه نشته او په مارکیټونو، هدیرو، پارکونو او بیلا بیلو ځایونو کې یې اړولي دي.
کډوال په یوه ناخواله وضعیت کې ژوند تیرولو ته اړ دي. د ناړۍ یو کډوال وایي چې ډک کورونه یې پریښي دي او تر اوسه ورسره حکومت کومه مرسته هم نه ده کړې.
له طبیعي پيښو سره د مبارزې ریاست چارواکي وایي چې له کډوالو سره یې د ځینو خوراکي او غیر خوراکي توکو مرستې کړي او دا لړۍ به ادامه ومومي.
دا انديښنه هم شته که چیرې جګړه نورو ولسوالیو ته وغځیږي نو ښایي د بې ځایه شوو کسانو شمیر نور هم زیات شي.
یوه بې ځایه شوې کورنۍ د ولې پر غاړه د ونې سیوري ته اړولي دي. د دوبي په موسم کې ښځې، ماشومان او زاړه خلک له سخت حالت سره مخامخ دي.
