کاریتاس: په افغانستان کې د ښځو پر ژوند فشار لا ډېر شوی
۱۴۰۳ شهریور ۲۳, جمعه
د کاريتاس انترنشنل سازمان د معلوماتو پر اساس، په افغانستان کې پر ښځو فشارونه په ځانګړې توګه د طالبانو د «امربالمعروف قانون» له اجرايي کېدو سره هم مهاله ډېر شوي دي.
مېرمن هنریک پيترمن، چې د کاریتاس د افغانستان په څانګه کې سلاکاره او اوس په کابل کې د دغه سازمان مسئوله ده، د جمعې په ورځ ېې کاتولیک خبري آژانس (KNA) ته وويل: «موږ تر دې دمخه فکر کاوه چې نور به پر ښځو شرایط تر دې نه بد کيږي، خو په پرله پسې توګه بدتره کیږي. اوس ښځې مجبوره دي چې خپل ټول بدن وپوښي. هغوی نور بايد په عام مظهر کې په لوړ غږ خبرې و نه کړي، د امر بالمعروف ځيني مسئولین ښايي دا د خبرو د بشپړ ممنوعیت په توګه تفسیر کړي.»
د طالبانو دغه نوی قانون د اګست میاشتې په وروستیو کې خپور شو. بيترمين ويلي دي چې افغان ښځې تر آزار او اذیت لاندې نيول کيږي او له عامه نظره څنډي ته وښکل کيږي. د هغهې په خبره «د ښځو ۹۰ تر ۹۵ سلنې ورځنی ژوند د کورونو د چاردېوالۍ په منځ کې تېريږي.»
مېرمن بيترمن وايي، کاريتاس انترنیشنل د یو مرستندوی سازمان په توګه سیاسي ناپېلۍ ته ژمن دی، خو له طالبانو سره د اړيکو پرېکون له وضعیت سره کومه مرسته نه شي کولی. هغې زیاته کړه: «که موږ غواړو چې دغه هېواد یو څه بدلون وکړي، مطمئنا چې له حاکمانو په بشپړه فاصلې نيولو سره نه به ور و نه رسيږو.»
دغه کارپوهه په نژدې راتلونکې کې د وضعیت د ښه کېدو کومې نخښې نښانې نه ويني: «په کومه اندازه چې زه د افغانستان ښځو له پاره د یو متفاوت څه هيله لرم، په اوس وخت کې ورته د هېلې کوم څرک نه وینم.»
هغې ويلي دي چې کاریتاس به تر هغه وخت پورې چې امکان يې وي خپلو بشردوستانه پروژو او رواني-ټولنیز او طبي خدماتو ته له خپلو ښځينه کارمندانو سره ادامه ورکوي: «موږ غواړو د پاتې فرصتونو په لټه کې واوسو چې ښځي وشي کړی له هغو سره په ژوند کې مشارکت ولري.»
مېرمن بيترمن دا هم ويلي دي چې په افغانستان کې د ایران په څېر د ښځو د اعتراضي غورځنګونو رامنځ ته کېدل هم نشته. د هغې په آند، «طالبان ځواکمن دي او هېڅکله به ېې د رژيم پر وړاندې يو قوي غورځنګ نه وي.»
کاريتاس انترنشنل په عین وخت کې د آلمان له خلکو څخه غوښتي دي چې افغانستان هېر نه کړي. دغه سازمان ويلي دي چې د وضعیت په هکله د معلوماتو تر لاسه کول، د بېلګې په توګه په آلمان کې د تبعيد شوو فعالانو له طریقه مهمه دی. د هغې په خبره، دغه افغانان کولی شي په آلمان کې بحثونه تنظیم او ځينې وخت په افغانستان کې له ښځو سره د مرستو په موخه شخصي تماسونه ولري.
(KNA)mks/nz pa/af