د چېن جنګې الوتکو او بېړيو د يکشنبې په ورځ داسې پوځي تمرينات وکړل لکه پر تايوان چې بريد کوي. د چین له لوري د «مشترکې تورې» تر عنوان لاندې پوځي تمريناتو په دويمه ورځ هم ادامه لرلې.
تايوان د چين د تمريناتو پر وخت خپل عسکرو د تيارسئ حالت ته راوستليانځور: Taiwan's Ministry of National Defense/AFP
اعلان
د چېن نظامي تمرينات د تايپې له خوا غندل شوي او واشنګټن ويلي دي چې چين بايد تحمل وکړي. واشنګټن ويلي دي چې «د بيجينګ اقدامات له نژدې څخه څاري.» د چين پوځ ويلي دي چې د «مشترکې تورې» په نوم درې ورځني تمرينات به تر دوشنبې پورې ادامه ولري. په وينا يې په دغو تمريناتو کې د تايوان د راچاپېر کولو تمرين هم شامل دی.
د تايوان ولسمشرې تسای اينګ وېن په فوري توګه دغه تمرينات وغندل. د چين له لورې دا تمرينات د اينګ وېن له خوا په کاليفورنيا کې د متحده ايالاتو د پارلمان د رئيس کېوين مېک کارتي سره د ملاقات وروسته تر سره کيږي.
د امريکا د متحده ايالاتو د باندنيو چارو د وزارت وياندې وويل چې اينګ وېن د استبدادي پراخونې پر ضد «د متحده ايالاتو او نورو همنظره هيوادونو » پر همکارۍ ټينګار وکړ. د دغې وياندې په وينا د امریکا متحده ايالاتو تل پر دې ټينګار کړی دی چې له تحمل څخه بايد کار واخيستل شي او بايد چې په شته توازن بايد له منځه نه يووړل شي. خو هغې پر دې ټينګار وکړ چې متحده ايالات په آسيا کې د خپلو امنيتي تعهداتو د پوره کولو لپاره په کافي اندازه امکانات لري.
د امريکا متحده ايالات په قصد سره دې سوال ته غبرګې معنی لرونکی جواب وايي چې ايا له تايوان څخه به په پوځي توګه دفاع وکړي که نه. دا د هغه باوجوده چې متحده ايالات له لسيزو راهيسي پر تايبې وسلې پلورلي دي چې هغه وکولای شي خپله دفاعي وړتيا زياته کړي.
