د فرانسوي چارواکو او پوځ په حواله د جمعې په ماښام او د شنبې په ورځ ژغورل شوي مهاجر د فرانسې خاورې ته انتقال شوي او هلته ورته رسیدګي او پالنه یې شوې ده.
یوازې د یوې زیانمنې شوې کښتۍ شاوخوا ۵۰ کسان د فرانسې د سمندري ځواکونو د یوې کښتۍ په وسیله د کالې بندر ته انتقال شوي دي. د فرانسې د سمندري ځواکونو یوې بلې کښتۍ بیا ۳۱ تنه پناه غوښتونکي له سمندري بیړني حالت څخه تر ژغورنې وروسته د بولون بندر ته انتقال کړي دي.
د فرانسې د ساحلي ګارد او د فرانسې د سمندري ژغورنې سازمان SNSM په دوو عملیاتو کې په مجموع کې ۸۵ تنه ژغورل شوي دي.
لندن غواړي د خارجي محصلینو د راتگ زمینه محدوده کړي
په یوه بله پيښه کې د یونان ساحلي ګارد د شنبې په ورځ اعلان وکړ چې یوه کوچنۍ کښتۍ چې ۳۵ تنه مهاجر په کې سپاره ول د توپاني هوا له کبله په ساحل کې له تیږو سره جنګیدلې ده. په دې په کې یو ماشوم خپل ژوند له لاسه ورکړی دی او پاتې کسان ژغورل شوي دي.
له ځنګل کمپ څخه پاريس ته او بيا ...
د فرانسې په کاله کې پولیسو لخوا د «ځنګل» موقت کمپ له ورانيدو وروسته، په زرونو مهاجر پلازمينه پاریس راوړل شول. خو لا هم زیات شمير مهاجر غواړي بيرته کاله ته ولاړ شي تر څو له هغه ځایه بريتانيا ته تللي وي.
انځور: Reuters/C. Platiau پاریس کې د مهاجرو د خيمو غورځول
د فرانسې پولیسو د پاریس ښار د ستالينګراد ميترو ستيشن ته نژدې د پياده روونو پر سر د مهاجرو درول شوې خيمې او د خوب لپاره هوارې کړل شوې دوشکې او بیسترې ټولې کړې. د کالې کمپ له ورانيډو وروسته پاريس کې د مهاجرو شمير تر ۳۰۰۰ پورې لوړ شو.
دا به د کمپ د پاک کارۍ وروستی ځل وي؟
مهاجرې ښځې په سړه هوا کې بسونو ته ولاړې دي تر څو یې د فرانسې ښار بلې سيمې ته د مهاجرو د پزيرش مرکز ته رسولي وي. په پاريس کې د مهاجرو کمپ په وروستيو مياشتو کې هم دوه ځله پاک کاري شوی وو. د پزيرش مرکزونه به په راتلونکې کې د موقتي کمپونو د جوړيدو مخنيوي وکړي.
په زرونو هغه مهاجر چې د «ځنګل» کمپ تر ورانيدو وروسته د فرانسې پلازمينې پاریس ته راغلي، په دې هيله دي چې بيرته کالي ته ولاړ شي، تر څو له هغه ځايه بريتانيا ته تللي وي.
د فرانسې حکومت لخوا په کالې کې د مهاجرو کمپ تر ويجاړيدو وروسته، یو شمير مهاجرو د پاريس ښار په کوڅو کې خپلې خيمې ودرولې. له همدې کبله اوس د فرانسې په کوڅو کې د مهاجرو شمير زیات شوی دی.
کوم مهاجر چې تيرکال فرانسې ته رسيدلي ول، اکثره یې د افغانستان، عراق، اريتيريا او سوډان هيوادونو څخه دي. دوي غالباً هڅې کړي تر څو د لاريو او نوور وسايطو په ذريعه د بريتانيا پر لور وتښتي.
يوه ډله ځوان مهاجر په کاله کې «ځنګل» کمپ ته نژدې ولاړ دي. د اکتوبر میاشت په ۲۶ مه، کله چې پوليسو له کمپ څخه د شاوخوا ۱۰ زره مهاجرو د وښکلو کار پیل کړ، کمپ ميشتو په اعتراض کې اورونو بل کړل.
مهاجر له کالې څخه د وتلو په حال کې
د فرانسې د کالې په «ځنګل» نومې کمپ کې شاوخوا لس زره مهاجر په دې اميد ميشت ول چې بريتانيا ته به ځي. چارواکو د فرانسې نورو سيمو ته د دغو مهاجرو د انتقال پر وخت هڅې وکړې، تر څو يې د اعتراضاتو د پيښيدو څخه مخنيوی کړی وي.
دا په کاله کې د «ځنګل» کمپ یوه برخه ده. په دغه کمپ کې مهاجر په ناپاکه کانتينرونو او خيمو کې په بد حالت کې ژوند کاوه. دغو خيمو د باد او لمر په مقابل کې ډیر کم مقاومت لاره.
د فرانسې ولسمشر فرانسوا اولاند وویل چې نور به څوک پرې نښودل شي چې د کالې د مهاجرو په کمپ کې له سره میشت شي. د «ځنګل»کمپ په اروپا کې د مهاجرو د بحران د سمبول په توګه بدل شو.
همدا د تیرې چهارشنبې په ورځ د فرانسې او بریتانیې ترمنځ په انګلیس کانال کې د مهاجرو د یوې کښتۍ د ډوبیدو په پيښه کې لږ تر لږه ۴ تنو خپل ژوند له لاسه ورکړی و.
د روان کال له پيل راهیسې نږدې ۴۵ زره مهاجر په کوچنیو کښتو کې په دې خطرناکې لارې له فرانسې څخه بریتانیې ته اوښتي دي. دا رقم د تیر کال د همدې مودې په پرتله د پام وړ زیاتوالی ښیې. تیر کال تر دې وخته شاوخوا ۳۰ زره پناه غوښتونکي په همدې کانال بریتانیې ته اوښتي ول.
د اوکراین جنګ؛ بریتانیا ته بې حده ډېر مهاجرین ورغلي
د برینانیې حکومت غواړي چې له انګلیس کانال څخه د مهاجرو د پټې یا غیر قانوني تیریدنې د مخنیوي په خاطر نوی قانون تصویب کړي.
د نورو تر څنګ د پلان شوو اقداماتو له مخې به هغه پناه غوښتونکي چې په دې لاره ځانونه بریتانیې ته رسوي، په عمومي ډول په دغه هیواد کې د پناهندګۍ حق ونه لري.
آژانسونه: ش.ن/ ن.ص
