د جمعې په ورځ خپور سوي یوه رپوټ له مخي، د جرمني د دفاع وزارت یوه ویاند د آ.آر.ډې تلویزیون ته ویلي دي: «تر اپریل وروسته د ناټو ماموریت اوږدیدل، کیدای سي زموږ د سرتیرو له پاره د خطر سبب سي.»
په امنیتي کړیو کي ویل کیږي چي دا کار کیدای سي ددې سبب سي چي مزارشریف ته د آلماني قرارگاوو د ساتلو له پاره نور جنګي تجهیزات هم واستول سي.
ددې کار علت په افغانستان کي د ناټو ځواکونو ماموریت د پای ته رسیدو په هکله له سره فکر کول دي، لکه څنګه چي مخکي پلان سوي ول، د اپریل تر پایه باید عملي سي.
خو تر اوسه پوري په دې اړه کومه سیاسي پریکړه نه ده سوې. په اوس وخت کي هر څه په واشنګټن پوري تړلي. هلته باید نوی حکومت پریکړه وکړي چي آیا یو کال مخکي له طالبانو سره به د خارجي ځواکونو د ایستلو په اړه رامنځته سوي تفاهم ته ادامه ورکړي او که څنګه.
په اوس وخت کي درې امکانات موجود دي: د اپریل تر پایه د ځواکونو وتل، یا ددغه ماموریت اوږدیدل. که هغه د طالبانو په موافقه وي او که نه وي. طالبانو وختی لا اعلان کړی، که په افغانستان کي ځای پر ځای سوي خارجي ځواکونه د می تر میاشتي پوري و نه وزي، نو خپله مبارزې او جهاد ته به ادامه ورکړي.
د جرمني د آزاد دیموکرات ګوند ویاندي، ماري اګنیس شتراک څیمرمن د آ.آر.ډې رسنۍ سره په خبرو کي وویل: «د آلمان پوځ باید امنیتي وضعیت ته په کتو سره دا په پام کي ولري چي ښايي حالت ددوي له پاره ډیر خطرناکه سي.» همدارنګه د ناټو له پاره هم ورته خطر موجود دی.
د آ.آر.ډې د مرکزي سټودیو د معلوماتو له مخي راتلونکې اونۍ به د ناټو ۳۰ سفیران سره راټول سي، تر څو په دې اړه خبري وکړي چي د نړیوالو ځواکونو د امنیت ساتلو له پاره کوم تدابیر په نظر کي ونیول سي. د فبرورۍ پر ۱۷مه او ۱۸مه بیا د ناټو د غړوهیوادونو د دفاع د وزیرانو غونډه پلان سوې ده.
د سوسیال دیموکرات ګوند سیاسي ویاندي، سیمتي میولر بيا له افغانستانه په چټکۍ سره د ځواکونو د ایستلو څخه خبرداری ورکړی.
AG/G.P/N.Z
د آلمان په پارلمان کې د آزاد دیموکراتانو د ګوند فرکسیون له حکومت څخه غوښتي دي چې د هغو حیواناتو د استفادې ډول او شمیر په اړه معلومات ورکړي چې د دغه هیواد پوځ ترې ګټه اخلي. حکومت په دې اړه ارقام وړاندې کړي دي.
انځور: picture-alliance/dpa/W. Minichد آلماني پوځ، ګمرکي ادارو او د پولیسو د ماموریتونو په چوکاټ کې له شاوخوا زرو سپو څخه استفاده کیږي.
له دې جملې څخه ۴۲۰ سپې يي د پولیسو په اختیار کې دي.
له ۲۵۰ سپو څخه د آلماني پوځ په خپلو مختلفو ماموریتونو کې استفاده کوي.
د ټول آلمان په کچه د ګمرک مامورین له ۳۴۰ سپو څخه استفاده کوي
له آلمان څخه دباندې په مالي او افغانستان هیوادونو کې هم دوه سپیان د آلماني پوځ د ماموریت په چوکاټ کې خدمت کوي.
آلماني پوځ له درې نسله سپو څخه په خپلو ماموریتونو کې استفاده کوي چې عبارت دي له آلماني شپانه سپي، بلجیمي شپانه سپي(د لیوه ذات) او لابرادور رتریو څخه.
آلمان په بهرنیو ماموریتونو کې له یوه بل سپي څخه هم استفاده کوي. دا سپی د «فرونټکس» یا د اروپایي اتحادیي د بهرنیو سرحدونو د ساتنې ماموریت په چوکاټ کې په یونان کې فعالیت کوي.
خو د آلمان د ګمرک مامورين له ۱۸ مختلفو نژادونو له سپو څخه په خپلو ماموریتونو کې استفاده کوي. له جک روسل څخه نیولی بیا تر «تری یر» پورې.
د حفاظتي ماموریتونو له پاره له هغو سپو څخه کار اخیستل کیږي چې لوې جسامت ولري. د لابرادور سپي د تجسسي او یا مخدره موادو او نقدو پيستو د پیدا کولو ماموریت په غاړه لري.
په عین وخت کې آلماني پوځ په خپلو ماموریتونو کې له موش خورما یا غټ موږکانو څخه هم استفاده کوي. په دې رپوټ کې د دوی دقیق شمیر نه دی ښودل شوی.
خو دغه موش خرما یا موږکان چې د آلماني په ماموریتونو کې ترې استفاده کیده نامناسبه بلل شوي دي.
په دې رپوټ کې ویل شوي دي چې د چاودیدونکو موادو د موندنې په موخه د دوی کارونه اغیزمن نه دي.
د آلمان حکومت د آزاد دیموکراتانو د پارلماني فرکسیون د پوښتنې په ځواب کې ویلی دي چې آلماني پوځ اوس هم په خپلو ماموریتونو کې له قچرو څخه د حمل و نقل د وسیلې په توګه استفاده کوي.
آلماني پولیس په خپلو ماموریتونو کې له اسونو څخه استفاده کوي. هیڅ یو له دغو دریو ادارو څخه نور له مچیو، وحشي خنځیرانو او الوتونکو څخه په خپلو ماموریتونو کې استفاده نه کوي. هغه حیوانات چې اوس هم ترې په یو شمیر هیوادونو کې استفاده کیږي
