د ۲۰۲۰م کال په اکتوبر کې پر عمره باندې لګول شوي محدوديتونه یو څه بیرته لرې کړل شول چې له مخې يې په ورځ ۴ زره کسانو ته د عمرې کولو اجازه ورکول کیده.
دویچه وله ا/م.ک.ص./ن.ز.
پر ورته موضوع زموږ له آرشيف څخه يو انځوريز البوم:
د يو څو زرو کسانو حج
په عادي حالت کي په ميليونو مسلمانان هرکال پر کعبې شريفې باندي طواف کوي. سږکال يوازي د يوه آنلايني بهير له لاري انتخاب سوي يو څو زره کسان اجازه لري د حج مراسم ترسره کړي. هغه هم ترسختو شرايطو لاندي.
انځور: Getty Images/AFP
په کعبه شريفه کي تياری نيول
د سه شنبې تر ورځي پوري په کعبه شريفه کي د حج د سږني مراسمو له پاره د صفايي کارونو دوام درلود. خو په ۲۰۲۰ کال کي د نورو عادي امادګيو او صفاکاريو ترڅنګ د کعبې پر شاوخوا، د مځکي پر فرش باندي د ټولنيز واټن نيولو په اړه علامې هم لګول سوي.
انځور: Getty Images/AFP
د ټولنيز واټن په پام کي نيولو سره د کعبې طواف
په داسي حال کي چي هرکال به په لسونو زره کسان اوه واره د کعبې پر شاوخوا راګرځيدل د کرونا په کال کي به د هغوی شمير ډير لږ وي. د حداقل يونيم متر ټولنيز واټن په لرلو به مسلمانان د کعبې سږني طواف ترسره کړي. دغه کسان د يوه آنلايني بهير له لاري انتخاب سوي، مکې معظمې ته د راتګ سره سم د هغوی تبه اندازه سوې او دوې اونۍ قرانطين سوي دي.
انځور: Getty Images/AFP
ماسکونه او يونيفورم
په مکه معظمه کي امنيتي کسان هم د کرونا د تدابيرو په پام کي نيولو سره ولاړ دي. هغه په لسونو زره زيارت کوونکي چي سږکال مکې معظمې ته راغلي له ۱۶۰ هيوادونو څخه دي خو ټول په سعودي عربستان کي ژوند کوي. سږکال په الوتکه کي سفر ناممکن وو. سعودي عربستان له کوويد ۱۹ څخه سخت زيانمن سوی تر اوسه پوري ۲۵۰ زره کسان د کرونا په ويروس اخته سوي.
انځور: Reuters/Saudi Ministry of Media
له ماسکونو او سفري بکسونو سره
يوازي هغه مسلمانان چي په هيواد کي دننه ژوند کوي، اجازه لري د حج په سږنيو مراسمو کي برخه واخلي. هر مسلمان مکلف دی چي په خپل ژوند کي يو وار د حج د مراسمو د ادا کولو له پاره مکې معظمې ته سفر وکړي. هغه هم په دې شرط چي توان يې ولري، صحتمند او بالغ وي.
انځور: Reuters/Saudi Ministry of Media
د ټولنيز واټن په نظرکي نيولو سره د شيطان ويشتل
مکې معظمې ته نژدې، په ډبرو باندي د شيطان ويشتل هم د حج د مراسمو يوه برخه ده. خو سږکال به دلته هم ټولنيز واټن مراعات سي. زيارت کوونکي به د کرونا له پانديمي سره مناسب تجهيزات تر لاسه کړي، لکه عفوني سوي ډبري، جای نمازونه او ضدعفوني مواد.
انځور: Reuters/Saudi Press Agency
يو له بل او کعبې شريفي څخه واټن نيول
په کعبه شريفه کي زيارت کوونکي نه يوازي يو له بل څخه ټولنيز واټن په پام کي نيسي، بلکي په خپله له کعبې شريفي څخه هم سږکال هغوی مجبور دي ټاکل سوې فاصله په نظر کي ونيسي. د نورو کلونو برعکس سږکال زيارت کوونکي اجازه نه لري چي کعبه شريفه لمس کړي.
انځور: Getty Images/AFP
تيرو کلونو ته يو نظر
دوه کاله مخکي لا مکې معظمې ته نژدې په مينا کي د حج مراسم دا ډول معلوميدل. څه د پاسه دوه ميليونه زيارت کوونکي مکې معظمې ته راغلي ول. د حج مراسم د مذهبي ګټو ترڅنګ اقتصادي ګټي هم لري. سعودي عربستان به هر کال په ميلياردو ډالر ددغو مراسمو له لاري تر لاسه کول. په مکه معظمه او د هغې پر شاوخوا به په سونو زره کسان په کارونو اخته ول.
