د روغتیا نړیوال سازمان په رهبرۍ یوې نړیوالي ډلي چي د کرونا بحران له پاره طبي تجهیزات او زیربنا برابروي، د پنجشنبې په ورځ وویل: »دا خبره په ځینو هغو شتمنو او بې وزلو هیوادونو کي صدق کوي چي د اټکلونو له مخي پکښي شاوخوا د کرونا ۵۰۰ زره ناروغان د مصنوعي تنفس له پاره، هره ورځ د اکسیجن څه ناڅه ۱،۱ ميلیونو سلنډرونو ته اړتیا لري.
د کوچنيانو د ملاتړ ادارې (يونسف) څخه، هینرییته فورې څرګنده کړې چي د کرونا پاندیمي، هغه طبي اکسیجن له بشپړ اضطراري حالت سره مخامخ کړ چي پخوا لا نیمګړتیا پکښي موجوده وه.
د هغې په خبره، ددې له پاره چي دغه نیمګړتیا په دوامداره توګه له منځه یووړل سي باید په اغیزمنو سوو هیوادونو کي روغتیايي سیستم بهتره سي. په دې ډول به د هغو کوچنیانو او نوو زیږیدلو ماشومانو ژوند وژغورل سي چی باید مصنوعي تنفس ورکړل سي.
د روغتیا نړیوال سازمان په رهبرۍ دغي ډلي څرګنده کړې ده چي د دې له پاره چي په ۲۰ سختو اغیزمن سوو هیوادونو کي دغه نیمګړتیا له منځه ولاړه سي، نو ۹۰ میلیونو ډالرو عاجلو مرستو ته اړتیا سته.
دغه پیسې به د مثال په ډول، مالاوي، نایجیریا او افغانستان ته ورکړل سي. ټول کال او په نړیواله سطحه د طبي اکسیجن کمبود ته په کتوسره حتی ۱،۶ میلیارډو یورو ته اړتیا لیدله کیږي. سربیره پردې د طبي اکسیجن له کمښت سره د مقابلې له پاره یو ځانګړی کاري ټیم هم جوړ سوی دی.
گ.پ/ن.ز (AFP)
کرونا واکسین: څومره کسان په کوم هیواد کې واکسین شوي؟
په نړۍ کې د کرونا ضد واکسین پر ۲۱۲ میلیونه کسانو باندې تطبیق شوی دی. اسرائیل په دې سیالۍ کې تر ټولو مخکې دی چې ۵۰،۲ خلکو ته یې واکسن لګول شوي. په افغانستان او پاکستان کې وضعیت څه ډول دی؟ انځور: Tânia Rêgo/Agência Brasil د اسرائیل ۵۰،۲ سلنه اتباعو ته د کرونا ضد واکسین لګول شوي دي او د ټول نفوس ۳۴،۶ سلنه ته د کرونا دواړه دوزه ترزیق شوي دي. دغه ارقام د «نیویارک ټایمز» د کرونا اړونده پاڼې اخیستل شوي.
انځور: Corinna Kern/REUTERS د افریقا له لويي وچې ۱۵۰۰ کیلومتره د هند په سمندر کې له ټاپوګانو جوړ هیواد سیشل کې ۶۵،۵۷۶، واکسینه لګول شوي دي. دا د دغه هیواد د نفوس ۴۵،۴ سلنه جوړوي. په سیشل کې د ټول نفوس ۲۲،۳ سلنې ته د کرونا ضد واکسینو دواړه دوزه لګول شوي دي. په انځور کې د سیشل هیواد ولسمشر د واکسین لګولو دمخه معلومات ترلاسه کوي.
انځور: Rassin Vannier/AFP/Getty Images په متحده عربي اماراتو کې د کرونا ضد ۵۵۵۷۷۹۳ واکسینه لګول شوي دي. په دې هکله کوم د معلوماتو کومه زیرمه نشته چې د نفوس څومره برخې ته واکسین ترزیق شوي، خو په اوسط ډول له هرو سلو کسانو شا او خوا ۵۷ کسانو ته واکسین لګول شوي.
انځور: picture-alliance/AP Photo/J. Gambrell بریتانیا په دې سیالۍ کې څلورم مخکښ هیواد دی. هلته د فبروري تر ۲۴مې نیټې ۱۸۳۴۸۱۶۵ کسانو ته د کرونا ضد واکسین لګول شوي دي. د ټول نفوس ۲۶،۷ سلنې ته واکسین لګول شوي او ۰،۹ سلنه خلکو ته د واکسین دواړه دوزه لګول شي.
انځور: Danny Lawson/empics/picture alliance په امریکا متحده ایالاتو کې له هرو سلو کسانو شا او خوا ۱۹ کسانو ته د کرونا ضد واکسین لګول شوي. په ټولیز ډول ۶۴۱۷۷۴۷۴ کسانو ته واکسین ورکړل شوی. که د ټول هیواد د نفوس په کچه وکتل شي نو ۱۳،۳ سلنه امریکايي اتباعو ته واکسین لګول شوي او ۵،۹ سلنه خلکو ته واکسین دواړه دوزه ترزیق شوي. په انځور کې د متحده ایالاتو ولسمشر جو بایدن ته واکسین لګول کیږي.
انځور: Alex Edelman/AFP/Getty Images په بحرین کې په اوسط ډول له هرو سلو کسانو شا او خوا ۱۷ کسان واکسین شوي. په دغه خلیجي هیواد کې په مجموعي ډول ۱۷۸۲۲۲ واکسین لګول شوي دي.
انځور: picture-alliance/AP/H. Jamali په چلي کې د کرونا ضد د لګول شوو واکسینونو مجموعي شمیر ۲۹۹۴۱۳۹ ته رسیږي. په دغه هیواد کې د ټول نفوس ۱۵،۷ سلنه خلکو ته واکسین لګول شوی او د هغو خلکو شمیر چې دواړه یا بشپړ دوزه یې ترلاسه کړي ۰،۳ دی. په انځور کې د دغه هیواد ولسمشر ته واکسین لګول کیږي.
انځور: Chilean Presidency/REUTERS په مالديو کې په اوسط ډول له هرو سلو کسانو څه د پاسه ۱۴ کسانو ته د کرونا ضد واکسین ترزیق شوي. په دغه هیواد کې د واکسین ۷۵۰۱۳ دوزه تطبیق شوي دي.
انځور: Sergi Reboredo/picture alliance په سربستان کې هم له هرو سلو کسانو څخه ۱۴،۱ سلنه خلکو ته کرونا ضد واکسین لګول شوي دي. په ټولیز ډول ۹۸۷۰۰۰ کسانو دغه واکسین ترلاسه کړي دي. د نفوس له مخې د دغه هیواد ۱۱،۵ سلنه خلکو ته د کرونا ضد واکسین لګول شوي دي او ۲،۶ سلنه خلکو ته دواړه دوزه لګول شوي دي.
انځور: Vladimir Zivojinnovic/AFP/Getty Images په پاکستان کې د کرونا ضد ۷۲۸۸۲ واکسین لګول شوي دي، په دې ترتیب د ټول نفوس یوازې ۰،۱ سلنه خلک واکسین شوي دي.
انځور: Aamir Qureshi/AFP/Getty Images که څه هم افغانستان څه موده وړاندې د کرونا ضد واکسین له هند څخه ترلاسه کړي وو خو د سه شنبې په ورځ د افغانستان د ولسمشر په حضور کې لومړی واکسین یوې خبریالې او یوه سرتیري ته ولګول شو. د روغتیا چارو وزارت په دې هکله زموږ پوښتنه ځواب نه کړه.
انځور: ASSOCIATED PRESS/picture alliance
